ശ്രീലേഖയ്ക്കും എം.ആര്‍. ഗോപകുമാറിനും മലയാള സാഹിത്യസമിതി പ്രഥമ സാംസ്കാരിക പുരസ്കാരം
തിരു : മുന്‍ ഡിജിപിയും എഴുത്തുകാരിയുമായ ശ്രീലേഖ ഐ.പി.എസിനേയും നടന്‍ എം.ആര്‍. ഗോപകുമാറിനേയും മലയാള സാഹിത്യ സമിതി പ്രഥമ സാംസ്കാരിക പുരസ്കാരങ്ങള്‍ക്കായി തെരഞ്ഞെടുത്തു. ശ്രവ്യ- മാധ്യമ അവാര്‍ഡ് ലഭിക്കുന്നത് ആകാശവാണി തിരുവനന്തപുരം അസിസ്റ്റന്‍റ് സ്റ്റേഷന്‍ ഡയറക്ടറും പ്രഭാതഭേരി ഉള്‍പ്പെടെ ജനപ്രിയ റേഡിയോ പരിപാടികളുടെ അവതാരകനും എഴുത്തുകാരനും മലയാള ഭാഷ പ്രഗല്‍ഭനുമായ ശ്രീകുമാര്‍ മുഖത്തലയ്ക്കാണ്. ബലിപഥം എന്ന നോവലാണ് ഈ വര്‍ഷത്തെ സാഹിത്യശ്രേഷ്ഠ പുരസ്കാരത്തിന് ശ്രീമതി. ആര്‍. ശ്രീലേഖയെ അര്‍ഹയാക്കിയത്. ഗാനപ്രതിഭ പുരസ്കാരം കാര്യവട്ടം ശ്രീകണ്ഠന്‍നായര്‍ക്കും കലാ-സാംസ്കാരിക – ജീവകാരുണ്യ പ്രവര്‍ത്തനങ്ങളില്‍ സംസ്ഥാനത്തെ ശ്രദ്ധേയ സാന്നിദ്ധ്യമായ കലാനിധിയുടെ ചെയര്‍പേഴ്സണ്‍ ഗീതാ രാജേന്ദ്രന്‍ കലാനിധിയ്ക്ക് മികച്ച കലാ- സാമൂഹ്യ-സാംസ്കാരിക പ്രവര്‍ത്തകയ്ക്കുള്ള അംഗീകാരം ലഭിക്കും. ഏറ്റവും മികച്ച പ്രദേശിക വാര്‍ത്താ ചാനലിലെ ജനസ്പര്‍ശ പ്രോഗ്രാമുകള്‍ക്ക് ബ്യൂറോ ചീഫ് ശ്രീമതി എച്ച്. ഹണി, മികച്ച സാമൂഹികപ്രതിബദ്ധതയുള്ള റിപ്പോര്‍ട്ടിംഗിന് സുജിലാൽ. കെ. എസ്സ്. റിപ്പോർട്ടർ കേരളകൗമുദി( ഏഴുഭാഗങ്ങളായി പ്രസിദ്ധീകരിച്ച ” കരയുന്ന കരമനയാർ “എന്ന പരമ്പരയ്ക്ക് അവാർഡ്), സാംസ്കാരിക വാര്‍ത്താ റിപ്പോര്‍ട്ടിംഗിന് മഞ്ജുളാദേവി (, ദീപിക രാഷ്ട്ര ദീപിക, ), ദൃശ്യ മാധ്യമ ശ്രേഷ്ഠ പുരസ്കാരം മാതൃഭൂമി ന്യൂസ് ജയലക്ഷ്മി,( Jayalekshmi P.J
Sub Editor Mathrubhumi News) സംഗീത സംവിധായികയും, ഗായികയും കലാനിധി പ്രതിഭയുമായ ശ്രദ്ധാ പാര്‍വ്വതി (സംഗീതം), പ്രവീണ്‍ ഏണിക്കര (ഛായാഗ്രഹണം) എന്നിവര്‍ക്കാണ് സാഹിത്യസമിതി പ്രഥമ പുരസ്ക്കാരങ്ങള്‍. കലാ -സാമൂഹിക -സാംസ്കാരിക, വിദ്യാഭ്യാസ മേഖലകളിൽ മികവ് തെളിയിച്ച മലയാള സാഹിത്യ സമിതി അംഗങ്ങളെ വേദിയിൽ ആദരിക്കും.
മലയാള സാഹിത്യ സമിതിയുടെ വാർഷികഘോഷവും പുരസ്‌കാരസമർപ്പണവും മീഡിയ അവാർഡ് ദാന ചടങ്ങിലേക്ക് അങ്ങയുടെ അധികാര പരിധിയിലുള്ള പത്ര /ദൃശ്യ/ശ്രവ്യ മാധ്യമത്തിൽ നിന്നും ഒരു പ്രതിനിധിയെ പങ്കെടുപ്പിക്കുവാനും അർഹിക്കുന്ന പ്രാധാന്യം നൽകി വാർത്ത പ്രാധാന്യം നൽകുവാനും അപേക്ഷിക്കുന്നു
വിനയപൂർവ്വം
ശ്രീ. മൈലച്ചല്‍ വിജയന്‍
മലയാള സാഹിത്യ സമിതി
സംസ്ഥാന പ്രസിഡന്‍റ്