News headline

 

🅾️ *സംസ്ഥാനത്ത് കൊവിഡ് ബാധിതനായിരുന്ന ആൾ മരിച്ചു. പക്ഷെ മരണം. കോവിഡ്‌ ബാധിച്ചല്ല എന്ന് സ്ഥിരീകരിച്ചു മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന മലപ്പുറം കീഴാറ്റൂര്‍ സ്വദേശിയായ 85കാരനാണ് മരിച്ചത്. ഏറെക്കാലമായി ഹൃദയസംബന്ധമായ അസുഖങ്ങള്‍ ഉണ്ടായിരുന്നു മരിച്ച വ്യക്തിക്കെന്ന് ബന്ധുക്കള്‍ പറയുന്നു. മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ഇദ്ദേഹത്തിന്റെ ആരോഗ്യനില ഏറെക്കുറെ സാ ധാരണ നിലയിലേക്ക് മടങ്ങുന്നതിനിടെയാണ് മരണം സംഭവിച്ചത്.*
*മലപ്പുറം കീഴാറ്റൂര്‍ കരിയമാട് സ്വദേശി വീരാന്‍കുട്ടി (85) ആണ് മരിച്ചത്. അതേസമയം മറ്റ് അസുഖങ്ങളാണ് മരണ കാരണമെന്നാണ് ഡോക്ടര്‍മാര്‍ പറയുന്നത്. കോവിഡിന്റെ അവസാന പരിശോധനാ ഫലം കൂടി വരാനിരിക്കെയാണ് മരണം സംഭവിച്ചത്. കഴിഞ്ഞ പരിശോധനാ ഫലം നെഗറ്റീവായിരുന്നു. മൂന്ന് ദിവസങ്ങള്‍ക്ക് മുമ്പ്‌ ഇയാള്‍ക്ക് ഹൃദയാഘാതമുണ്ടായിരുന്നു.*

🅾️ *മ​ഞ്ചേ​രി​ മെ​ഡി​ക്ക​ല്‍ കോ​ള​ജി​ല്‍ ചി​കി​ത്സ​യി​ലി​രി​ക്കെ മ​രി​ച്ച മ​ല​പ്പു​റം പെ​രി​ന്ത​ല്‍​മ​ണ്ണ കീ​ഴാ​റ്റൂ​ര്‍ സ്വ​ദേ​ശി വീ​രാ​ന്‍​കു​ട്ടി(85)​ക്ക് കോ​വി​ഡ് ഇ​ല്ലെ​ന്ന് സ്ഥി​രീ​ക​രി​ച്ചു. ഇ​ദ്ദേ​ഹ​ത്തി​ല്‍ ന​ട​ത്തി​യ അ​വ​സാ​ന കോ​വി​ഡ് പ​രി​ശോ​ധ​ന ഫ​ല​വും നെ​ഗ​റ്റീ​വ് ആ​ണ്. വൃ​ക്ക​രോ​ഗ​വും ഹൃ​ദ​യ​സം​ബ​ന്ധ​മാ​യ അസുഖത്തെയും തുടര്‍ന്ന് വീ​രാ​ന്‍​കു​ട്ടി​ക്ക് ആരോഗ്യപ്രശ്നങ്ങള്‍ ഉ​ണ്ടാ​യി​രു​ന്നുവെന്ന് ആരോഗ്യമന്ത്രി കെ.കെ. ശൈലജ പറഞ്ഞു. മൃ​ത​ദേ​ഹം ബ​ന്ധു​ക്ക​ള്‍​ക്ക് വി​ട്ട് ന​ല്‍​കും. സം​സ്‌​ക്കാ​രം കോ​വി​ഡ് പ്രോ​ട്ട​ക്കോ​ള്‍ പ്ര​കാ​രം ആ​യി​രി​ക്കി​ല്ല നടത്തുക.എ​ന്നാ​ല്‍ സം​സ്‌​കാ​ര ച​ട​ങ്ങി​ല്‍ അ​ധി​കം ആ​ളു​ക​ള്‍ കൂ​ടി​ച്ചേ​രാ​ന്‍ പാ​ടി​ല്ലെ​ന്നും ആ​രോ​ഗ്യ​മ​ന്ത്രി അ​റി​യി​ച്ചു.*

