ലോകത്തെ അതിസമ്ബന്നരുടെ പട്ടികയില്‍ സ്ഥാനം മെച്ചപ്പെടുത്തി മുകേഷ് അംബാനി
ബ്ലൂംസ്ബര്‍ഗ് തയ്യാറാക്കിയ പുതിയ പട്ടികയില്‍ റിലയന്‍സ് ഇന്‍ഡസ്ട്രീസ് ഉടമ മുകേഷ് അംബാനി പതിനൊന്നാം സ്ഥാനത്തെത്തി . 5.78 ലക്ഷം കോടിയാണ്(79.2 ബില്യണ്‍ ഡോളര്‍) ആണ് അംബാനിയുടെ നിലവിലുള്ള മൊത്തം ആസ്തി.ഒറാക്കിള്‍ കോര്‍പറേഷന്റെ ലാറി എല്ലിസണേയും ലോകത്തിലെ ഏറ്റവും ധനികയായ സ്ത്രീയായ ഫ്രാങ്കോയ്‌സ് ബെറ്റെന്‍കോര്‍ട് മെയെര്‍സിനേയും മറികടന്നാണ് മുകേഷ് അംബാനി പതിനൊന്നാമത് എത്തിയത്. 78.4 ബില്യണ്‍ ഡോളാണ് ലാറി എല്ലിസണിന്റെ മൊത്തം ആസ്തി. ഫ്രാങ്കോയ്‌സ് ബെറ്റെന്‍കോര്‍ട് മെയെര്‍സിന്റേത് 72.2 ബില്യണ്‍ ഡോളറും.സ്‌പേസ് എക്‌സ് ഉടമ ഇലോണ്‍ മസ്‌ക് 202 ബില്യണ്‍ ഡോളറുമായി ഒന്നാം സ്ഥാനത്ത് തുടരുകയാണ്. ജെഫ് ബെസോസ് 192 ബില്യണുമായി രണ്ടാം സ്ഥാനത്തും മൈക്രോസോഫ്റ്റ് സഹസ്ഥാപകന്‍ ബില്‍ ഗേറ്റ്‌സ് 133 ബില്യണ്‍ ഡോളറുമായി മൂന്നാം സ്ഥാനത്തും നില്‍ക്കുന്നു.