ഇന്നലെ ഐ എസ് എല്ലില്‍ നടന്ന മത്സരത്തില്‍ കേരള ബ്ലാസ്റ്റേഴ്സും ഈസ്റ്റ് ബംഗാളും സമനിലയില്‍ പിരിഞ്ഞിരുന്നു
അറ്റാക്ക് നടത്തിയതും കൂടുതല്‍ അവസരങ്ങള്‍ സൃഷ്ടിച്ചതും ഒക്കെ കേരള ബ്ലാസ്റ്റേഴ്സ് ആണെങ്കിലും കേരള ബ്ലാസ്റ്റേഴ്സ് ശൈലിയെ വിമര്‍ശിച്ച്‌ ഈസ്റ്റ് ബംഗാള്‍ പരിശീലകന്‍ റോബി ഫൗളര്‍ രംഗത്ത് എത്തി. കേരള ബ്ലാസ്റ്റേഴ്സ് പ്രതിരോധത്തില്‍ ഊന്നിയാണ് കളിച്ചത് എന്നും അതാണ് ഈസ്റ്റ് ബംഗാളിന് പ്രശ്നമായത് എന്നും ഫൗളര്‍ പറഞ്ഞു.കേരള ബ്ലാസ്റ്റേഴ്സിന്റെ മുഴുവന്‍ താരങ്ങളും പിറകിലേക്ക് ഇറങ്ങിയാണ് നിന്നത്. അതുകൊണ്ട് തന്നെ ഡിഫന്‍ഡ് ചെയ്യുക മാത്രമെ അവര്‍ക്ക് വേണ്ടി വന്നുള്ളൂ. ചില ടീമുകള്‍ കളിക്കും എന്നും ചില ടീമുകള്‍ തങ്ങളെ സമ്മര്‍ദത്തില്‍ ആക്കുക മാത്രം ചെയ്യും എന്നും ഫൗളര്‍ പറഞ്ഞു. ഇന്നലെ ഈസ്റ്റ് ബംഗാളിന്റെ പതിവ് മികിലേക്ക് എത്താന്‍ കാരണം തുടര്‍ച്ചയായ മത്സരങ്ങള്‍ ആണെന്നും ഫൗളര്‍ പറഞ്ഞു.