ജിഎസ്ടി നഷ്ട പരിഹാരത്തുക സംസ്ഥാനത്തിന് വായ്പയെടുത്ത് നല്‍കാമെന്നത് സംബന്ധിച്ചുള്ള പ്രത്യേക യോഗം ഇന്ന് നടക്കും
യോഗം ചേരുക മുഖ്യമന്ത്രിയുടെ അധ്യക്ഷതയിലാണ്. കേന്ദ്രം തന്നെ വായ്പടെയുത്ത് കൊടുക്കാമെന്നുള്ള തീരുമാനം കേന്ദ്രവും സംസ്ഥാനവും തമ്മിലുള്ള തര്‍ക്കത്തിനൊടുവിലാണ് ഇന്നലെ കേന്ദ്രം സംസ്ഥാന സര്‍ക്കാറിനെ അറിയിച്ചത്. ഇക്കാര്യം അറിയിച്ചത് കേന്ദ്ര ധനകാര്യ മന്ത്രി നിര്‍മലാ സീതാരാമന്‍ കത്തിലൂടെയാണ്.ഇക്കാര്യത്തില്‍ സംസ്ഥാനം ഇതുവരെ നിലപാട് വ്യക്തമാക്കിയിട്ടില്ല. ഇത്തരത്തില്‍ വായ്പയെടുത്ത് നല്‍കുമ്ബോള്‍ സംസ്ഥാനത്തിന് ഈ വര്‍ഷത്തെ പ്രതീക്ഷിത നഷ്ട പരിഹാരത്തുക മാത്രമേ ലഭിക്കുകയുള്ളു. ഇത് സംസ്ഥാനത്തെ ആശങ്കയിലാക്കുന്നുമുണ്ട്. അതിനാല്‍ യോഗത്തിന് ശേഷമായിരിക്കും ഏത് തരത്തില്‍ കേന്ദ്ര നിര്‍ദേശത്തോട് പ്രതികരിക്കേണ്ടതെന്ന് തീരുമാനിക്കുക.