രാജ്യത്തെ നയിക്കാന്‍ അവസരം ലഭിച്ച നല്ല മനുഷ്യന്‍; ബൈഡനെ അഭിനന്ദിച്ച്‌ ജോര്‍ജ് ഡബ്ല്യു ബുഷ്
യു.എസ് പ്രസിഡന്‍റായി തെരഞ്ഞെടുക്കപ്പെട്ട ജോ ബൈഡന് അഭിനന്ദനങ്ങള്‍ അറിയിച്ച്‌ മുന്‍ അമേരിക്കന്‍ പ്രസിഡന്‍റ് ജോര്‍ജ് ഡബ്ല്യൂ ബുഷ്. ‘രാജ്യത്തെ നയിക്കാനും ഏകീകരിക്കാനും അവസരം ലഭിച്ച നല്ല മനുഷ്യന്‍’ എന്ന് ബൈഡനെ അഭിസംബോധന ചെയ്യുകയും ചെയ്തു.
തെരഞ്ഞെടുപ്പില്‍ ഏഴുകോടി വോട്ട് നേടിയ പ്രസിഡന്‍റ് ഡോണള്‍ഡ് ട്രംപിനെയും അദ്ദേഹം അഭിനന്ദിച്ചു. ഡോണള്‍ഡ് ട്രംപ് അസാധാരണമായ നേട്ടം കൈവരിച്ചതായും ഡാളസിലെ പ്രസിഡന്‍ഷ്യല്‍ സെന്‍ററില്‍നിന്ന് പുറത്തിറക്കിയ പ്രസ്താവയില്‍ പറയുന്നു.ട്രംപ് പരാജയം അംഗീകരിക്കാതെ വന്നതോടെ ബൈഡെന്‍റ വിജയം അംഗീകരിക്കുന്ന പ്രമുഖ റിപ്പബ്ലിക്കന്‍ നേതാവായി ബുഷ് മാറി.ജോര്‍ജ് ബുഷിെന്‍റ സഹോദരന്‍ ജെബ് ബുഷും ബൈഡന് ആംശസകളുമായി എത്തി. ‘നിങ്ങള്‍ക്കും നിങ്ങളുടെ വിജയത്തിനുമായി ഞാന്‍ പ്രാര്‍ഥിക്കുന്നു. ആഴത്തിലുള്ള മുറിവുകള്‍ സുഖപ്പെടുത്തുന്ന സമയമാണിത്. ധാരാളം പേര്‍ നിങ്ങള്‍ നയിക്കണമെന്ന് ആഗ്രഹിക്കുന്നു’ -ജെബ് ബുഷ് പറഞ്ഞു. 2016ല്‍ റിപ്പബ്ലിക്കന്‍ പാര്‍ട്ടിയുടെ പ്രസിഡന്‍റ് സ്ഥാനാര്‍ഥിയായി ഉയര്‍ന്നുകേട്ട പേരായിരുന്നു ജെബ് ബുഷിേന്‍റത്. പിന്നീട് ഡോണള്‍ഡ് ട്രംപ് എത്തിയതോടെ സ്ഥാനം നഷ്ടപ്പെടുകയായിരുന്നു.