ഷാര്‍ജ സ്റ്റേഡിയത്തിനടുത്ത് ഡ്രൈവ് ചെയ്യുന്നവര്‍ ശ്രദ്ധിക്കുക
എ.ബി ഡിവില്ലിയേഴ്സ് തെന്‍റ വിശ്വരൂപം പുറത്തെടുത്ത ദിവസമായിരുന്നു തിങ്കളാഴ്ചത്തേത്. 33 പന്തില്‍ നിന്നും 73 റണ്‍സെടുത്ത ഡിവില്ലിയേഴ്സിെന്‍റ മികവില്‍ റോയല്‍ ചാലഞ്ചേഴ്സ് ബാംഗ്ലൂര്‍ കൊല്‍കത്ത നൈറ്റ് റൈഡേഴ്സിനെ 82 റണ്‍സിന് തകര്‍ത്തിരുന്നു.അഞ്ചു ബൗണ്ടറികളും ആറുസിക്സറുമാണ് എ.ബി.ഡിയുടെ ബാറ്റില്‍ നിന്നും പിറന്നത്. അതില്‍ തന്നെ രണ്ടുസിക്സറുകള്‍ പറന്നിറങ്ങിയത് ഷാര്‍ജ സ്റ്റേഡിയത്തിന് സമീപത്തുള്ള റോഡിലേക്കാണ്. പന്ത് ഓടിക്കൊണ്ടിരുന്ന കാറുകളില്‍ പതിക്കുകയും ചെയ്തു.നേരിട്ട് പതിക്കാതെ നിലത്ത് പിച്ച്‌ ചെയ്ത് പതിച്ചതിനാല്‍ കാറിന് അപകടമൊന്നും പറ്റിയിട്ടില്ല. സംഭവത്തിെന്‍റ വിഡിയോ സമൂഹമാധ്യമങ്ങളില്‍ വൈറലായിട്ടുണ്ട്. റോഡില്‍ പന്തുപിടിച്ചുനില്‍ക്കുന്ന ബാലെന്‍റ ചിത്രവും സമൂഹമാധ്യമങ്ങളില്‍ പറന്നുനടക്കുന്നുണ്ട്.
സിക്സറുകളുടെ ദൂരത്തേക്കാളും ഷാര്‍ജ സ്റ്റേഡിയത്തിെന്‍റ രൂപകല്‍പ്പനയാണ് പന്തുകളെ റോഡിലെത്തിക്കുന്നത്. ഗാലറിയുടെ മേല്‍ക്കൂരക്ക് ഉയരം കുറവായതിനാല്‍ റൂഫില്‍ പതിക്കുന്ന സിക്സറുകള്‍ വേഗത്തില്‍ റോഡിലേക്ക് വീഴും. മുമ്ബ് മഹേന്ദ്രസിങ് ധോണി അടിച്ച പന്ത് റോഡിലൂടെ പോയിരുന്ന വഴിപോക്കന് കിട്ടിയിരുന്നു. എന്തായാലും ഷാര്‍ജ സ്റ്റേഡിയത്തില്‍ കളി നടക്കുന്ന ദിവസം റോഡിലൂടെ പോകുന്നവര്‍ ഒന്ന് ശ്രദ്ധിക്കുന്നത് നന്നാകും. പ്രത്യേകിച്ചും ഡിവില്ലിയേഴ്സിനെപ്പോലുള്ള ഹിറ്റര്‍മാര്‍ ബാറ്റ്ചെയ്യുേമ്ബാള്‍.