ഓണത്തോടനുബന്ധിച്ച്‌ കെഎസ്‌ആര്‍ടിസി അന്തര്‍ സംസ്ഥാന സ്പെഷ്യല്‍ സര്‍വീസുകള്‍ ആരംഭിക്കുന്നു
ഗതാഗത മന്ത്രി എ.കെ. ശശീന്ദ്രനാണ് ഇക്കാര്യം അറിയിച്ചത്. ഈ മാസം 27 മുതല്‍ മൈസൂരു, ബംഗളൂരു എന്നിവിടങ്ങളിലേക്കും തിരിച്ചും കെഎസ്‌ആര്‍ടിസി സര്‍വീസ് നടത്തുമെന്ന് ഗതാഗത മന്ത്രി അറിയിച്ചു. കോഴിക്കോട്, പാലക്കാട്, എറണാകുളം, തിരുവനന്തപുരം എന്നീ ജില്ലകളില്‍ നിന്നാണ് സര്‍വീസുകള്‍ ഉണ്ടാവുക.പത്ത് ശതമാനം അധിക നിരക്കിലായിരിക്കും സ്പെഷ്യല്‍ സര്‍വീസ് നടത്തുക. ടിക്കറ്റ് ഓണ്‍ലൈന്‍ ആയി രജിസ്റ്റര്‍ ചെയ്യാമെന്നും യാത്രക്കാര്‍ എല്ലാവരും കോവിഡ് ജാഗ്രതാ പോര്‍ട്ടലില്‍ രജിസ്റ്റര്‍ ചെയ്ത് കേരളത്തിലേക്കുള്ള പാസ് എടുക്കണമെന്നും മന്ത്രി അറിയിച്ചു. സര്‍വീസ് റദ്ദാക്കിയാല്‍ ടിക്കറ്റ് തുക തിരിച്ച്‌ നല്‍കുമെന്നും മന്ത്രി പറഞ്ഞു.