ഇന്ധനവില വര്‍ധനവിനെ തുടര്‍ന്ന് പ്രതിസന്ധിയിലായ രാജ്യത്തെ ജനങ്ങള്‍ക് ആശ്വസിക്കാന്‍ വകനല്‍കുന്ന തീരുമാനവുമായി ഒപെക്
പെട്രോളിയം ഉല്‍പാദനം വര്‍ധിപ്പിക്കാനുള്ള ഒപെക് തീരുമാനിച്ചു. പ്രതിദിന പെട്രോളിയം ഉല്‍പാദനം 400,000 ബാരലായി ഉയര്‍ത്താനാണ് ഒപെക് തീരുമാനിച്ചത്. നേരത്തെ വെട്ടിക്കുറച്ച ഉല്‍പാദനമാണ് പുനഃസ്ഥാപിക്കുന്നത്. ഇതിന് പിന്നാലെ അന്താരാഷ്ട്ര വിപണിയില്‍ ബ്രെന്‍റ് ക്രൂഡോയിലിന്‍റെ വിലയില്‍ വലിയ ഇടിവ് രേഖപ്പെടുത്തി. ആഗോള ക്രൂഡോയിന്‍റെ 29 ശതമാനവും ഉല്‍പാദിപ്പിക്കുന്ന 13 രാജ്യങ്ങളുടെ സംഘടനയാണ് ഒപെക്.ബാരലിന് 73.59 ഡോളറുണ്ടായിരുന്ന ബ്രെന്‍റ് ക്രൂഡിന്‍റെ വില 68.62 ഡോളറായി കുറഞ്ഞു. 6.75 ശതമാനം ഇടിവാണ് ജൂലൈ 16 മുതല്‍ 19 വരെയുള്ള മൂന്ന് ദിവസത്തിനിടയില്‍ ഉണ്ടായത്. ഇന്ത്യയില്‍ ഇതിന് ശേഷം ഇന്ധനവിലയില്‍ കാര്യമായ വര്‍ധനയുണ്ടായിട്ടില്ലെന്നതും ആശ്വാസത്തിന് വകനല്‍കുന്ന കാര്യമാണ്.അതേസമയം, ആഗോളവിപണിയില്‍ എണ്ണവില കുറയുേമ്ബാഴും ഇന്ത്യയില്‍ പെട്രോള്‍-ഡീസല്‍ വില കുറക്കാന്‍ കമ്ബനികള്‍ ഇതുവരെ തയാറായിട്ടില്ല. വരും ദിവസങ്ങളിലെങ്കിലും ഇതിനുള്ള നീക്കങ്ങളുമായി കമ്ബനികള്‍ മുന്നോട്ട് വരുമെന്നാണ് പ്രതീക്ഷ.