ഇന്ന് അമ്ബത്തിയാറാം ജന്മദിനം ആഘോഷിക്കുന്ന ആമിര്‍ ഖാന് ആശംസയുമായി എത്തിയിരിക്കുകയാണ് സഹതാരം കരീന കപൂര്‍
ആമിര്‍ ഖാന്റെ ഫോട്ടോയും കരീന കപൂര്‍ ഷെയര്‍ ചെയ്‍തിട്ടുണ്ട്.ലാല്‍ സിംഗ് ചദ്ധ എന്ന സിനിമയിലെ ആമിര്‍ ഖാന്റെ ഇതുവരെ ആരും കാണാത്ത ഫോട്ടോയാണ് കരീന കപൂര്‍ പങ്കുവെച്ചിട്ടുണ്ട്. സിനിമയില്‍ ആമിര്‍ ഖാന്റെ ഭാര്യയായിട്ട് അഭിനയിക്കുന്ന കരീന കപൂര്‍, എന്റെ ലാലിന് സന്തോഷകരമായ ജന്മദിനം ആശംസിക്കുന്നുവെന്നാണ് എഴുതിയിരിക്കുന്നത്.നിന്നെപ്പോലെ ഇവിടെ മറ്റൊരാള്‍ ഇല്ല എന്നും കരീന കപൂര്‍ പറയുന്നു. നിന്റെ മാജിക് വീണ്ടും കാണാന്‍ ആള്‍ക്കാര്‍ കാത്തിരിക്കുന്നുവെന്നും കരീന കപൂര്‍ കുറിക്കുന്നു.ഒട്ടേറെ പ്രമുഖര്‍ ആമിര്‍ ഖാന് ആശംസകളുമായി എത്തിയിട്ടുണ്ട്.