റമദാന്‍ മാസത്തില്‍ പാലിക്കേണ്ട മുന്‍കരുതലുകളെ കുറിച്ച്‌ ദേശീയ ദുരന്തനിവാരണ സമിതി നിര്‍ദേശങ്ങള്‍ പുറത്തിറക്കി
കോവിഡ് വ്യാപനം കുറയാത്ത സാഹചര്യത്തിലാണ് റമദാനില്‍ നിയന്ത്രണങ്ങള്‍ തുടരുന്നത്. അതേസമയം, കഴിഞ്ഞ വര്‍ഷത്തെ റമദാനുമായി താരതമ്യം ചെയ്യുേമ്ബാള്‍ ഇക്കുറി നിരവധി ഇളവുകളുമുണ്ട്. കഴിഞ്ഞ ദിവസങ്ങളിലായി വിവിധ എമിറേറ്റുകളിലെ ഭരണകൂടങ്ങള്‍ വിശ്വാസികള്‍ക്ക് നിര്‍ദേശങ്ങള്‍ നല്‍കിയിരുന്നു. ഇതിന് പുറമെയാണ് ദുരന്തനിവാരണ സമിതി രാജ്യത്തൊട്ടാകെയുള്ള നിയന്ത്രണങ്ങള്‍ വിഡിയോ സന്ദേശത്തിലൂടെ പുറത്തിറക്കിയത്.
നിര്‍ദേശങ്ങള്‍
ഒരുവീട്ടില്‍ താമസിക്കുന്ന കുടുംബാംഗങ്ങള്‍ ഒഴികെയുള്ളവര്‍ ഇഫ്താറുകള്‍ നടത്തരുത്
മജ്ലിസുകള്‍ ഒഴിവാക്കണം
താമസസ്ഥലങ്ങളില്‍ ഇഫ്താര്‍ ഭക്ഷണപ്പൊതികള്‍ എത്തിക്കുന്നത് അനുവദിക്കില്ല
അയല്‍ക്കാരുമായി ഭക്ഷണം പങ്കിടരുത്
ഇഫ്താര്‍ ടെന്‍റുകള്‍ അനുവദിക്കില്ല
പള്ളികളില്‍ ഭക്ഷണം നല്‍കരുത്
സ്ഥാപനങ്ങള്‍ക്ക് ലേബര്‍ ക്യാമ്ബുകളില്‍ ഭക്ഷണം നല്‍കാം. എന്നാല്‍, റസ്റ്റാറന്‍റുകളുമായും ക്യാമ്ബ് മാനേജര്‍മാരുമായും ബന്ധപ്പെട്ടുവേണം ഇത് നടപ്പാക്കാന്‍
സാമൂഹിക അകലം പാലിച്ച്‌, തുറസ്സായ സ്ഥലത്തായിരിക്കണം ഭക്ഷണപ്പൊതി വിതരണം
റസ്റ്റാറന്‍റുകളുടെ ഉള്ളിലും മുന്‍വശത്തും ഇഫ്താര്‍ ഭക്ഷണവിതരണം അനുവദിക്കില്ല
ആരോഗ്യമാനദണ്ഡങ്ങള്‍ പാലിച്ചാവണം ഭക്ഷണം തയാറാക്കേണ്ടത്
ഭക്ഷണം നിരന്തരം പരിശോധനക്ക് വിധേയമാക്കണം
എല്ലാസമയത്തും മാസ്ക് നിര്‍ബന്ധം
ഒറ്റത്തവണമാത്രം ഉപയോഗിക്കാവുന്ന പാക്കറ്റുകളിലായിരിക്കണം ഭക്ഷണം
പാക്കേജിങ്, വിതരണം ഉള്‍പ്പെടെ എല്ലാ സമയത്തും സാമൂഹിക അകലം ഉറപ്പാക്കണം
റമദാന്‍ ആശംസകള്‍ ഫോണ്‍ വഴിയോ സമൂഹമാധ്യമങ്ങള്‍ വഴിയോ മാത്രം
ഖുര്‍ആന്‍ ഉള്‍പ്പെടെയുള്ളവ സമ്മാനമായി നല്‍കരുത്
സ്ഥാപനങ്ങളിലും സൂഖുകളിലും കൂട്ടംചേരരുത്
യാചകരെ കണ്ടാല്‍ അധികൃതരെ വിവരം അറിയിക്കണം