ബൈഡന്റെ സത്യപ്രതിജ്ഞാ ചടങ്ങില്‍ ട്രംപ് പങ്കെടുക്കില്ല
പതിവുകള്‍ തെറ്റിച്ച്‌ ഡൊണാള്‍ഡ് ട്രംപ്‌എയര്‍ഫോഴ്സ് വണ്ണില്‍ ഫ്ലോറിഡയ്ക്ക് പറക്കാനൊരുങ്ങുകയെന്നാണ് അന്തര്‍ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.ചടങ്ങുകള്‍ക്ക് തൊട്ടുമുന്‍പ് വാഷിംഗ്ടണ്‍ ഡിസി യില്‍ നിന്ന് ഫ്ലോറിഡയിലെ തന്‍റെ പാം ബീച്ച്‌ റിസോട്ടിലേക്ക് ട്രംപ് മടങ്ങുമെന്നാണ് വിവരം .പ്രസിഡന്‍റിന്‍റെ എയര്‍ഫോഴ്സ് വണ്ണിലാണ് ട്രംപ് ഫ്ലോറിഡയിലേക്ക് നീങ്ങുന്നത് . സ്ഥാനമൊഴിയുന്ന പ്രസിഡന്‍റ് എയര്‍ഫോഴ്സ് വണ്‍ ഉപയോഗിക്കുന്ന പതിവ് ഇല്ലെങ്കിലും ട്രംപ് ഈ പതിവ് തെറ്റിക്കുകയാണെന്നും മാധ്യമങ്ങള്‍ റിപ്പോര്‍ട്ട് ചെയ്തു.അതെ സമയം സൈനിക കേന്ദ്രത്തില്‍വച്ച്‌ ഔദ്യോഗിക യാത്രയയപ്പ് നല്‍കണമെന്നും ട്രംപ് ആവശ്യപ്പെട്ടിട്ടുണ്ട്. ബൈഡന്റെ സത്യപ്രതിജ്ഞാ ചടങ്ങില്‍ പങ്കെടുക്കില്ലെന്ന് ട്രംപ് നേരത്തേ വ്യക്തമാക്കിയിരുന്നു. അതേസമയം വൈസ് പ്രസിഡന്‍റ് മൈക്ക് പെന്‍സ് ചടങ്ങിനെത്തുമെന്നറിയിച്ചിട്ടുണ്ട്. ജനുവരി 20 ന് തന്നെ ട്രംപ് വാഷിംഗ്ടണ്‍ വിടുമെന്ന് വിവരമെന്നാണ് പ്രമുഖ ദേശീയ മാധ്യമം റിപ്പോര്‍ട്ട് ചെയ്യുന്നത്.