മുൻ പ്രസിഡന്റ് മറിയാമ്മ പിള്ള സ്മരണക്കായി ഫൊക്കാന അവാർഡ്

രുവനന്തപുരം ഹയാത്ത് റീജൻസി ഹോട്ടലിൽ വച്ചു നടക്കുന്ന കേരള കൺവൻഷനിൽ അവാർഡ് വിതരണം ചെയ്യും. നഴ്‌സിങ് മേഖലയിൽ പ്രശസ്ത സേവനം കാഴ്ചവെക്കുന്ന വ്യക്തിക്കാണ് അവാർഡ് നൽകുന്നത്.ഫൊക്കാനയുടെ ആദ്യ വനിതാ പ്രസിഡന്റായിരുന്നു മറിയാമ്മ പിള്ള. ട്രസ്റ്റി ബോർഡിൽ ഉൾപ്പടെ നിരവധികൾ പദവികൾ വഹിച്ചിട്ടുണ്ട്. ചിക്കാഗോയിലെ ഏറ്റവും വലിയ സംഘടനയായ ഇല്ലിനോയി മലയാളി അസോസിയേഷന്റെ  മുൻ പ്രസിഡന്റു കൂടിയാരുന്നു അവർ. മികച്ച സംഘാടകയെന്നതിലുപരി വലിയ കാരുണ്യ പ്രവർത്തക കൂടിയായിരുന്നു അവർ. ചിക്കാഗോക്കാർ ചേച്ചിയെന്നും അമേരിക്കൻ മലയാളികൾ ഫൊക്കാനയുടെ ഉരുക്കുവനിതയെന്നും വിളിപ്പേരിട്ടിരുന്ന മറിയാമ്മ പിള്ളയ്ക്ക് നൽകുന്ന ഉചിതമായ ആദരവായിരിക്കും മെമ്മോറിയൽ അവാർഡ് എന്ന് ഡോ. കല ഷഹി പറഞ്ഞു.