ഗൂഗിള്‍ പിക്‌സല്‍ 5 എസ് വരുന്നു
പിക്‌സല്‍ 4 എ അവതരിപ്പിക്കുമ്ബോള്‍, ഗൂഗിള്‍ പിക്‌സല്‍ 4 എ 5 ജി, പിക്‌സല്‍ 5 എന്നിവയും പുറത്തിറക്കിയിരുന്നു. 5ജി ഫോണുകള്‍ ഇന്ത്യയിലേക്കായിരുന്നില്ല. മറിച്ച്‌ അത് മറ്റു വിപണികള്‍ ലക്ഷ്യമിടുന്നു. എന്നാല്‍, ഇപ്പോള്‍ വന്നിരിക്കുന്ന വാര്‍ത്ത മറ്റൊന്നാണ്, പുതിയൊരു ഫോണ്‍ കൂടി ഗൂഗിള്‍ അവതരിപ്പിക്കുന്നു. അത്, ഗൂഗിള്‍ പിക്‌സല്‍ 5 എസ് എന്ന പേരിലായിരിക്കും. ഈ സ്മാര്ട്ട്ഫോണിന്റെ ചോര്‍ന്ന ചിത്രങ്ങള്‍ ഇപ്പോള്‍ വെബില്‍ പ്രത്യക്ഷപ്പെട്ടു.മെക്‌സിക്കന്‍ റേഡിയോ പേഴ്‌സാണിലിറ്റിയായ ജാപോണ്‍ടണ്‍ പോസ്റ്റുചെയ്ത ചിത്രങ്ങള്‍ പിക്‌സല്‍ 5 നു സമാനമായ രൂപകല്‍പ്പനയില്‍ സ്മാര്‍ട്ട്ഫോണ്‍ കാണിക്കുന്നു. സ്‌ക്വയര്‍ റിയര്‍ ക്യാമറ സജ്ജീകരണം, പിന്നില്‍ ഫിംഗര്‍പ്രിന്റ് സെന്‍സര്‍, മുകളില്‍ ഇടത് കോണിലുള്ള പഞ്ച് ഹോള്‍ സ്‌ക്രീന്‍ എന്നിവയും ചിത്രത്തില്‍ വ്യക്തമായി കാണാം.സെറ്റിങ്‌സ് പേജിനു കീഴിലുള്ള ‘ഫോണിനെക്കുറിച്ച്‌’ വിഭാഗത്തിലെ ‘5 എസ്’ എന്ന സ്മാര്ട്ട്ഫോണിന്റെ പേര് പോലും ചിത്രങ്ങളിലൊന്ന് കാണിക്കുന്നു. കൂടാതെ, ആന്‍ഡ്രോയിഡ് 11 ഓപ്പറേറ്റിങ് സിസ്റ്റത്തെക്കുറിച്ചും ഇതില്‍ കാണിച്ചിരിക്കുന്നു.