2026-ല്‍ നടക്കാനിരിക്കുന്ന ലോകകപ്പിന് ഇന്ത്യക്ക് യോഗ്യത നേടാന്‍ സാധിച്ചേക്കുമെന്ന് വിഖ്യാത ഇംഗ്ലീഷ് താരം ഷോണ്‍ റൈറ്റ് ഫിലിപ്സ്
കഴിഞ്ഞ ദിവസം ഇന്ത്യ സന്ദര്‍ശിച്ച താരം, ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തിലാണ് ഇക്കാര്യം പറഞ്ഞത്.ഇന്ത്യ ഒരു ഫുട്ബോള്‍ കേന്ദ്രീകൃത രാജ്യമാണെന്ന് ഞാന്‍ കരുതുന്നില്ല, പക്ഷെ ഈ കായികയിനത്തെ ഇന്ത്യയില്‍ ആരാധകര്‍ പിന്തുണയ്ക്കുന്ന രീതി എന്നെ ശരിക്കും അത്ഭുതപ്പെടുത്തുന്നുണ്ട്, 2026 ലോകകപ്പിന്റെ യോഗ്യതയ്ക്ക് അരികിലെത്തിനില്‍ക്കുകയാണ് ഇന്ത്യ എന്നാണ് എനിക്ക് തോന്നുന്നത്, ബെംഗളുരുവിലും മുംബൈയിലും യുവതാരങ്ങള്‍ കളിക്കുന്നത് ഞാന്‍ കണ്ടു, അവരുടെ പ്രകടനത്തില്‍ ഞാന്‍ വളരെ തൃപ്തനാണ്, കുട്ടിത്താരങ്ങള്‍ക്ക് ഫുട്ബോള്‍ പഠിക്കാന്‍ നല്ലൊരു ഫൗണ്ടേഷനിവിടെയിപ്പോഴുണ്ട്, ഇവര്‍ക്ക് പഠിക്കാന്‍ കൂടുതല്‍ സമയവും ലഭിക്കുമെന്നത് നല്ലതാണ്, റൈറ്റ് ഫിലിപ്സ് പറഞ്ഞു.മാഞ്ചസ്റ്റര്‍ സിറ്റി, ചെല്‍സി തുടങ്ങിയ ഇംഗ്ലീഷ് സൂപ്പര്‍ക്ലബുകള്‍ക്കായി കളിച്ച റൈറ്റ് ഫിലിപ്സ്, 2019-ലാണ് കളിക്കളത്തോട് വി‌ടപറഞ്ഞത്. ഇംഗ്ലണ്ട് ദേശീയ ടീമിനായി 36 തവണ കളിച്ചിട്ടുള്ള റൈറ്റ് ഫിലിപ്സ് ആറ് ഗോളും നേടിയിട്ടുണ്ട്.