ഫ്രഞ്ച് താരം കിലിയാന്‍ എംബാപ്പെ പിഎസ്ജിയില്‍ തുടരാന്‍ സാധ്യതയില്ലെന്ന് പ്രമുഖ വാര്‍ത്താമാധ്യമമായ ദി ടെലഗ്രാഫ്
പിഎസ്ജിയുമായി പുതിയ കരാറില്‍ സൈന്‍ ചെയ്യാന്‍ എംബാപ്പെ വിസമ്മതിക്കുന്നതായാണ് ദി ടെലഗ്രാഫ് റിപ്പോര്‍ട്ട് ചെയ്യുന്നത്. എംബാപ്പെ യുടെ നിലവിലെ കരാര്‍ 2022ല്‍ അവസാനിക്കും.എന്നാല്‍ കരാര്‍ പുതുക്കി താരത്തെ ടീമില്‍ തുടരുന്നതിനായി പിഎസ്ജി ശ്രമം തുടരുകയാണ്. എംബാപ്പെ പാരീസില്‍ തുടരാനുള്ള സാധ്യത 50/50 ആയി ദി ടെലഗ്രാഫ് റേറ്റു ചെയ്തിട്ടുണ്ട്. അതേസമയം, എംബാപ്പെ അല്ലെങ്കില്‍ ഏര്‍ലിങ് ഹാലന്‍ഡ് എന്നിവരെ റയലില്‍ എത്തിക്കാനുള്ള ശ്രമത്തിലാണ് സിദാന്‍.ഹാലന്‍ഡിനു എംബാപ്പെക്കാള്‍ മൂല്യം കുറവായതിനാല്‍ റയല്‍ ഡോര്‍ട്മുണ്ടിലേക്ക് പോയേക്കുമെന്നും റിപ്പോര്‍ട്ടുകളുണ്ട്. എന്നാല്‍ ബയേണ്‍ മ്യൂണിക്കിനെതിരെ ഇരട്ട ഗോള നേടി കൊണ്ട് എംബാപ്പെ തന്റെ മൂല്യം ഉയര്‍ത്തി. ബയേണ്‍ മ്യൂണിക്കിനെതിരായ പ്രകടനം മാത്രം മതി റയലിന് ഒരു തീരുമാനം എടുക്കാന്‍.