രാജ്യാന്തര ചലച്ചിത്ര മേളയില്‍ സിനിമകളുടെ സീറ്റ് റിസര്‍വേഷന്‍ രാവിലെ ആറു മണിക്കു ആരംഭിക്കും
തിയേറ്ററുകളില്‍ സീറ്റുകള്‍ പൂര്‍ണമാകും വരെയാണ് റിസര്‍വേഷന്‍ അനുവദിക്കുന്നത് . ‘registration.iffk .in’ എന്ന വെബ്‌സൈറ്റ് വഴിയും ചലച്ചിത്ര അക്കാഡമിയുടെ ‘IFFK’എന്ന ആപ്പ് വഴിയും സീറ്റുകള്‍ റിസര്‍വ് ചെയ്യാം .ചിത്രങ്ങളുടെ പ്രദര്‍ശനത്തിന് ഒരു ദിവസം മുന്‍പേ ആരംഭിക്കുന്ന റിസര്‍വേഷന്‍ പ്രദര്‍ശനത്തിന് ഒരു മണിക്കൂര്‍ മുന്‍പ് അവസാനിക്കും . മുന്‍കൂട്ടി സീറ്റുകള്‍ റിസര്‍വ് ചെയ്യുന്നവര്‍ക്ക് മാത്രമേ തിയറ്ററുകളിലേക്ക് പ്രവേശനം അനുവദിക്കൂ. സീറ്റ് നമ്ബര്‍ ഇമെയിലായും എസ്.എം .എസ് ആയും ഡെലിഗേറ്റുകള്‍ക്കു ലഭ്യമാക്കും . തെര്‍മല്‍ സ്‌കാനിങ്ങിന് ശേഷം മാത്രമേ ഡെലിഗേറ്റുകള്‍ക്കു തിയേറ്ററുകളിലേക്ക് പ്രവേശനം അനുവദിക്കൂ.