കുവൈത്ത് പൗരന്മാരെ വിദേശ രാജ്യങ്ങളില്‍ ചികിത്സക്കയക്കുന്നത് താല്‍ക്കാലികമായി നിര്‍ത്തിവെച്ചു
കോവിഡ് പശ്ചാത്തലത്തിലെ സാമ്ബത്തിക പ്രതിസന്ധിയാണ് തീരുമാനത്തിന് അടിസ്ഥാനം.വിദേശത്തെ ആശുപത്രികളില്‍ നേരത്തേ നടത്തിയ ചികിത്സയുടെ ഭാഗമായി കുടിശ്ശികയുണ്ട്. നിലവില്‍ കുവൈത്തികള്‍ ചികിത്സയില്‍ കഴിയുന്ന അമേരിക്ക, ബ്രിട്ടന്‍, ഫ്രാന്‍സ്, തായ്ലന്‍ഡ്, യു.എ.ഇ എന്നിവിടങ്ങളിലെ ആശുപത്രിയിലാണ് കുടിശ്ശികയുള്ളത്. ആരോഗ്യ മന്ത്രാലയത്തിന് ധനമന്ത്രാലയത്തില്‍നിന്ന് ആവശ്യത്തിന് സാമ്ബത്തിക സഹായം ലഭിക്കാത്തതാണ് പ്രതിസന്ധിക്ക് കാരണം.കോവിഡ് പ്രതിസന്ധിയില്‍ കുവൈത്തിെന്‍റ മുഖ്യവരുമാനമായ പെട്രോളിയം വില കൂപ്പുകുത്തിയത് ബാധിച്ചിട്ടുണ്ട്. കോവിഡ് പ്രതിരോധത്തിനും ചികിത്സക്കും കോവിഡ് കാല ദുരിതാശ്വാസത്തിനും ക്വാറന്‍റീനുമായി വന്‍തുക ചെലവാകുകയും ചെയ്തു. ഒട്ടുമിക്ക അസുഖങ്ങള്‍ക്കും ശൈഖ് ജാബിര്‍ ആശുപത്രി ഉള്‍പ്പെടെ കുവൈത്തിലെ ആതുരാലയങ്ങളില്‍ ഇപ്പോള്‍ ചികിത്സ ലഭ്യമാണ്.