പൊതു പാര്‍ക്കുകളിലെ ഗ്രൗണ്ടുകള്‍ തുറക്കാന്‍ മുനിസിപ്പാലിറ്റി പരിസ്ഥിതി മന്ത്രാലയം തീരുമാനിച്ചു
ദോഹ: കോവിഡ്-19 നിയന്ത്രണങ്ങള്‍ ഘട്ടം ഘട്ടമായി നീക്കുന്നതിെന്‍റ ഭാഗമായാണ് തീരുമാനം. ഒരേസമയം 10 പേര്‍ക്ക് മാത്രമേ ഗ്രൗണ്ട് അനുവദിക്കൂ. ഗ്രൗണ്ടിലെത്തുന്നവര്‍ എല്ലാ മുന്‍കരുതല്‍ നടപടികളും പാലിക്കണം. പ്രവേശന കവാടത്തില്‍ സന്ദര്‍ശകര്‍ ഇഹ്തിറാസ് ആപ്പിലെ പച്ചനിറം പ്രദര്‍ശിപ്പിക്കണം.മാസ്ക് ധരിക്കുകയും സാമൂഹിക അകലം പാലിക്കുകയും ചെയ്യണം. കളിക്കളത്തിലേക്ക് പ്രവേശിക്കുന്നതിന് മുമ്ബായി എല്ലാവരും ശരീരോഷ്മാവ് പരിശോധനക്ക് വിധേയമാകണം. സുരക്ഷ ജീവനക്കാരുടെ നിര്‍ദേശങ്ങള്‍ കര്‍ശനമായി പാലിക്കാന്‍ എല്ലാവരും ബാധ്യസ്ഥരാണ്. സന്ദര്‍ശകര്‍ കൃത്യമായ ശുചിത്വം പാലിക്കണമെന്നും അധികൃതര്‍ വ്യക്തമാക്കി.