റഷ്യ വികസിപ്പിച്ച കൊറോണ വാക്സിനില്‍ പ്രതീക്ഷയുണ്ടെന്ന് അമേരിക്കന്‍ പ്രസിഡന്‍റ് ഡോണള്‍ഡ് ട്രംപ്
റഷ്യ വികസിപ്പിച്ച വാക്സിന്‍ ‘സ്പുട്നിക്ക് 5’ ഫലവത്താകുമെന്നാണ് താന്‍ പ്രതീക്ഷിക്കുന്നത് എന്ന് ട്രംപ് പ്രതികരിച്ചു. അമേരിക്കയുടെ കോവാക്സിനും ഉടന്‍ പരീക്ഷിച്ച്‌ വിജയിക്കാനാകുമെന്നാണ് പ്രതീക്ഷിക്കുന്നതെന്നും ട്രംപ് വ്യക്തമാക്കി.കൂടുതലായി ഒന്നും റഷ്യന്‍ വാക്സിന്‍ സംബന്ധിച്ച്‌ അറിയില്ലെന്നും ട്രംപ് പറഞ്ഞു. അധികം വൈകാതെ തന്നെ അമേരിക്ക വാക്സിന്‍ പരീക്ഷിച്ച്‌ വിപണിയിലെത്തിക്കും. അതുമായി ബന്ധപ്പെട്ട ഗവേഷണങ്ങള്‍ വേഗത്തില്‍ നടന്നുകൊണ്ടിരിക്കുകയാണെന്നും ട്രംപ് വ്യക്തമാക്കി.ചൊവ്വാഴ്ചയാണ് ലോകത്തിലെ ആദ്യത്തെ കൊറോണ വാക്സിന്‍ നിര്‍മ്മാണം പൂര്‍ത്തിയായെന്ന് റഷ്യന്‍ പ്രസിഡന്‍റ് വ്ലാഡമിര്‍ പുഡിന്‍ അറിയിച്ചത്. റഷ്യ ഉടന്‍ തന്നെ പൊതുജനങ്ങള്‍ക്ക് വാക്സിന്‍ നല്‍കി തുടങ്ങും. തന്‍റെ മകള്‍ക്ക് ആദ്യം വാക്സിന്‍ എടുത്തുവെന്നാണ് നേരത്തെ റഷ്യന്‍ പ്രസിഡന്‍റ് വ്യക്തമാക്കിയിരുന്നത്.