🅾️ *സ്പീക്കറുടെ ഓഫീസ് കൃത്രിമ രേഖയുണ്ടാക്കിയെന്ന ആരോപണവുമായി കെ.എം ഷാജി. കെ.എം ഷാജിക്കെതിരെ കേസെടുക്കാന്‍ സ്പീക്കര്‍ അനുമതി നല്‍കിയത് മാര്‍ച്ച്‌ 13നാണെന്നാണ് ഉത്തരവിലുള്ളത്. ആ ഉത്തരവ് മുഖ്യമന്ത്രിയും കെ.എം ഷാജിയും തമ്മിലെ വാക്പോര് ആരംഭിച്ച ശേഷം മുമ്പത്തെ തീയതി ചേര്‍ത്ത് സ്പീക്കറുടെ ഓഫീസ് ഇറക്കുകയായിരുന്നുവെന്ന് ഷാജി ആരോപിക്കുന്നു. കേസെടുക്കാന്‍ വിജിലന്‍സിന് അനുമതി നല്‍കി ഇന്നലെ ഇറങ്ങിയ സര്‍ക്കാര്‍ ഉത്തരവില്‍ 17-ാം തീയതിയെന്നും സ്പീക്കര്‍ നല്‍കിയ നിര്‍ദേശത്തില്‍ 13-ാം തീയതി എന്നാണെന്നും ഷാജി പറയുന്നു. ഇപ്പോള്‍ താനും മുഖ്യമന്ത്രിയും തമ്മിലെ പ്രശ്നങ്ങളുടെ പേരില്‍ എടുത്ത കേസ് അല്ല ഇതെന്ന് തെളിയിക്കാനാണ് മുമ്പത്തെ തീയതി ചേര്‍ത്തതെന്നും അദ്ദേഹം കുറ്റപ്പെടുത്തുന്നു.*

🅾️ *2017ല്‍ അഴിക്കോട് സ്‌കൂളിന് ഹയര്‍സെക്കന്ററി അനുവദിക്കാന്‍ കെ എം ഷാജി എംഎല്‍എ 25 ലക്ഷം കോഴവാങ്ങിയെന്ന പരാതിയില്‍ വിജിലന്‍സ് ഇന്ന് കേസെടുത്ത് അന്വേഷണം ആരംഭിച്ചേക്കും. കണ്ണൂര്‍ ഡിവൈഎസ്പി മധുസൂധനന്റെ നേതൃത്വത്തിലുള്ള സംഘമായിരിക്കും അന്വേഷണം നടത്തുക. ലോക്ഡൗണ്‍ ആയതിനാല്‍ എഫ് ഐ ആര്‍ രജിസ്റ്റര്‍ ചെയ്ത് നടപടി ക്രമങ്ങള്‍ പൂര്‍ത്തിയാക്കുന്നതിനപ്പുറം കൂടുതല്‍ അന്വേഷണത്തിലേക്ക് ഇപ്പോള്‍ കടക്കില്ലെന്ന് വിജിലന്‍സ് അറിയിച്ചു. കെ എം ഷാജിക്കെതിരെ കേസെടുക്കുന്നത് സംബന്ധിച്ച്‌ വിജിലന്‍സ് ഇന്നലെ നിയമോപദേശം തേടിയിരുന്നു. ഷാജി എംഎല്‍എ കോഴ വാങ്ങിയെന്ന് ലീഗ് പ്രാദേശിക നേതാവ് സംസ്ഥാന നേതൃത്വത്തിനയച്ച കത്ത് ആധാരമാക്കി സിപിഎം നേതാവ് കൊടുവന്‍ പത്മനാഭനാണ് 2017ല്‍ മുഖ്യമന്ത്രിക്ക് പരാതി നല്‍കിയത്.മുഖ്യമന്ത്രിയുടെ ദുരിതാശ്വാസ നിധിയെ വിമര്‍ശിച്ചതിന് പിന്നാലെ ഷാജിക്കെതിരെ കേസെടുത്തത് രാഷ്ട്രീയ പകപോക്കലാണ് എന്നാണ് യുഡിഎഫിന്റെ ആരോപണം.*

