ഇന്ത്യയില്‍ 19 ലക്ഷം കടന്ന് കോവിഡ് ബാധിതര്‍
ന്യൂഡല്‍ഹി: രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 19,08,254 ആയി. 39,795 പേര്‍ ഇതിനകം മരിച്ചു. 5,86,244പേര്‍ നിലവില്‍ ചികിത്സയിലാണ്. 12,82,215 പേര്‍ േരാഗമുക്തി നേടിയതായും കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു.കഴിഞ്ഞ 24 മണിക്കൂറിനുള്ളില്‍ 52,509 പേര്‍ക്ക് കോവിഡ് സ്ഥിരീകരിക്കുകയും 857 പേര്‍ മരണത്തിന് കീഴടങ്ങുകയും ചെയ്തു. കോവിഡ് ബാധിച്ച്‌ രാജ്യത്ത് മരിച്ചവരില്‍ 50 ശതമാനം പേരും 60 വയസും അതിനു മുകളിലുമുള്ളവരാണ്.ഉത്തര്‍പ്രദേശ് മന്ത്രി ബ്രജേഷ് പതകിന് ബുധനാഴ്ച കോവിഡ് സ്ഥിരീകരിച്ചു. ഹിന്ദിയിലിട്ട ട്വീറ്റില്‍ പതക് തന്നെയാണ് രോഗവിവരം അറിയിച്ചത്.കോവിഡ് ഗുരുതരമായി ബാധിച്ച മഹാരാഷ്ട്രയില്‍ ഇതുവരെ 4,57,956 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 1,42,458 പേര്‍ ചികിത്സയിലാണ്. 2,99,356 പേര്‍ രോഗമുക്തി നേടി. 16,142 പേര്‍ മരണത്തിന് കീഴടങ്ങി. തമിഴ്നാട്ടില്‍ 2,68,285 പേര്‍ക്ക് ഇതിനകം രോഗം സ്ഥിരീകരിച്ചു. ഇതില്‍ 2,08,784 പേര്‍ രോഗമുക്തി നേടി. 55,152 പേര്‍ ചികിത്സയിലാണ്. 4349 പേര്‍ മരിച്ചു. ആന്ധ്രപ്രദേശില്‍ 79,104 പേര്‍ കോവിഡ് ബാധിച്ച്‌ ചികിത്സയില്‍ തുടരുകയാണ്. ഇതിനകം 1,76,333 പേര്‍ക്ക് രോഗം സ്ഥിരീകരിച്ചിട്ടുണ്ട്. 95,625 പേര്‍ രോഗമുക്തി നേടി. 1604 പേര്‍ മരണത്തിന് കീഴടങ്ങി.കേരളത്തില്‍ നിലവില്‍ 11,570 പേരാണ് ചികിത്സയിലുള്ളത്. ഇതിനകം 27,956 പേര്‍ക്ക് രോഗം പിടിപെട്ടു. 16,299 പേര്‍ രോഗമുക്തി നേടി. 87 പേര്‍ മരിച്ചു.