സെന്‍സസ് ആദ്യഘട്ട കണക്കെടുപ്പ് മേയ് ഒന്നുമുതല്‍ 30 വരെ
രണ്ടുഘട്ടമായി നടക്കുന്ന രാജ്യത്തിലെ ജനസംഖ്യ കണക്കെടുപ്പുമായി (സെന്‍സസ് 2021) ബന്ധപ്പെട്ട് സംസ്ഥാനത്ത് നടപ്പാക്കേണ്ട വിവിധ പ്രവര്‍ത്തനങ്ങള്‍ സംബന്ധിച്ച്‌ ചീഫ് സെക്രട്ടറി ടോം ജോസ് പ്രിന്‍സിപ്പല്‍ സെന്‍സസ് ഓഫിസര്‍മാരായ ജില്ല കലക്ടര്‍മാരുമായി ചര്‍ച്ച നടത്തി. സെന്‍സസ് പ്രവര്‍ത്തനങ്ങളും ദേശീയ ജനസംഖ്യ രജിസ്റ്റര്‍ (എന്‍.പി.ആര്‍) പ്രവര്‍ത്തനങ്ങളും രണ്ടാണെന്നും എന്‍.പി.ആര്‍ പുതുക്കലുമായി ബന്ധപ്പെട്ട ചോദ്യാവലി കേരളത്തില്‍ ശേഖരിക്കുന്നില്ലെന്നും ചീഫ് സെക്രട്ടറി പറഞ്ഞു. ഇക്കാര്യം ജനങ്ങള്‍ക്ക് വ്യക്തത വരുത്തിനല്‍കാന്‍ കലക്ടര്‍മാര്‍ പ്രത്യേക ശ്രദ്ധപുലര്‍ത്തണമെന്നും അദ്ദേഹം നിര്‍ദേശിച്ചു.എന്‍.പി.ആറുമായി ബന്ധപ്പെട്ട ചോദ്യാവലി സംസ്ഥാനത്ത് നടപ്പാക്കുന്നില്ല. ഇക്കാര്യങ്ങള്‍ സര്‍ക്കാര്‍ വീണ്ടും വ്യക്തമാക്കിയിട്ടും ചിലര്‍ ജനങ്ങളില്‍ തെറ്റിദ്ധാരണയുണ്ടാക്കാന്‍ ശ്രമിക്കുന്നെന്ന് യോഗം വിലയിരുത്തി. സെന്‍സസിെന്‍റ ആദ്യഘട്ടമായ വീടുകളുടെ രേഖപ്പെടുത്തലും കണക്കെടുപ്പും 2020 മേയ് ഒന്നുമുതല്‍ 30 വരെ നടത്തും. രണ്ടാംഘട്ടമായ പോപുലേഷന്‍ എന്യുമറേഷന്‍ 2021 ഫെബ്രുവരി ഒമ്ബതു മുതല്‍ 28 വരെ നടത്തും.രാജ്യത്ത് ആദ്യമായി നടത്തുന്ന മൊബൈല്‍ ആപ് വഴിയുള്ള ഡിജിറ്റല്‍ ജനസംഖ്യ വിവരശേഖരണം സംസ്ഥാനത്ത് നൂറുശതമാനം വിജയമാക്കാന്‍ നടപടികള്‍ സ്വീകരിക്കണമെന്ന് ചീഫ് സെക്രട്ടറി നിര്‍ദേശിച്ചു. ജനസംഖ്യ കണക്കെടുപ്പില്‍ ശേഖരിക്കുന്ന വിവരങ്ങള്‍ അടുത്ത 10 വര്‍ഷത്തേക്കുള്ള വികസന പ്രവര്‍ത്തനങ്ങള്‍ നിശ്ചയിക്കുന്നതില്‍ നിര്‍ണായകമാണ്. മണ്ഡല പുനര്‍നിര്‍ണയത്തിനും സംവരണത്തിനുമടക്കം ആശ്രയിക്കുന്ന പ്രധാന വിവരസ്രോതസ്സുമാണിത്. സെന്‍സസ് പ്രവര്‍ത്തനങ്ങളുടെ ആദ്യഘട്ടമായ വീടുകളുടെ രേഖപ്പെടുത്തലും കണക്കെടുപ്പുമായി ബന്ധപ്പെട്ട് 31 ചോദ്യങ്ങള്‍ അടങ്ങുന്ന ചോദ്യാവലിയും ഇതിനകം വിജ്ഞാപനം ചെയ്തിട്ടുണ്ടെന്ന് ചീഫ് സെക്രട്ടറി പറഞ്ഞു.
സെന്‍സസിലെ ചോദ്യങ്ങള്‍
കെട്ടിട നമ്ബര്‍, വീടിെന്‍റ നിലം, ഭിത്തി, മേല്‍ക്കൂര എന്നിവക്കുപയോഗിച്ച പ്രധാന സാമഗ്രികള്‍, വീടിെന്‍റ ഉപയോഗം, വീടിെന്‍റ അവസ്ഥ, കുടുംബത്തിെന്‍റ നമ്ബര്‍, കുടുംബത്തില്‍ പതിവായി താമസിക്കുന്നവരുടെ ആകെ എണ്ണം, കുടുംബനാഥെന്‍റ/ നാഥയുടെ പേര്, ആണോ, പെണ്ണോ, മൂന്നാം ലിംഗമോ, കുടുംബ നാഥന്‍ പട്ടിക ജാതിയോ/പട്ടിക വര്‍ഗമോ/മറ്റുള്ളവരോ, വീടിെന്‍റ ഉടമസ്ഥത, താമസിക്കുവാന്‍ ഈ കുടുംബത്തിന് മാത്രമായി കൈവശമുള്ള മുറികളുടെ എണ്ണം, കുടുംബത്തില്‍ താമസിക്കുന്ന ദമ്ബതികളുടെ എണ്ണം, പ്രധാന കുടിവെള്ള സ്രോതസ്സ്, കുടിവെള്ള സ്രോതസ്സിെന്‍റ ലഭ്യത, വെളിച്ചത്തിെന്‍റ പ്രധാന സ്രോതസ്സ്, കക്കൂസ് ഉണ്ട്/ഇല്ല, ഏതു തരം കക്കൂസ്, അഴുക്കു വെള്ളക്കുഴല്‍ സംബന്ധിച്ച്‌, പരിസരത്തു കുളിക്കാനുള്ള സൗകര്യം, എല്‍.പി.ജി/പി.എന്‍.ജി കണക്ഷന്‍, പാചകത്തിന് പ്രധാനമായി ഉപയോഗിക്കുന്ന ഇന്ധനം, റേഡിയോ/ ട്രാന്‍സിറ്റര്‍ ഇവ ഉണ്ടോ, ടെലിവിഷന്‍ ഉണ്ടോ, ഇന്‍റര്‍നെറ്റ് ലഭ്യത, കമ്ബ്യൂട്ടര്‍/ലാപ്ടോപ്, ടെലിഫോണ്‍/മൊബൈല്‍ ഫോണ്‍/സ്മാര്‍ട്ട് ഫോണ്‍, െസെക്കിള്‍/മോട്ടര്‍ സൈക്കിള്‍/സ്‌കൂട്ടര്‍/മോപ്പഡ്, കാര്‍/ജീപ്പ്/വാന്‍, കുടുംബത്തില്‍ ഉപയോഗിക്കുന്ന പ്രധാന ഭക്ഷ്യധാന്യം, മൊബൈല്‍ നമ്ബര്‍ (സെന്‍സസ് സംബന്ധമായ ആശയ വിനിമയങ്ങള്‍ക്ക് മാത്രം).