🅾️ *മു​സ്‌​ലിം ലീ​ഗ് എം​എ​ല്‍​എ കെ.​എം. ഷാ​ജി ത​നി​ക്കെ​തി​രെ ഉ​ന്ന​യി​ച്ച ആ​രോ​പ​ണ​ങ്ങ​ള്‍​ക്ക് മ​റു​പ​ടി​യു​മാ​യി സ്പീ​ക്ക​ര്‍ പി. ​ശ്രീ​രാ​മ​കൃ​ഷ്ണ​ന്‍ രം​ഗ​ത്ത്. ഷാ​ജി​യു​ടെ പ്ര​തി​ക​ര​ണം ബാ​ലി​ശ​മാ​യി​പ്പോ​യി. ഏ​ത് സ്പീ​ക്ക​റും ചെ​യ്യു​ന്ന​തേ ഞാ​നും ചെ​യ്തു​ള്ളൂ. എ​ന്‍റെ മു​ട്ടു​കാ​ലി​ന്‍റെ ബ​ലം എ​ല്ലി​ല്ലാ​ത്ത നാ​വ് കൊ​ണ്ട് ആ​രും അ​ള​ക്കേ​ണ്ടെ​ന്നും ശ്രീ​രാ​മ​കൃ​ഷ്ണ​ന്‍ മ​റു​പ​ടി​യാ​യി പ​റ​ഞ്ഞു. ഷാ​ജി​യു​ടേ​ത് നി​യ​മ​സ​ഭ​യോ​ടു​ള്ള അ​വ​ഹേ​ള​ന​മാ​ണ്. ഷാ​ജി​ക്കെ​തി​രാ​യ പ​രാ​തി​യി​ല്‍ നി​യ​മ​പ​ര​മാ​യി ചെ​യ്യേ​ണ്ട​താ​ണ് ചെ​യ്ത​തെ​ന്നും ശ്രീ​രാ​മ​കൃ​ഷ്ണ​ന്‍ വ്യ​ക്ത​മാ​ക്കി.*

🅾️ *കോവിഡ് 19 പരിശോധനക്കായി കളമശേരി മെഡിക്കല്‍ കോളജില്‍ ആര്‍.ടി.പി.സി.ആര്‍ ലബോറട്ടറികള്‍ സജ്ജമാക്കി. പരിശോധന ഫലം രണ്ടര മണിക്കൂറിനുള്ളില്‍ ലഭ്യമാക്കാന്‍ സഹായിക്കുന്ന റിയല്‍ ടൈം റിവേഴ്‌സ് ട്രാന്‍സ്‌ക്രിപ്ഷന്‍ പോളിമറേസ് ചെയിന്‍ റിയാക്ഷന്‍ പരിശോധന സംവിധാനമാണ്​ കളമശേരി മെഡിക്കല്‍ കോളജില്‍ ​ഒരുക്കിയിരിക്കുന്നതെന്ന്​ ആരോഗ്യമന്ത്രി കെ.കെ. ശൈലജ അറിയിച്ചു. ആലപ്പുഴ വൈറോളജി ഇന്‍സ്​റ്റിറ്റ്യൂട്ടിലാണ് എറണാകുളം ജില്ലയില്‍ നിന്നുള്ള സാമ്പിളുകൾ പ്രധാനമായി പരിശോധിച്ചിരുന്നത്. ഇതിന് കാലതാമസം നേരിടുന്നതിനെ തുടര്‍ന്നാണ് കളമശേരി മെഡിക്കല്‍ കോളജില്‍ പുതിയ സംവിധാനം ക്രമീകരിച്ചിരിക്കുന്നത്. ദിവസേന 180 സാമ്പിളുകൾ ലാബില്‍ പരിശോധിക്കാന്‍ സാധിക്കും.*

