ലെവന്ഡോവ്സ്കി ഫിഫയുടെ മികച്ച താരം
2019ലെ ഫിഫ പുരസ്കാരങ്ങള്‍ പ്രഖ്യാപിച്ചു. മികച്ച പുരുഷ ഫുട്ബാളര്‍ പുരസ്കാരം ബയേണ്‍ മ്യൂണിക്കിെന്‍റ പോളണ്ട് താരം റോബര്‍ട്ടോ ലെവന്‍ഡോവ്സ്‌കിക്ക്. യുവന്‍റസിെന്‍റ പോര്‍ച്ചുഗല്‍ താരം ക്രിസ്റ്റ്യാനോ റൊണാള്‍ഡോ, ബാഴ്സലോണയുടെ അര്‍ജന്‍റീന താരം ലയണല്‍ മെസ്സി എന്നിവരെ പിന്തള്ളിയാണ് ലെവന്ഡോവ്സ്കി പുരസ്കാരത്തിന് അര്‍ഹനായത്.13 വര്‍ഷത്തിനിടെ മെസ്സിയും റൊണാള്‍ഡോയുമല്ലാതെ ഫിഫ പുരസ്കാരം നേടുന്ന രണ്ടാമത്തെ താരമാണ് ഈ പോളണ്ടുകാരന്‍. 2018ല്‍ ക്രൊയേഷ്യയുടെ ലൂക്ക മോഡ്രിച്ചാണ് ഈ നേട്ടം കരസ്ഥമാക്കിയത്. ഫിഫ അംഗരാജ്യങ്ങളിലെ ദേശീയ ടീമുകളുടെ പരിശീലകര്‍, ക്യാപ്റ്റന്‍മാര്‍, തിരഞ്ഞെടുക്കപ്പെട്ട മാധ്യമപ്രവര്‍ത്തകര്‍ എന്നിവരുടെ വോട്ടും (75%) ആരാധകവോട്ടും (25%) അടിസ്ഥാനമാക്കിയാണ് പുരസ്കാര ജേതാക്കളെ നിര്‍ണയിക്കുന്നത്.കഴിഞ്ഞ സീസണില്‍ യൂറോപ്പിലെ ടോപ് സ്‌കോററായിരുന്നു ലെവന്ഡോവ്സ്കി. ബയേണിനൊപ്പം കഴിഞ്ഞ സീസണില്‍ ജര്‍മന്‍ കപ്പും ജര്‍മന്‍ ലീഗും ഒപ്പം ചാമ്ബ്യന്‍സ് ലീഗും സ്വന്തമാക്കി. 47 മത്സരങ്ങളില്‍നിന്ന് 55 ഗോളുകളാണ് നേടിയത്. അതിനാല്‍ മെസ്സിയേയും റൊണാള്‍ഡോയെയും മറികടന്ന് ലെവന്ഡോവ്സ്കി പുരസ്കാരം നേടുമെന്ന് കാല്‍പന്തുകളിയിലെ വിശകലന വിദഗ്ധര്‍ നേരത്തെ സാധ്യത പ്രഖ്യാപിച്ചിരുന്നു. അതേവിധത്തില്‍ തന്നെ പോളണ്ട് താരം ജേതാവുമായി. 32കാരനായ താരം പുതിയ സീസണിലും അതിശയകരമായ ഫോം തുടരുകയാണ്. ബുധനാഴ്ച ബുണ്ടസ്ലിഗയില്‍ 250ാം ഗോള്‍ നേടി ബയേണിനെ വിജയത്തിലേക്ക് നയിച്ചു.ലൂസി ബ്രോണ്‍സ് (മാഞ്ചസ്റ്റര്‍ സിറ്റി-ഇംഗ്ലണ്ട്) മികച്ച വനിത താരമായി തെരഞ്ഞെടുക്കപ്പെട്ടു. ലിവര്‍പൂര്‍ മാനേജര്‍ യുര്‍ഗന്‍ ക്ലോപ്പ് മികച്ച കോച്ചിനുള്ള പുരസ്കാരത്തിന് അര്‍ഹനായി. മികച്ച വനിതാ പരിശീലക നെതര്‍ലാന്‍ഡ്സ് കോച്ച്‌ സറീന വീഗ്‍മാനാണ്.മികച്ച ഗോളിനുള്ള പുസ്കാസ് പുരസ്കാരം ടോട്ടനത്തി‍െന്‍റ സണ്‍ ഹ്യൂങ്മിന്‍ നേടി. കുട്ടികളിലെ ദാരിദ്ര്യത്തെ ചെറുക്കാനുള്ള കാരുണ്യ പ്രവര്‍ത്തനങ്ങള്‍ക്ക് മാഞ്ചസ്റ്റര്‍ യുനൈറ്റഡിെന്‍റ ഇംഗ്ലീഷ് താരം മാര്‍ക്കസ് റാഷ്‌ഫോര്‍ഡിന് ഫിഫ ഫൗണ്ടേഷന്‍ അവാര്‍ഡ് ലഭിച്ചു. അദ്ദേഹത്തിെന്‍റ സാമൂഹിക, ജീവകാരുണ്യ പ്രവര്‍ത്തനങ്ങളെ പിന്തുണക്കാന്‍ ഫിഫ ഒരു ലക്ഷം യു.എസ് ഡോളര്‍ സംഭാവന ചെയ്യും.