സുരക്ഷാ പ്രശ്നങ്ങളുടെ പേരില്‍ 59 ചൈനീസ് ആപ്പുകള്‍ക്ക്, അമേരിക്കയില്‍ നിരോധനമേര്‍പ്പെടുത്തി ജോ ബൈഡന്‍ ഭരണകൂടം
തങ്ങളുടെ സുരക്ഷയ്ക്ക് വെല്ലുവിളിയുയര്‍ത്തുന്ന 31 ചൈനീസ് ആപ്പുകള്‍ക്ക് നിരോധനമേര്‍പ്പെടുത്താനായിരുന്നു ആദ്യം തീരുമാനിച്ചിരുന്നത്.
എന്നാല്‍ ഈ മേഖലയില്‍ സമാനമായി പ്രവര്‍ത്തിക്കുന്ന 59 ആപ്പുകള്‍ നിരോധിക്കണമെന്ന് ജോബൈഡന്‍ അറിയിക്കുകയായിരുന്നു. രാജ്യത്തെ സംബന്ധിച്ച വിവരങ്ങളുടെ ചോര്‍ത്തല്‍, ചാരവൃത്തി എന്നിവ തടയാനാണ് നിരോധനം ഏര്‍പ്പെടുത്തിയതെന്നും ബൈഡന്റെ പ്രസ്താവനയില്‍ പറയുന്നു.എന്നാല്‍ അമേരിക്കയുടെ ഈ തീരുമാനത്തോട് ചൈന ഇതുവരെ ഔദ്യോഗികമായി പ്രതികരിച്ചിട്ടില്ല. യു.എസ് – ചൈന ബന്ധത്തില്‍ കൂടുതല്‍ വിള്ളലുകള്‍ വീഴുന്നതായിട്ടാണ് പുതിയ സംഭവവികാസങ്ങള്‍ സൂചിപ്പിക്കുന്നത്.