ബൈഡന്‍റെ ക്ഷണം സ്വീകരിച്ചു; മോദി കാലാവസ്ഥ ഉച്ചകോടിക്ക്
കാലാവസ്ഥ ഫോറത്തിലും പങ്കെടുക്കാന്‍ യു.എസ് പ്രസിഡന്‍റ് ജോ ബൈഡന്‍റെ ക്ഷണം പ്രധാനമന്ത്രി നരേന്ദ്ര മോദി സ്വീകരിച്ചു. ഏപ്രില്‍ 22, 23 തീയതികളില്‍ നടക്കുന്ന ഓണ്‍ലൈന്‍ ഉച്ചകോടിയിലാണ് മോദി പങ്കെടുക്കുക.യു.എസ് മുഖ്യസംഘാടകരായ ആഗോള സംഗമത്തില്‍ 40 ലോക നേതാക്കള്‍ക്കാണ് ക്ഷണം. കാലാവസ്ഥാ മാറ്റം അടിയന്തരമായി അവസാനിപ്പിക്കുക വഴി ലഭ്യമാകുന്ന സാമ്ബത്തിക നേട്ടങ്ങളാണ് ദ്വിദിന ഉച്ചകോടി ചര്‍ച്ച ചെയ്യുക. 2030ഓടെ കാര്‍ബണ്‍ വിഗിരണത്തിന്‍റെ തോത് ഗണ്യമായി കുറക്കുന്നതും ചര്‍ച്ചയാകും. കോവിഡ് മഹാമാരി വീണ്ടും വ്യാപിക്കുന്ന സാഹചര്യത്തിലാണ് പരിപാടി ഓണ്‍ലൈനായത്.ഭൗമദിനമായ ഏപ്രില്‍ 22ന് തുടക്കമാകും. ആഗോള പ്രതിശീര്‍ഷ മൊത്ത ഉല്‍പാദനത്തിലും കാര്‍ബണ്‍ വിഗിരണത്തിലും 80 ശതമാനം പങ്കാളിത്തമുള്ള 17 മുന്‍നിര രാജ്യങ്ങള്‍ പങ്കെടുക്കുന്നുവെന്നതാണ് പ്രധാന സവിശേഷത.