ഹൃദയാരോഗ്യം നിലനിര്‍ത്താന്‍ വേണ്ടി നമ്മള്‍ വ്യായാമം , ഭക്ഷണ ക്രമീകരണം തുടങ്ങി പല കാര്യങ്ങളും ചെയ്യാറുണ്ട്
ഇവയ്ക്കൊപ്പം നമ്മുടെ ജീവിതശൈലിയില്‍ ചില ഭക്ഷണങ്ങള്‍ കൂടി ഉള്‍പ്പെടുത്തുന്നത് ഹൃദയാരോഗ്യം നിലനിര്‍ത്താന്‍ സഹായിക്കും
1 . ഓറഞ്ച്
വിറ്റാമിന്‍ സി , പോഷകങ്ങള്‍ , നാരുകള്‍ എന്നിവ ധാരാളം അടങ്ങിയിട്ടുള്ള ഓറഞ്ച് ഉന്മേഷം തരുകയും ദാഹം അകറ്റുകയും ചെയ്യുന്നപോലെ തന്നെ , ശരീത്തില്‍ അടിഞ്ഞു കൂടിയിരിക്കുന്ന അധിക തോതിലുള്ള പൊട്ടാസിയവും സോഡിയവും പുറന്തള്ളാന്‍ സഹായിക്കുകയും , തന്മൂലം രക്തസമ്മര്‍ദ്ദം കുറയ്ക്കാന്‍ സഹായിക്കുകയും ചെയ്യും . ഓറഞ്ചില്‍ ഉയര്‍ന്ന തോതില്‍ പെക്ടിന്റെ അംശം ഉള്ളതിനാല്‍ ഭക്ഷണത്തില്‍ അടങ്ങിയിരിക്കുന്ന കൊളസ്ട്രോള്‍ വലിച്ചെടുക്കുകയും ഹൃദയത്തെ സംരക്ഷിക്കുകയും ചെയ്യും .
2 . വെളുത്തുള്ളി
വെളുത്തുള്ളി ഭക്ഷണത്തിനു രുചി മാത്രമല്ല ആരോഗ്യവും സംരക്ഷിക്കുന്ന ഒന്നാണ് . വെളുത്തുള്ളി കഴിക്കുന്നത് മൂലം രക്തസമ്മര്‍ദം അളവില്‍ കൂടുതല്‍ ആകാതെ നോക്കുകയും , രക്തക്കുഴലുകള്‍ ചുരുങ്ങാതെ നോക്കുകയും , രക്തധമനികളില്‍ അടിഞ്ഞു കൂടുന്ന കറ പോലുള്ള വസ്തുക്കളെ നീക്കം ചെയ്യുകയും ചെയ്യുന്നു . രക്തധമനികള്‍ സുഗമമായി പ്രവര്‍ത്തിക്കേണ്ടത് ഹൃദയാരോഗ്യത്തിന് അന്ത്യന്താപേക്ഷിതമാണ് .
3 . ബദാം
ബദാം രക്തസമ്മര്‍ദ്ദം ഉയരാതെ നോക്കുകയും , ശരീരത്തിന് ആവശ്യമില്ലാത്ത കൊളസ്ട്രോള്‍ രക്തധമനികള്‍ വലിച്ചെടുക്കാതെ സംരക്ഷിക്കുകയും ചെയ്യും .
4 . മാതളനാരങ്ങ
മാതള നാരങ്ങയില്‍ ധാരാളം ആന്റി ഓക്സിഡന്റുകള്‍ അടങ്ങിയിരിക്കുന്നതിനാല്‍ പ്രമേഹം , ഹൃദയാഘാതം , ഓര്‍മ്മക്കുറവ് എന്നീ അസുഖങ്ങള്‍ വരാതെ സംരക്ഷിക്കും . കൂടാതെ , ഹൃദയധമനികളില്‍ കട്ടിയുള്ള കറകള്‍ അടിഞ്ഞുകൂടാതെ സംരക്ഷിക്കുകയും ചെയ്യും .
5 . മഞ്ഞള്‍
ഇന്ത്യയുടെ ഭക്ഷണശീലത്തില്‍ ഒഴിച്ച്‌ കൂടാനാവാത്ത ഒന്നാണ് മഞ്ഞള്‍ . മഞ്ഞളില്‍ കുര്‍ക്കുമിന്റെ അളവ് ധാരാളം ഉള്ളതിനാല്‍ ഹൃദയഭിത്തികള്‍ കട്ടിയാവാതെ സംരക്ഷിക്കും . അത് പോലെ തന്നെ വണ്ണം കുറയ്ക്കാനും , രക്തക്കുഴലുകളുടെ സുഗമമായ പ്രവര്‍ത്തനത്തിനും , രക്തസമ്മര്‍ദ്ദം കുറക്കാനും സഹായിക്കും .