ഇന്ത്യയില്‍ പ്രതിദിന കോവിഡ് ബാധിതരുടെ എണ്ണത്തില്‍ റെക്കോര്‍ഡ് വര്‍ധനവ്
കഴിഞ്ഞ 24 മണിക്കൂറിനുള്ളില്‍ 66,999 പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ രാജ്യത്തെ കോവിഡ്ബാധിതരുടെ എണ്ണം 23,96,638 ആയി ഉയര്‍ന്നു കഴിഞ്ഞ 24 മണിക്കൂറിനുള്ളില്‍ 942 കോവിഡ് മരണങ്ങളാണ് റിപ്പോര്‍ട്ട് ചെയ്തത്. ഇതോടെ കോവിഡ് രോഗബാധയെ തുടര്‍ന്ന് മരിച്ചവരുടെ എണ്ണം 47,033 ആയി. ഏറ്റവും കൂടുതല്‍ കോവിഡ് രോഗികളുള്ള മഹാരാഷ്ട്രയില്‍ കഴിഞ്ഞ ദിവസം 344 പേരാണ് മരിച്ചത്. കര്‍ണാടകയില്‍ 112 കോവിഡ് മരണങ്ങളും റിപ്പോര്‍ട്ട് ചെയ്തു. ആരോഗ്യമന്ത്രാലയത്തിെന്‍റ ഒൗദ്യോഗിക കണക്ക് പ്രകാരം രാജ്യത്തെ മരണനിരക്ക് 1.96 ശതമാനമാണ്.ആരോഗ്യമന്ത്രാലയം പുറത്തുവിട്ട കണക്ക് പ്രകാരം ഇതുവരെ 16,95,982 പേര്‍ രോഗമുക്തി നേടി. രാജ്യത്തെ കോവിഡ് രോഗമുക്തി നിരക്ക് 70.77 ശതമാനമായി ഉയര്‍ന്നുവെന്ന് ആരോഗ്യമന്ത്രാലയം അറിയിച്ചു.നിലവിലുള്ള കോവിഡ് രോഗികളുടെ നിരക്ക് 27.27 ശതമാനമായി. 6,53,622 പേരാണ് ചികിത്സയില്‍ കഴിയുന്നത്.പ്രതിദിന കോവിഡ് രോഗികളുടെ കണക്കില്‍ ഇന്ത്യയാണ് ഒന്നാംസ്ഥാനത്തുള്ളത്. ആഗസ്റ്റ് 12 വരെയുള്ള കണക്ക് പ്രകാരം രാജ്യത്ത് 2,68,45,688 കോവിഡ് പരിശോധനകളാണ് നടത്തിയിട്ടുള്ളതെന്ന് ഐ.സി.എം.ആര്‍ അറിയിച്ചു. കഴിഞ്ഞ ദിവസം 8,30,391 കോവിഡ് സാമ്ബിളുകള്‍ പരിശോധിച്ചതായും ഐ.സി.എം.ആര്‍ അറിയിച്ചു.