കൊറോണയെ പിടിച്ചുകെട്ടി ഇന്ത്യ
രാജ്യത്ത് പ്രതിദിന കൊറോണ വൈറസ് ബാധിതരുടെ എണ്ണത്തില്‍ വീണ്ടും കുറവ്. കഴിഞ്ഞ 24 മണിക്കൂറിനിടെ 45,230 പേര്‍ക്ക് പുതുതായി രോഗം സ്ഥിരീകരിച്ചു. ഇതോടെ രാജ്യത്ത് ആകെ കൊറോണ ബാധിതരുടെ എണ്ണം 82,29,313 ആയി.രോഗബാധിതരില്‍ 75 ലക്ഷത്തിലധികം പേരാണ് കൊറോണ ഭേദമായി ആശുപത്രിവിട്ടത്. കഴിഞ്ഞ 24 മണിക്കൂറിനിടെ 53,285 പേര്‍ കൂടി ആശുപത്രിവിട്ടതോടെ ആകെ രോഗമുക്തരുടെ എണ്ണം 75,44,798 ആയി ഉയര്‍ന്നു. നിലവില്‍ 5,61,908 പേരാണ് രാജ്യത്ത് ചികിത്സയില്‍ കഴിയുന്നത്.പുതുതായി കൊറോണ സ്ഥിരീകരിക്കുന്നവരുടെ എണ്ണത്തിന് പുറമേ രോഗം ബാധിച്ച്‌ മരിക്കുന്നവരുടെ എണ്ണത്തിലും ആശാവഹമായ കുറവാണ് ഉണ്ടായിട്ടുള്ളത്. ദിനം പ്രതി ആയിരത്തിലധികം മരണം റിപ്പോര്‍ട്ട് ചെയ്തിരുന്ന സ്ഥാനത്ത് നിലവില്‍ അഞ്ഞൂറില്‍ താഴെ മരണങ്ങള്‍ മാത്രമാണ് റിപ്പോര്‍ട്ട് ചെയ്യുന്നത്. കഴിഞ്ഞ 24 മണിക്കൂറിനിടെ 496 മരണങ്ങളാണ് രാജ്യത്ത് റിപ്പോര്‍ട്ട് ചെയ്തത്. ഇതോടെ ആകെ മരണം 1,22,607 ആയി