സൂര്യയുടെ ‘സൂരറൈ പോട്രിന്’ ക്ലീന്‍ ‘യു’ സര്‍ട്ടിഫിക്കറ്റ്
മലയാളി താരം അപര്‍ണ ബാലമുരളിയാണ് ചിത്രത്തില്‍ സൂര്യയുടെ നായിക.മോഹന്‍ ബാബു, ജാക്കി ഷറഫ്, കരുണാസ് , പരേഷ് റാവല്‍, ഉര്‍വ്വശി എന്നിവരാണ് ചിത്രത്തിലെ മറ്റ് പ്രധാന അഭിനതാക്കള്‍. എയര്‍ ഡെക്കാന്‍ സ്ഥാപകന്‍ ക്യാപ്റ്റന്‍ ജി.ആര്‍ ഗോപിനാഥിന്റെ ജീവിത കഥയെ അടിസ്ഥാനമാക്കിയാണ് ചിത്രം നിര്‍മ്മിച്ചിരിക്കുന്നത്. വിമാന കമ്ബനി സ്ഥാപിക്കാന്‍ അദ്ദേഹം നടത്തിയ ജീവിത പോരാട്ടമാണ് ചിത്രത്തിന്റെ പ്രമേയം.നികേത് ബോമ്മി റെഡ്ഡിയാണ് ക്യാമറാ. ജി.വി പ്രകാശാണ് സംഗീത സംവിധായകന്‍. സൂര്യയുടെ 2ഡി എന്റര്‍ടൈന്‍മെന്റ്സും സീഖ്യാ എന്റര്‍ടെയ്ന്‍മെന്റിന്റെ ബാനറില്‍ ഗുനീത് മോംഘയും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.സിനിമ തിയ്യറ്ററില്‍ തന്നെ റിലീസ് ചെയ്യുമെന്നാണ് സിനിമയുടെ നിര്‍മാതാവുകൂടിയായ സൂര്യ പ്രതികരിച്ചിരിക്കുന്നത്. സ്പാര്‍ക്ക് പിക്ചേഴ്സാണ് ‘സൂരറൈ പോട്ര് ‘ കേരളത്തില്‍ പ്രദര്‍ശനത്തിനെത്തിക്കുന്നത്.