റിക്കാര്‍ഡ് വക്കില്‍ രവീന്ദ്ര ജഡേജ
ഇന്ന് ഒരു വിക്കറ്റ് വീഴ്ത്താൻ സാധിച്ചാല്‍ ഇരുരാജ്യങ്ങളും തമ്മിലുള്ള ഏകദിന പരന്പര ചരിത്രത്തില്‍ ഏറ്റവും കൂടുതല്‍ വിക്കറ്റുള്ള ബൗളര്‍ എന്ന റിക്കാര്‍ഡ് ജഡേജയ്ക്കു സ്വന്തമാക്കാം.ഒന്നാം ഏകദിനത്തില്‍ മൂന്ന് വിക്കറ്റ് വീഴ്ത്തിയ ജഡേജ, ഇന്ത്യ x വിൻഡീസ് ഏകദിന ചരിത്രത്തില്‍ ഏറ്റവും കൂടുതല്‍ വിക്കറ്റുള്ള ഇന്ത്യൻ ബൗളര്‍ എന്ന നേട്ടം സ്വന്തമാക്കിയിരുന്നു. 42 മത്സരങ്ങളില്‍ 43 വിക്കറ്റ് വീഴ്ത്തിയ കപില്‍ ദേവിന്‍റെ റിക്കാര്‍ഡായിരുന്നു ജഡേജ തിരുത്തിയത്.ഇരുരാജ്യങ്ങളും തമ്മിലുള്ള ഏകദിന പോരാട്ട ചരിത്രത്തില്‍ ഏറ്റവും കൂടുതല്‍ വിക്കറ്റ് എന്ന റിക്കാര്‍ഡ് വിൻഡീസിന്‍റെ മുൻ പേസര്‍ കോട്നി വാല്‍ഷിനൊപ്പം പങ്കിടുകയാണ് ജഡേജ-44 വിക്കറ്റ്. 38 മത്സരത്തില്‍നിന്നാണു വാല്‍ഷ് 44 വിക്കറ്റ് വീഴ്ത്തിയത്. 30 മത്സരത്തിലാണ് ജഡേജയുടെ ഈ നേട്ടം.