തിരുവനന്തപുരം സൗത്ത് ഉപജില്ലാ കലോത്സവത്തിൽ എൽ പി അറബിക് വിഭാഗത്തിൽ പാച്ചല്ലൂർ ഗവണ്മെന്റ് എൽ പി സ്കൂളിന് ഓവറോൾ കിരിടം
കോവളം :തിരുവനന്തപുരം സൗത്ത് ഉപജില്ലാ കലോത്സവത്തിൽ എൽ പി അറബിക് വിഭാഗത്തിൽ പാച്ചല്ലൂർ ഗവണ്മെന്റ് എൽ പി സ്കൂളിന് ഓവറോൾ കിരിടം.125വർഷത്തോളം പഴക്കം ഉള്ള പാച്ചല്ലൂർ ഗവണ്മെന്റ് എൽ പി സ്കൂളിന് ചരിത്രത്തിൽ ആദ്യമായാണ് ഈ നേട്ടം കൈവരിക്കൻ സാധിച്ചത് ജില്ലയിലെ മറ്റു സ്കൂളുകളെ പിന്നിലാക്കി കൊണ്ടു 43പോയിന്റോടുകുടി എ ഗ്രേഡ് നേടികൊണ്ടാണ് പാച്ചല്ലൂർ ഗവണ്മെന്റ് എൽ പി സ്കൂൾ ഈ നേട്ടം കൈവരിച്ചത്. ഓവറോൾ ട്രോഫി നേടിയതിന്റെ സന്തോഷത്തിലാണ് പാച്ചല്ലൂർ ഗവണ്മെന്റ് എൽ പി സ്കൂളിലെ വിദ്യാർത്ഥി വിദ്യാർത്ഥിനികളും അദ്ധ്യാപകരും രക്ഷിതാക്കളും നാട്ടുകാരും. തിരുവനന്തപുരം സൗത്ത് ഉപജില്ലാ കലോത്സവത്തിൽ പങ്കെടുത്തു വിജയികളായ 31 വിദ്യാർത്ഥി – വിദ്യാർത്ഥിനികളെയും എച്ച്. എം. ആർ എൽ.ശോഭകുമാരിയെയും പരിശീലനം നൽകിയ അറബി അദ്ധ്യാപകൻ കെ. വി.ഷബീറിനെയും പൂർവ്വവിദ്യാർത്ഥി കൂട്ടായമയുടെ നേതൃത്വത്തിൽ ആദരിച്ചു. ചടങ്ങിന് പൂർവ്വവിദ്യാർത്ഥി കുടിയായ കൗൺസിലർ പനത്തുറ പി ബൈജു നേതൃത്വം നൽകി. പൂർവ്വവിദ്യാർത്ഥി പ്രതിനിധികളായ ഡി ജയകുമാർ, മതമൈത്രി സംഗീതജ്ഞൻ വാഴാമുട്ടംചന്ദ്രബാബു,പി.അജിത്ത്കുമാർ, നീതിഫസിൽ, പി.ശിശുപാലൻ, എച്ച് ആർ.ഹരിഷ്, വി.മണിയൻ, പി ടി എ പ്രസിഡന്റ്‌ എം ദൗലത് ഷാ തുടങ്ങിയവർ ചടങ്ങിൽ പങ്കെടുത്തു.
