മൈക്രോസോഫ്റ്റിന് എതിരെ ഇലോണ്‍ മസ്‌ക്
ട്വിറ്ററിന്റെ ഡാറ്റ നിയമവിരുദ്ധമായി ഉപയോഗിച്ചതിന് മൈക്രോസോഫ്റ്റിനെതിരെ കേസെടുക്കുമെന്ന് മസ്‌ക് വ്യക്തമാക്കി. ആപ്ലിക്കേഷന്‍ പ്രോഗ്രാമിങ് ഇന്റര്‍ഫേസ് ഫീസ് അടയ്ക്കാത്തതിനെത്തുടര്‍ന്ന് പരസ്യ പ്ലാറ്റ്ഫോമില്‍ നിന്ന് മൈക്രോസോഫ്റ്റ് ട്വിറ്ററിനെ അടുത്തിടെ ഒഴിവാക്കിയിരുന്നു. ഇതിനു പിന്നാലെയാണ് പുതിയ ആരോപണവുമായി മസ്‌ക് രംഗത്തുവന്നത്.ചാറ്റ് ജിപിടിയുടെ ഭാഷാ മോഡല്‍ പരിശീലനത്തിന് മൈക്രോസോഫ്റ്റിന്റെ ഉടമസ്ഥതയിലെ ഓപ്പണ്‍ എഐ, ട്വിറ്റര്‍ ഡാറ്റ ഉപയോഗിച്ചതായാണ് ആരോപണം. അതേസമയം, മസ്‌കിന്റെ ആരോപണത്തില്‍ മൈക്രോസോഫ്റ്റ് ഇതുവരെ പ്രതികരിച്ചിട്ടില്ല.