🅾️ *ലോക്ക്ഡൗണ്‍ മൂലം കേരളത്തില്‍ കുടുങ്ങിയ ഓസ്ട്രേലിയന്‍ പൗരന്മാര്‍ക്ക് സ്വന്തം രാജ്യത്തേക്ക് മടങ്ങാനുള്ള നടപടിയെടുത്ത് ഓസ്‌ട്രേലിയന്‍ സര്‍ക്കാര്‍. ദക്ഷിണേന്ത്യയില്‍ പലയിടത്തായുള്ള ഓസ്ട്രേലിയന്‍ സംഘങ്ങളോടൊപ്പം ചെന്നൈയില്‍ നിന്ന് പ്രത്യേക വിമാനത്തില്‍ ഞായറാഴ്ച കേരളത്തിലുള്ള 77 പേരും യാത്ര തിരിക്കും. സംസ്ഥാനത്തിന്റെ വിവിധ ഇടങ്ങളില്‍ കുടുങ്ങിയ ഇവര്‍ ഇന്ന് അര്‍ദ്ധരാത്രിയോടെ കൊച്ചിയിലെത്തും. നാളെ പുലര്‍ച്ചെ റോഡ് മാര്‍ഗം ഇവരെ ചെന്നൈയിലെത്തിക്കും.*

