നേന്ത്രപ്പഴം കൊണ്ട് കുട്ടികൾക്കായി എളുപ്പത്തിൽ ഒരു പലഹാരം ഉണ്ടാക്കാം

നന്നായി പഴുത്ത നേന്ത്രപ്പഴം – 3

തേങ്ങാ ചിരകിയത് – 1 കപ്പ്‌

ഏലക്കാപ്പൊടി – 3/4 ടീ സ്പൂണ്‍

പഞ്ചസ്സാര – 1/4 കപ്പ്‌ ( മധുരം ഇഷ്ടമുള്ള അളവിൽ )

സേമിയ നുറുക്കിയത്

കടലമാവ് – 4 ടേബിൾ സ്പൂണ്‍

എണ്ണ – വറുക്കാൻ ആവശ്യമുള്ളത്

പഴം ആവിയിൽ പുഴുങ്ങി , തണുക്കുമ്പോൾ നന്നായി ഉടച്ചെടുക്കുക

തേങ്ങ മിക്സിയിൽ ഒന്ന് ചതച്ചെടുക്കുക

ഉടച്ച പഴത്തിലേക്കു തേങ്ങയും പഞ്ചസ്സാരയും ഏലക്കാപ്പൊടിയും ചേർത്ത് ഇളക്കി വയ്ക്കുക

കടലമാവ് വെള്ളം ചേർത്ത് അയവിൽ കലക്കുക

ഓരോ ചെറിയ ഉരുള എത്തപ്പഴക്കൂട്ടെടുത്തു കിളിക്കൂടിന്റെ ആകൃതിയിൽ പരത്തി , കടലമാവിൽ ഒന്ന് മുക്കി , സേമിയയിൽ ഇട്ടു ഉരുട്ടി എടുക്കുക

സേമിയ ഓരോ ഉരുളക്കു പുറത്തും നന്നായി പൊതിഞ്ഞു വരണം

എല്ലാ ഉരുളകളും ഇങ്ങനെ പൂർത്തി ആയാൽ എണ്ണ ചൂടാകാൻ വയ്ക്കാം

ചൂടായ എണ്ണയിൽ കിളിക്കൂടുകൾ വറുത്തു കോരുക

ചൂടോടെ മധുരമുള്ള കിളിക്കൂട്‌ ആസ്വദിക്കൂ