രാജ്യത്ത് കൊറോണ വാക്സിന്‍ വിതരണം ജനുവരിയോടെ ആരംഭിക്കുമെന്നു സൂചനരാജ്യത്ത് 24 മണിക്കൂറിനിടെ 37,975 പേര്‍ക്ക് കൂടി കോവിഡ് ബാധ സ്ഥിരീകരിച്ചു
ഇതോടെ രാജ്യത്തെ കോവിഡ് ബാധിതരുടെ എണ്ണം 91,77,841 ആയി ഉയര്‍ന്നു. 480 പേരാണ് 24 മണിക്കൂറിനിടെ കോവിഡ് ബാധിച്ച്‌ മരണത്തിന് കീഴടങ്ങിയത്. 1,34,218 പേരാണ് രാജ്യത്ത് ഇതുവരെ കോവിഡ് ബാധിച്ച്‌ മരിച്ചത്. കഴിഞ്ഞ ദിവസം 511 പേരായിരുന്നു മരിച്ചത്.91,77,841 രോഗബാധിതരില്‍ 4,38,667 പേര്‍ മാത്രമാണ് നിലവില്‍ ചികിത്സയിലുള്ളതെന്നും ആരോഗ്യ മന്ത്രാലയം അറിയിച്ചു. 86.04 ലക്ഷം പേര്‍ രോഗമുക്തി നേടി. 24 മണിക്കൂറിനിടെ 42,314 പേരാണ് രോഗമുക്തി നേടിയതെന്നും ആരോഗ്യമന്ത്രാലയത്തിെന്‍റ കണക്കുകള്‍ ചൂണ്ടിക്കാട്ടുന്നു.രാജ്യത്തെ ആകെ രോഗമുക്തി നിരക്ക് 93.75 ശതമാനമാണ്. കഴിഞ്ഞ 24 മണിക്കൂറിനിടെ 10.9 ലക്ഷം ടെസ്റ്റുകളാണ് നടത്തിയത്. ടെസ്റ്റ് പോസിറ്റിവിറ്റി നിരക്ക് 3.5 ശതമാനം.121 പേരാണ് കഴിഞ്ഞ ദിവസം ഡല്‍ഹിയില്‍ കോവിഡ് ബാധിച്ച്‌ മരിച്ചത്. ഇതോടെ ഡല്‍ഹിയില്‍ മഹാമാരിക്ക് കീഴടങ്ങിയവരുടെ എണ്ണം 8512 ആയി. 12 ദിവസത്തിനിടെ പ്രതിദിനം കോവിഡ് ബാധിച്ച്‌ മരിക്കുന്നവരുടെ എണ്ണം 100 കടക്കുന്നത് ഇത് ആറാം തവണയാണ്.ഡല്‍ഹി, കേരളം, മഹാരാഷ്ട്ര, പശ്ചിമ ബംഗാള്‍ എന്നീ സംസ്ഥാനങ്ങളിലാണ് ഇപ്പോള്‍ പ്രതിദിനം ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പെടുന്നത്. രാജ്യത്ത് നിലവില്‍ റിപോര്‍ട്ട് ചെയ്യുന്ന കോവിഡ് കേസുകളില്‍ 50 ശതമാനവും ഇൗ സംസ്ഥാനങ്ങളില്‍ നിന്നാണ്. ഹിമാചല്‍ പ്രദേശ്, പഞ്ചാബ്, ഹരിയാന, ഗുജറാത്ത്, മണിപ്പൂര്‍ എന്നീ സംസ്ഥാനങ്ങളില്‍ കോവിഡ് കേസുകളുടെ എണ്ണം വര്‍ധിക്കുന്നത് ആശങ്കക്കിടയാക്കുന്നുണ്ട്.