ബെംഗളൂരു-ജയ്പൂര്‍ ഇന്‍ഡിഗോ വിമാനത്തില്‍ സുഖപ്രസവം
ബെംഗളൂരു : ഇന്‍ഡിഗോ വിമാനത്തില്‍ പെണ്‍കുഞ്ഞിന് ജന്മം നല്‍കി യുവതി. ബെംഗളൂരുവില്‍ നിന്ന് ജയ്പൂരിലേക്കുള്ള 6 ഇ 469 വിമാനത്തിലാണ് കുഞ്ഞിനെ പ്രസവിച്ചത്. അതേ വിമാനത്തില്‍ യാത്ര ചെയ്തിരുന്ന ഡോക്ടറുടെയും ഫ്ലൈറ്റ് ക്രൂവിന്റെയും സഹായത്തോടെയായിരുന്നു പ്രസവം.ഇന്ന് പുലര്‍ച്ചെ 5.45 ഓടെ ബെംഗളൂരുവില്‍ നിന്ന് പുറപ്പെട്ട് വിമാനം രാവിലെ എട്ടുമണിയോടെ ജയ്പൂരിലെത്തി. ഫ്ലൈറ്റില്‍ നിന്ന് നിര്‍ദേശം ലഭിച്ചതനുസരിച്ച്‌ ജയ്പ്പൂരില്‍ സ്ത്രീക്കും കുഞ്ഞിനുമായി ഒരു ഡോക്ടറെയും ആംബുലന്‍സും സജ്ജമാക്കിയിരുന്നു. അമ്മയും കുഞ്ഞും സുരക്ഷിതരാണെന്നും ആരോഗ്യപ്രശ്നങ്ങള്‍ ഇല്ലെന്നും അധികൃതര്‍ അറിയിച്ചു.പ്രസവത്തിന് സഹായിച്ച ഫ്ലൈറ്റിലുണ്ടായിരുന്ന ഡോ. സുബഹാന നസീറിനെ ജയ്പൂരിലെ അറൈവല്‍ ഹോളിലേക്ക് സ്വാഗതം ചെയ്യുകയും താങ്ക് യൂ കാര്‍ഡ് കൈമാറുകയും ചെയ്തെന്ന് എയര്‍ലൈന്‍ അധികൃതര്‍ പറഞ്ഞു.