ബിസിനസുകാരിയാവണോ? വരൂ, ഓണ്‍ലൈനുണ്ട്…
ജോലിനഷ്ടവും സാമ്ബത്തിക പ്രതിസന്ധിയും അനുഭവിച്ച പലരും ചെറുകിട ഓണ്‍ലൈന്‍ സംരംഭങ്ങളിലേക്കു തിരിഞ്ഞു.
ഉപ്പു തൊട്ട് കര്‍പ്പൂരം വരെ വാട്സ്ആപ് ഗ്രൂപ്പുകളിലൂടെ വില്‍ക്കുകയും വാങ്ങുകയും ചെയ്യുന്നതിലേക്ക് ഏവരും എത്തി. ഓണ്‍ലൈന്‍ ബിസിനസ് സംരംഭങ്ങള്‍ വിജയം വരിക്കാനും വ്യത്യസ്തമാക്കാനുമുള്ള ചില നിര്‍ദേശങ്ങളും മാര്‍ഗങ്ങളും പറയെട്ട.
എന്തും വില്‍ക്കാം
ഓണ്‍ലൈനിലൂടെ എന്തും ഏതും വില്‍ക്കാം, തുണിത്തരങ്ങളും സൗന്ദര്യവര്‍ധക വസ്തുക്കളും ആഭരണങ്ങളും പലചരക്കുസാധനങ്ങളും ജൈവപച്ചക്കറിയും പുസ്തകങ്ങളും വീട്ടുപകരണങ്ങളും കരകൗശല, കലാ ഉല്‍പന്നങ്ങളും നാടന്‍ പലഹാരങ്ങളും ഭക്ഷ്യസാധനങ്ങളും വാഹനങ്ങളുെമല്ലാം.
ഏതെങ്കിലും ഒന്നിന് ഊന്നല്‍ നല്‍കുകയാണ് വേണ്ടത്. വസ്ത്രവില്‍പനക്കാണ് ജനപ്രീതി കൂടുതല്‍. കൂടുതല്‍ ആവശ്യക്കാരുള്ള, വ്യത്യസ്തമായ എന്തെങ്കിലും ഒന്നില്‍ പിടിക്കുന്നതാവും നല്ലത്.
എന്തിലൂടെ വില്‍ക്കണം
േഫസ്ബുക്ക്, വാട്സ്ആപ്, ഇന്‍സ്റ്റഗ്രാം,യൂട്യൂബ് തുടങ്ങി വെര്‍ച്വല്‍ ലോകം ഏറെ വിശാലമാണ്. വിപണനത്തിന് വേണ്ടത് ഒരു അക്കൗണ്ട് മാത്രം.
കുറേക്കൂടി വലിയ അളവില്‍ കാര്യങ്ങള്‍ ചെയ്യാനാഗ്രഹിക്കുന്നവര്‍ക്ക് ഇ-കോമേഴ്സ് പോര്‍ട്ടല്‍, വ്യക്തിഗത വെബ്സൈറ്റ് തുടങ്ങിയവയിലൂടെയും ആകാം. കുടുംബാംഗങ്ങളെയും സുഹൃത്തുക്കളെയും പരിചയക്കാരെയുമെല്ലാം ഉള്‍പ്പെടുത്തിയ വാട്സ്ആപ് ഗ്രൂപ്പുകളിലൂടെയാണ് വില്‍പന ഏറെയും, ഏറെ സൗകര്യപ്രദമായ മാധ്യമംകൂടിയാണിത്.
ഗുണം മുഖ്യം ബിഗിലേ..
ഓഫ്ലൈന്‍ കച്ചവടം ഏറെ തെരഞ്ഞെടുപ്പ് സാധ്യത നല്‍കുമ്ബോള്‍ ഒരു ഉപഭോക്താവിനെ നേടുകയും നിലനിര്‍ത്തുകയും ഏറെ പ്രധാനമാണ്. ആളുകളുടെ താല്‍പര്യങ്ങള്‍ക്കും അഭിരുചിക്കുമനുസരിച്ച്‌ കസ്റ്റമൈസ് ചെയ്ത് സാധനങ്ങള്‍ നല്‍കുമ്ബോള്‍ മനസ്സിലിടം നേടാനാവും. കൂടുതല്‍ ചോയ്സാണ് പ്രധാനം.
ഉദാഹരണത്തിന്, ഒരു കുര്‍ത്തയാണ് വില്‍ക്കുന്നതെങ്കില്‍ വ്യത്യസ്ത നിറം, ൈസസ് തുടങ്ങിയവ ഉള്‍പ്പെടുത്താന്‍ ശ്രദ്ധിക്കണം. വിലക്കുറവും ഗുണനിലവാരവും ഏറ്റവും പ്രധാനമാണ്. ഗുണനിലവാരം ഇല്ലെങ്കില്‍ അതോടെ തീരും.
പേരിലാണെല്ലാം
വിറ്റഴിക്കുന്ന സാധനങ്ങള്‍ക്കനുസരിച്ച്‌ വ്യത്യസ്തവും മനസ്സില്‍ തങ്ങിനില്‍ക്കുന്നതുമായ പേരും ടാഗ്ലൈനും കണ്ടുപിടിക്കണം. കേള്‍ക്കുമ്ബോള്‍തന്നെ ഉല്‍പന്നങ്ങളെക്കുറിച്ചോര്‍ക്കുംവിധം പേരാവുന്നത് (ബ്രാന്‍ഡിങ്) പ്രാഥമിക തന്ത്രങ്ങളിലൊന്നുമാത്രം. അനുബന്ധമായി സംരംഭത്തിെന്‍റ പ്രമോഷനല്‍ പോസ്റ്റര്‍, വിഡിയോ എന്നിവയും തയാറാക്കി പങ്കുവെക്കണം.
വിതരണവും പണമടക്കലും
ഓര്‍ഡര്‍ കിട്ടിയാല്‍ എത്രയും പെട്ടെന്ന് പരാതികള്‍ക്കിടവരുത്താതെ എത്തിക്കാന്‍ വിതരണക്കാരെ കെണ്ടത്തണം. പ്രാദേശിക വിപണനമാണെങ്കില്‍ നമുക്കോ കുടുംബക്കാര്‍ക്കോ ചെയ്യാം. ദൂരെയാണെങ്കില്‍ ഡെലിവെറി ഏജന്‍റുമാര്‍ വേണം. പൊതുഗതാഗതസംവിധാനം, കൊറിയര്‍ തുടങ്ങിയവ ഉപയോഗിക്കാം.
കോവിഡ്കാലമായതിനാല്‍ സുരക്ഷിത പാക്കിങ്ങും വിതരണവും ഏറെ പ്രധാനമാണ്. പണമടക്കാന്‍ നിരവധി ആപ്പുകളും ഓണ്‍ൈലന്‍ സംവിധാനങ്ങളും ഉണ്ട്. കൂടുതല്‍ സാധ്യതകള്‍ നല്‍കുന്നതാണ് സൗകര്യപ്രദം. കാര്‍ഡ്, കാഷ് ഓണ്‍ ഡെലിവറി, ഗൂഗ്ള്‍ പേ തുടങ്ങി ഏതുപയോഗിക്കണമെന്നത് ഉപഭോക്താവിന് വിട്ടുനല്‍കാം.