കുവൈത്തില്‍ 729 പേര്‍ക്കുകൂടി കോവിഡ് സ്ഥിരീകരിച്ചു
ഇതുവരെ 1,14,744 പേര്‍ക്കാണ് വൈറസ് ബാധിച്ചത്. വെള്ളിയാഴ്ച 649 പേര്‍ ഉള്‍പ്പെടെ 1,06,495 പേര്‍ രോഗമുക്തി നേടി. ആറുപേര്‍ കൂടി മരിച്ചതോടെ രാജ്യത്തെ കോവിഡ് മരണം 690 ആയി. ബാക്കി 7559 പേരാണ് ചികിത്സയിലുള്ളത്. 136 പേര്‍ തീവ്രപരിചരണ വിഭാഗത്തിലാണ്. 8014 പേര്‍ക്കാണ് പുതുതായി കോവിഡ് പരിശോധന നടത്തിയത്.കോവിഡ് പരിശോധനയുടെ എണ്ണം വര്‍ധിപ്പിച്ചതാണ് കഴിഞ്ഞ ആഴ്ചയിലെ സവിശേഷത. പ്രതിദിന മരണ സംഖ്യ മൂന്നും നാലും ആയിരുന്നത് ആറും ഏഴും എട്ടുമായി വര്‍ധിച്ചതും ആശങ്കജനകമാണ്. ഒരാഴ്ചയിലെ കണക്കെടുത്താല്‍ പുതിയ കേസുകളും രോഗമുക്തിയും ഏതാണ്ട് ഒപ്പത്തിനൊപ്പമാണ്. ജനങ്ങള്‍ ജാഗ്രത പാലിക്കണമെന്ന് ആരോഗ്യ മന്ത്രാലയം ആവശ്യപ്പെടുന്നു.