കെ എല്‍ രാഹുലും ആതിയയും വിവാഹിതരായി
സുനില്‍ ഷെട്ടിയുടെ ഖണ്ഡാല ബംഗ്ലാവില്‍വച്ച്‌ തിങ്കളാഴ്ച വൈകിട്ട് നാലിനായിരുന്നു വിവാഹച്ചടങ്ങുകള്‍ നടന്നതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.കുടുംബാംഗങ്ങളും അടുത്ത സുഹൃത്തുക്കളും മാത്രമായിരുന്നു വിവാഹച്ചടങ്ങില്‍ പങ്കെടുത്തത്. ‘നീയേകിയ പ്രകാശത്തിലാണ് ഞാന്‍ പ്രണയിക്കാന്‍ പഠിച്ചതെന്നാണ്’ ആതിയ രാഹുലിനെകുറിച്ച്‌ സോഷ്യല്‍ മീഡിയയില്‍ കുറിച്ചുബോളിവുഡ് നടിയായ ആതിയയും രാഹുലും നാലു വര്‍ഷത്തിലേറെയായി പ്രണയത്തിലായിരുന്നു.വിവാഹത്തിനു മുന്നോടിയായി രാഹുല്‍ ഇന്ത്യന്‍ ടീമില്‍നിന്ന് താല്‍ക്കാലികമായി വിട്ടുനിന്നിരുന്നു. എന്നാല്‍ വിവാഹം നടക്കുന്ന ദിവസമോ, സമയമോ നേരത്തേ പ്രഖ്യാപിച്ചിരുന്നില്ല.ന്യൂസീലന്‍ഡിനെതിരായ ഏകദിന പരമ്ബരയ്ക്കായി ടീം ക്യാംപിലായതിനാല്‍ ക്യാപ്റ്റന്‍ രോഹിത് ശര്‍മയും വിരാട് കോലിയുമടക്കമുള്ള പ്രമുഖ താരങ്ങളൊന്നും വിവാഹത്തിനെത്തിയിട്ടില്ലെന്നാണു വിവരം.