ശരീരം മുഴുവന്‍ ടാറ്റൂ ചെയ്തിട്ടും മതിയായില്ല
https://www.instagram.com/p/CGyPetnF54S/?utm_source=ig_embed
തല മുതല്‍ കാല് വരെ പച്ചകുത്തി നടക്കുന്നയാളാണ് ഉറൂഗ്വന്‍ സ്വദേശിയായ വിക്ടര്‍ ഹ്യൂഗോ പെറാല്‍ട്ട റോഡ്രിഗസ്. ശരീരത്തില്‍ ടാറ്റൂ ചെയ്യാന്‍ അക്ഷരാര്‍ത്ഥത്തില്‍ ഇനിയൊരു ഇടവും ബാക്കിയില്ല. എന്നിട്ടും വിക്ടറിന്റെ പ്രേമം അവസാനിച്ചിട്ടില്ല.ചെറുതും വലുതുമായി നൂറ് കണക്കിന് ടാറ്റൂകളാണ് വിക്ടറിന്റെ ശരീരം മുഴുവന്‍ ഉള്ളത്. കൂടാത ബോഡി മോഡിഫിക്കേഷനും വരുത്തിയിട്ടുണ്ട്. ഇതൊന്നും മതിയായിട്ടില്ലെന്ന് തോന്നുന്നു, ഇപ്പോള്‍ തലയോട്ടിയിലും ടാറ്റൂ ചെയ്തിരിക്കുകയാണ് അര്‍ജന്റീനയില്‍ താമസിക്കുന്ന വിക്ടര്‍. ലിംഗത്തില്‍ പിയേഴ്സിങ്ങും ടാറ്റൂവും നടത്തിയിട്ടുണ്ടെന്നാണ് വിക്ടര്‍ തലയിലെ ടിഷ്യൂനീക്കം ചെയ്ത് തലയോട്ടിയിലാണ് പുതിയ ടാറ്റൂ. 666 ആണ് വിക്ടറിന്റെ പുതിയ ടാറ്റൂ. ആദ്യ പടിയായി ഒന്നാമത്തെ 6 ചെയ്തുകഴിഞ്ഞു. പിശാചിനെ സൂചിപ്പിക്കുന്ന അക്കമാണ് 666. എന്നാല്‍ തലയില്‍ ഈ ടാറ്റൂ ചെയ്യുന്നതില്‍ വിശ്വാസപരമായി ഒന്നുമില്ലെന്ന് വിക്ടര്‍ പറയുന്നു. മിറര്‍ ആണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.പ്രത്യേകിച്ച്‌ ഒരു വിശ്വാസവുമായി തന്റെ ടാറ്റൂവിന് ബന്ധമില്ലെങ്കിലും വിശ്വാസികളായ ആളുകളോടുള്ള വെറുപ്പാണ് പുതിയ ടാറ്റൂവിന് കാരണമെന്നാണ് വിക്ടര്‍ പറയുന്നത്.”ആറ് എന്ന അക്കത്തോട് എനിക്ക് പ്രത്യേകിച്ച്‌ യാതൊന്നുമില്ല. പക്ഷേ, വിശ്വാസികളേയും അവരുടെ പ്രവര്‍ത്തികളേയും ഞാന്‍ വെറുക്കുന്നു.”- വിക്ടര്‍ പറയുന്നു.മുഖത്തും തലയിലും അടക്കം ശരീരത്തിന്റെ മുഴുവന്‍ ഭാഗത്തും ടാറ്റൂ പതിച്ചാണ് വിക്ടര്‍ നടക്കുന്നത്. ഇന്‍സ്റ്റഗ്രാമിലൂടെ ടാറ്റൂ ചിത്രങ്ങള്‍ പങ്കുവെക്കാറുണ്ട്. ഇതുകൂടാതെ ബോഡി മോഡിഫിക്കേഷനും ചെയ്തിട്ടുണ്ട്. നാവ് നേരത്തേ തന്നെ പിളര്‍ത്തിയിട്ടുണ്ട്.ടാറ്റൂ, പിയേഴ്‌സിംഗ്, ഇംപ്ലാന്റുകള്‍, സര്‍ജറികള്‍ എന്നിവയിലൂടെ ശരീരത്തില്‍ രൂപത്തില്‍ മാറ്റങ്ങള്‍ വരുത്തുന്നതിനെയാണ് ബോഡി മോഡിഫിക്കേഷന്‍ എന്നു പറയുന്നത്. ലോകത്തിന്റെ വിവിധ ഭാഗങ്ങളില്‍ ആളുകള്‍ സംസ്കാരത്തിന്റേയും പാരമ്ബര്യത്തിന്റേയും ഭാഗമായി ഇത് ചെയ്യുന്നുണ്ട്. ചിലര്‍ സ്വന്തം താത്പര്യങ്ങള്‍ക്കനുസരിച്ചും ഇത് ചെയ്യുന്നു.