2300 പേര്‍ക്ക് കോവിഡിെന്‍റ ഇന്ത്യന്‍ വകഭേദം ബാധിച്ചുവെന്ന് യു.കെ
86 ജില്ലകളില്‍ വൈറസ് സാന്നിധ്യം കണ്ടെത്തിയിട്ടുണ്ട്. ആരോഗ്യസെക്രട്ടറി മാറ്റ് ഹാന്‍കോക്കാണ് ഇക്കാര്യം അറിയിച്ചത്. അടച്ചിട്ട മുറികളില്‍ സുഹൃത്തുകളുമായി കൂട്ടിക്കാഴ്ച നടത്തുേമ്ബാള്‍ ജാഗ്രത പുലര്‍ത്തണമെന്നും യു.കെ ആരോഗ്യ സെക്രട്ടറി ആവശ്യപ്പെട്ടു.ബോല്‍ട്ടന്‍ മേഖലയിലാണ് കൂടുതല്‍ കേസുകള്‍ റിപ്പോര്‍ട്ട് ചെയ്തത്. ഇന്ത്യന്‍ വകഭേദമായ B.1.617.2 ആണ് കൂടുതലായും റിപ്പോര്‍ട്ട് ചെയ്യുന്നത്. പ്രാഥമികമായ വിലയിരുത്തലുകളില്‍ വാക്സിന്‍ ഇന്ത്യന്‍ വകഭേദത്തെ പ്രതിരോധിക്കുന്നുണ്ട്. പുതിയ കോവിഡ് വകഭേദം റിപ്പോര്‍ട്ട് ചെയ്യുന്ന സാഹചര്യത്തില്‍ കൂടുതല്‍ പേര്‍ക്ക് വാക്സിന്‍ നല്‍കുമെന്നും അദ്ദേഹം പറഞ്ഞു.കഴിഞ്ഞ ദിവസം യു.കെ കോവിഡ് നിയന്ത്രണങ്ങളില്‍ ഇളവ് പ്രഖ്യാപിച്ചിരുന്നു. കൂടുതല്‍ പേര്‍ക്ക് ഉടന്‍ വാക്സിന്‍ നല്‍കുമെന്നും പ്രധാനമന്ത്രി ബോറിസ് ജോണ്‍സണ്‍ പ്രഖ്യാപിച്ചിരുന്നു. ഇതിന് പിന്നാലെയാണ് പുതിയ കണക്കുകള്‍ പുറത്ത് വരുന്നത്.