മലബാര്‍ നാവിക അഭ്യാസം രണ്ടുഘട്ടങ്ങളിലായി നവംബറില്‍ നടക്കും
ഇന്ത്യ, യു.എസ്, ജപ്പാന്‍, ആസ്ട്രേലിയ എന്നീ രാജ്യങ്ങള്‍ സംയുക്തമായി നടത്തുന്ന അഭ്യാസ പ്രകടനത്തില്‍ നാവിക സേനയുടെ പുത്തന്‍ സാേങ്കതികവിദ്യകളും യുദ്ധോപകരണങ്ങളും അണിനിരക്കും. ആദ്യഘട്ടം നവംബര്‍ മൂന്നുമുതല്‍ ആറുവരെ വിശാഖപട്ടണത്ത് ബംഗാള്‍ ഉള്‍ക്കടലില്‍ നടക്കും. മലബാര്‍ നാവിക അഭ്യാസത്തിെന്‍റ 24ാംപതിപ്പാണ് രണ്ടുഘട്ടങ്ങളിലായി നടക്കുകയെന്നും നാവിക സേന അറിയിച്ചു.കോവിഡ് 19െന്‍റ സാഹചര്യത്തില്‍ സമ്ബര്‍ക്കം ഒഴിവാക്കി കടലില്‍ മാത്രമാകും അഭ്യാസപ്രകടനം. നാലുരാജ്യങ്ങളും ഇതാദ്യമായാണ് സംയുക്തമായി അണിനിരക്കുന്നത്. ഇന്തോ പസഫിക് മേഖലയില്‍ വര്‍ധിച്ചുവരുന്ന ചൈനീസ് സാന്നിധ്യത്തിന് പിന്നാലെയാണ് സംയുക്ത അഭ്യാസ പ്രകടനം. ഒന്നാംഘട്ടത്തില്‍ ഇന്ത്യന്‍ നാവിക സേനയുടെ അഭ്യാസപ്രകടങ്ങള്‍ ഇൗസ്റ്റേണ്‍ ഫ്ലീറ്റ് കമാന്‍ഡിങ് ഫ്ലാഗ് ഒാഫിസര്‍ റിയര്‍ അഡ്മിറല്‍ സഞ്ജയ് വാത്സായന്‍ നയിക്കും. ഇന്ത്യന്‍ നാവിക സേനയുടെ കരുത്തുറ്റതും നൂതനവുമായ സാേങ്കതിക വിദ്യകളും യുദ്ധ ഉപകരണങ്ങളും കപ്പലുകളും ഹെലികോപ്ടറുകളും അണിനിരക്കും.നവംബര്‍ പകുതിയോടെയാകും മലബാര്‍ അഭ്യാസത്തിെന്‍റ രണ്ടാംഘട്ടം. അറേബ്യന്‍ സിറ്റിയിലാകും പ്രകടനം. ചൈനയുടെ ദക്ഷിണഭാഗത്ത് കടലില്‍ 1.3 ദശലക്ഷം ചതുരശ്ര കിലോമീറ്റര്‍ ചൈനയുടേതാണെന്ന് അവകാശപ്പെട്ടിരുന്നു. ചൈന സമുദ്രത്തില്‍ നിര്‍മിത ദ്വീപുകളില്‍ മിലിട്ടറി കേന്ദ്രങ്ങള്‍ നിര്‍മിക്കുന്നുണ്ടെന്ന് മലേഷ്യ, ഫിലിപ്പീന്‍സ്, തായ്വാന്‍, വിയറ്റ്നാം തുടങ്ങിയവയും വ്യക്തമാക്കിയിരുന്നു.