ഫ്രാന്‍സില്‍ വിമാനങ്ങള്‍ പറക്കുന്നതിനിടെ നേര്‍ക്കുനേര്‍ ഇടിച്ച്‌ തകര്‍ന്നു;
റെന്നസ്: ഫ്രാന്‍സില്‍ രണ്ട് ചെറുവിമാനങ്ങള്‍ പറക്കുന്നതിനിടെ നേര്‍ക്കുനേര്‍ ഇടിച്ച്‌ തകര്‍ന്നു. അപകടത്തില്‍ അഞ്ച് പേര്‍ മരിച്ചു. പടിഞ്ഞാറന്‍-മധ്യ ഫ്രാന്‍സിലെ ടൂര്‍സ് നഗരത്തിന്‍റെ തെക്ക്-കിഴക്ക് ആയിരുന്നു അപകടം.
രണ്ടുപേര്‍ സഞ്ചരിച്ച മൈക്രോലൈറ്റ് വിമാനവും മൂന്ന് യാത്രക്കാരുമായി വന്ന ഡിഎ 40 ടൂറിസ്റ്റ് വിമാനവുമാണ് കൂട്ടിയിടിച്ചത്. വിമാനങ്ങളിലുണ്ടായിരുന്ന അഞ്ച് പേരും മരിച്ചു.മൈക്രോലൈറ്റ് വിമാനം ആര്‍ക്കും അപകടമുണ്ടാക്കാതെ ലോച്ചസിലെ ഒരു വീടിന്‍റെ വേലിയിലാണ് പതിച്ചത്. ഇവിടെനിന്നും 100 മീറ്റര്‍ മാറി ജനവാസമില്ലാത്ത പ്രദേശത്താണ് ഡി.എ40 ടൂറിസ്റ്റ് വിമാനം പതിച്ചത്. രക്ഷാപ്രവര്‍ത്തനങ്ങളുടെ ഭാഗമായി 50 അഗ്നിശമന സേനാ യൂണിറ്റുകളാണ് എത്തിയത്. സംഭവത്തില്‍ പോലീസ് അന്വേഷണം ആരംഭിച്ചു.