ലോകകപ്പ് യോഗ്യത മത്സരത്തില്‍ അര്‍ജന്‍റീനയെ സമനിലയില്‍ തളച്ച്‌ പരാഗ്വേ
ബ്യൂണസ് ഐറീസിലെ ലാ ബോംബോനെറയില്‍ നടന്ന മത്സരത്തില്‍ ഇരുടീമും ഓരോ ഗോള്‍ വീതം നേടി സമനില പാലിക്കുകയായിരുന്നു.മത്സരത്തില്‍ പരാഗ്വേയാണ് ആദ്യ ഗോള്‍ നേടിയത്. അല്‍മിറോണിനെ ഫൗള്‍ ചെയ്തതിന് ലഭിച്ച പെനാല്‍റ്റി വലയിലെത്തിച്ച്‌ ഏഞ്ചല്‍ റോമെറോ പരാഗ്വേയെ മുന്നില്‍ എത്തിച്ചു. നാല്പത്തിയൊന്നാം മിനിറ്റില്‍ നിക്കോളാസ് ഗോണ്‍സാലസ് അര്‍ജന്‍റീനയെ ഒപ്പമെത്തിച്ചു. രണ്ടാം പകുതിയില്‍ ലയണല്‍ മെസിയുടെ ഗോള്‍ വാര്‍ നിഷേധിച്ചത് അര്‍ജന്‍റീനയ്ക്ക് തിരിച്ചടിയായി. ലോകകപ്പ് യോഗ്യത റൗണ്ടിലെ അടുത്ത മത്സരത്തില്‍ പെറുവാണ് അര്‍ജന്‍റീനയുടെ എതിരാളി. പരാഗ്വേയുടെ എതിരാളി ബൊളീവിയയാണ്.