ഓഗസ്റ്റ് 14 വിഭജന ഭീതിയുടെ സ്മരണ ദിനയായി ആചരിക്കപ്പെടും
സ്വാതന്ത്ര്യ ദിനത്തിന്റെ തലേദിവസമായ ഓഗസ്റ്റ് 14 ഇനി മുതല്‍ വിഭജന ഭീതിയുടെ സ്മരണ ദിനമായി ആചരിക്കപ്പെടുമെന്നും മോദി പറഞ്ഞു.പാകിസ്താന്‍ സ്വതന്ത്ര്യദിനം ആഘോഷിക്കുന്നത് ഓഗസ്റ്റ് 14നാണ്.’വിഭജനത്തിന്റെ വേദന ഒരിക്കലും വിസ്മരിക്കപ്പെടരുത്. വെറുപ്പും അക്രമവും മൂലം ദശലക്ഷക്കണക്കിന് വരുന്ന നമ്മുടെ സഹോദരി സഹോദരന്മാര്‍ ജന്മനാടുകളില്‍ നിന്ന് പുറത്തായി. നിരവധി പേര്‍ക്ക് ജീവന്‍ നഷ്ടപ്പെട്ടു. ജനതയുടെ ചെറുത്തുനില്‍പ്പിന്റേയും ത്യാഗത്തിന്റേയും ഓര്‍മ്മയില്‍, ഓഗസ്റ്റ് 14 വിഭജന ഭീതി സ്മരണാദിനമായി ആചരിക്കണ’മെന്നും മോദി ട്വീറ്റ് ചെയ്തു.സാമൂഹികമായി വേര്‍തിരിവുകളെ അകറ്റി ഏകതയുടെ ചൈതന്യം ശക്തിപ്പെടുത്തേണ്ടതാണെന്ന് ഓര്‍മ്മപ്പെടുത്തുന്ന ദിനമായി കാണണമെന്നും മോദി പറഞ്ഞു. സാമൂഹിക വേര്‍തിരിവുകളുടെയും അനൈക്യത്തിന്റെയും വിഷം നീക്കി, ഒരുമയുടെ ചൈതന്യവും സാമൂഹിക ഐക്യവും മാനവികതയും ശക്തിപ്പെടുത്തേണ്ടതാണെന്ന് ഓര്‍മ്മിപ്പിക്കുന്നതാണ് ഈ ദിനമെന്നും അദ്ദേഹം ട്വിറ്ററിലൂടെ വ്യക്തമാക്കി.