“ഉമാ മഹേശ്വരാ ഉഗ്ര രൂപസ്യ” നെറ്ഫ്ലിക്സില്‍ ജൂലൈ 15ന് പ്രദര്‍ശനത്തിന് എത്തും
ഫഹദ് ഫാസിലിനെ നായകനാക്കി ദിലീഷ് പോത്തന്‍ സംവിധാനം ചെയ്ത മലയാളത്തിലെ ഹിറ്റ് ചിത്രമായിരുന്നു മഹേഷിന്റെ പ്രതികാരം. ഇപ്പോഴിതാ നാല് വര്‍ഷങ്ങള്‍ക്കിപ്പുറം ചിത്രത്തിന്റെ തെലുങ്ക് റീമേക്കും പ്രേക്ഷകരിലേക്ക് എത്തുകയാണ്. ഏപ്രില്‍ 17ന് റിലീസ് ചെയ്യാനിരുന്ന ചിത്രം കൊവിഡിന്‍റെ പശ്ചാത്തലത്തില്‍ മാറ്റിവെക്കുകയായിരുന്നു. ഡയറക്‌ട് ഒടിടി റിലീസ് ആയി നെറ്റ്ഫ്ളിക്സ് വഴിയാണ് ‘ഉമാ മഹേശ്വര ഉഗ്ര രൂപസ്യ’ എന്നു പേരിട്ടിരിക്കുന്ന ചിത്രം എത്തുക. ഈ മാസം 15നാണ് റിലീസ്.വെങ്കിടേഷ് മഹയാണ് ചിത്രം സംവിധാനം ചെയ്യുന്നത് . സത്യ ദേവ് ആണ് ചിത്രത്തിലെ നായകന്‍. ഫഹദ് ഫാസില്‍ ഗംഭീരമാക്കിയ മഹേഷിന്റെ അതേ ഗെറ്റെപ്പിലാണ് സത്യദേവും തെലുങ്ക് പതിപ്പില്‍. സുഹാസ്, ജബ്ബര്‍ദസ്ത് റാംപ്രസാദ്, ടിഎന്‍ആര്‍, രവീന്ദ്ര വിജയ്, കെ രാഘവന്‍ എന്നിവരാണ് മറ്റു പ്രധാന താരങ്ങള്‍. ബ്രഹ്മാണ്ഡ ചിത്രം’ബാഹുബലി’ നിര്‍മിച്ച അര്‍ക മീഡിയ വര്‍ക്ക്സാണ് ചിത്രത്തിന്റെ നിര്‍മാണം. അപ്പു പ്രഭാകര്‍ ചിത്രത്തിന്റെ ഛായാഗ്രഹണം നിര്‍വഹിക്കുന്നു. ബിജിബാല്‍ ആണ് സംഗീതം ഒരുക്കുന്നത്.മഹേഷിന്റെ പ്രതികാരത്തിന്‍റെ തമിഴ് റീമേക്ക് നിമിര്‍ എന്ന പേരില്‍ 2018ല്‍ തീയേറ്ററുകളിലെത്തിയിരുന്നു. പ്രിയദര്‍ശന്‍ ആയിരുന്നു സംവിധായകന്‍.