മക്കയിലും ത്വാഇഫിലും ശക്തമായ മഴ
ഉച്ചക്കുശേഷം മക്കയിലെ മസ്ജിദുല്‍ ഹറാം ഉള്‍ക്കൊള്ളുന്ന മേഖലയിലുള്‍പ്പെടെ ശക്തമായ ഇടിമിന്നലോടു കൂടിയായിരുന്നു മഴ. ആലിപ്പഴ വര്‍ഷവും ഉണ്ടായി. അപ്രതീക്ഷിതമായി പെയ്ത മഴയില്‍ ഉംറ തീര്‍ഥാടകര്‍ അല്‍പം ബുദ്ധിമുട്ടിയെങ്കിലും ചൂടില്‍നിന്ന് ആശ്വാസമായി. പ്രദേശത്തെ മിക്ക റോഡുകളും വെള്ളത്തില്‍ മുങ്ങി. ചില പ്രദേശങ്ങളില്‍ ശക്തമായ ഒഴുക്കില്‍പെട്ട് വാഹനങ്ങള്‍ കുടുങ്ങി. ഗതാഗതം തടസ്സപ്പെട്ടു. ത്വാഇഫിലും പരിസര പ്രദേശങ്ങളിലും സാമാന്യം ശക്തമായ മഴ ലഭിച്ചു. നിരവധി കടകളില്‍ വെള്ളം കയറി. വരുംദിവസങ്ങളിലും സൗദിയുടെ വിവിധ ഭാഗങ്ങളില്‍ ശക്തമായ മഴക്ക് സാധ്യതയുണ്ടെന്നും ജനങ്ങള്‍ കരുതിയിരിക്കണമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.