🅾️ *കൊവിഡ് പ്രതിരോധത്തിന്റെ ഭാഗമായി കേരളത്തിലെ ജില്ലകളെ നാല് മേഖലകളാക്കിക്കൊണ്ടുള്ള ഉത്തരവ് പുറത്തിറങ്ങി. ലോക്ക് ഡൗണ്‍ നിയന്ത്രണച്ചട്ടങ്ങളും ഇളവുകളും വിശദമായി പറയുന്ന ഉത്തരവാണ് സര്‍ക്കാര്‍ പുറത്തിറക്കിയിരിക്കുന്നത്. കേരള സര്‍ക്കാരിന്റെ ഉത്തരവിന് കേന്ദ്രം അനുമതി നല്‍കിയിട്ടുണ്ട്. കേരളത്തെ പ്രധാനമായും റെഡ്, ഓറഞ്ച് (എ), ഓറഞ്ച് (ബി), ഗ്രീന്‍ എന്നിങ്ങനെ നാല് സോണുകളായാണ് തിരിച്ചിരിക്കുന്നത്. അതില്‍ കാസറഗോഡ്, കണ്ണൂര്‍, കോഴിക്കോട്, മലപ്പുറം ജില്ലകള്‍ റെഡ് സോണില്‍ ഉള്‍പ്പെടുന്നു. പത്തനംതിട്ട, എറണാകുളം, കൊല്ലം ജില്ലകള്‍ ഓറഞ്ച് എ സോണിലും ആലപ്പുഴ, തിരുവനന്തപുരം, പാലക്കാട്, വയനാട്, തൃശ്ശൂര്‍ ജില്ലകള്‍ ഓറഞ്ച് ബി സോണിലും ഉള്‍പ്പെടും.കോട്ടയം, ഇടുക്കി ജില്ലകള്‍ ഗ്രീന്‍ സോണില്‍. ഓറഞ്ച് എ -24ാം തീയതി വരെ സമ്പൂർണ്ണ ലോക്ക് ഡൗണ്‍, അതിന് ശേഷം ഭാഗിക ഇളവുകള്‍. ഓറഞ്ച് ബി-ഏപ്രില്‍ 20 വരെ സമ്പൂർണ്ണ ലോക്ക് ഡൗണ്‍, അതിന് ശേഷം, കുറച്ചു കൂടി ഇളവുകള്‍. ഗ്രീന്‍ -ഏപ്രില്‍ 20 വരെ സമ്പൂർണ്ണലോക്ക് ഡൗണ്‍, അതിന് ശേഷം ഇളവുകള്‍. ഓറഞ്ച് എ, ബി സോണുകളില്‍ ഹോട്ട്‌സ്‌പോട്ടുകളായി കണ്ടെത്തിയ ഇടങ്ങളില്‍ മാത്രമാണ് ഇളവുണ്ടാകുക. ഹോട്ട്‌സ്‌പോട്ടുകളില്‍ സമ്പൂർണ്ണ ലോക്ക്ഡൗണ്‍ തന്നെ തുടരും. ഓറഞ്ച് എ മേഖലയില്‍ 24-നു ശേഷവും ഓറഞ്ച് ബി മേഖലയില്‍ 20-നു ശേഷവും സ്വകാര്യ വാഹനങ്ങള്‍ക്ക് അനുമതിയുണ്ടാകും. ഒറ്റ അക്ക നമ്പറുകള്‍ ഉള്ള വാഹനങ്ങള്‍ക്ക് തിങ്കള്‍, ബുധന്‍, വെള്ളി ദിവസങ്ങളില്‍ പുറത്തിറങ്ങാം. ഇരട്ട അക്ക നമ്ബര്‍ വാഹനങ്ങള്‍ക്ക് വ്യാഴം, ശനി ദിവസങ്ങളില്‍ അനുമതി കിട്ടും. നാല് ചക്ര വാഹനങ്ങളില്‍ ഡ്രൈവര്‍ അടക്കം മൂന്നു പേര്‍ മാത്രമേ യാത്ര ചെയ്യാന്‍ പാടുള്ളൂ. ഇരു ചക്ര വാഹനങ്ങളില്‍ ഒരാള്‍ മാത്രം. കുടുംബാംഗമാണെങ്കില്‍ രണ്ട് പേര്‍ക്ക് യാത്ര ചെയ്യാം. യാത്രക്കാര്‍ക്ക് എല്ലാം മാസ്‌ക് നിര്‍ബന്ധമാണ്. ഓറഞ്ച് എ, ബി മേഖലയില്‍ സിറ്റി ബസ് അനുവദിക്കുമെന്നതാണ് മറ്റൊരു ശ്രദ്ധേയമായ ഇളവ്. ബസ്സില്‍ രണ്ട് പേര്‍ക്ക് ഇരിക്കാനാകുന്ന സീറ്റില്‍ ഒരാള്‍ക്ക് മാത്രമേ ഇരിക്കാനാകൂ. നിന്ന് യാത്ര ചെയ്യുന്നത് അനുവദിക്കില്ല. ഒപ്പം ജില്ല വിട്ട് പോകുന്ന തരത്തിലുള്ള യാത്രയും അനുവദിക്കില്ല. ഓറഞ്ച് കാറ്റഗറികളില്‍ അക്ഷയ കേന്ദ്രങ്ങള്‍, പോസ്റ്റോഫീസുകള്‍ എന്നിവ തുറക്കാം. റെഡ് സോണ്‍ ഒഴികെ ഉള്ള മേഖലകളില്‍ അവശ്യ സാധനം വില്‍ക്കുന്ന കടകളുടെ സമയം കൂട്ടി. രാവിലെ 7 മുതല്‍ വൈകീട്ട് 7 വരെയാണ് ഏപ്രില്‍ 20-ന് ശേഷം പുതുക്കിയ സമയം. റെഡില്‍ ഇത് രാവിലെ 7 മണി മുതല്‍ വൈകിട്ട് 5 വരെയായി തുടരും. റെഡ് ഒഴികെ എല്ലാ സോണുകളിലും ഹോട്ടലുകള്‍ തുറക്കാന്‍ അനുമതിയുണ്ടെന്നതും മറ്റൊരു ശ്രദ്ധേയമായ കാര്യമാണ്. രാത്രി 7 മണി വരെ ഹോട്ടലില്‍ ഇരുന്ന് ഭക്ഷണം കഴിക്കാം. രാത്രി എട്ട് മണി വരെ പാഴ്‌സല്‍ നല്‍കാന്‍ അനുമതിയുണ്ടാകും. റെഡ് സോണ്‍ ഒഴികെയുള്ള എല്ലാ സോണുകളിലും കെട്ടിട നിര്‍മാണത്തിനും അനുമതി കിട്ടും. പക്ഷേ, സാമൂഹികാകലം പാലിച്ചാകണമെന്നത് നിര്‍ബന്ധമാണ്.*

🅾️ *വീട്ടില്‍ കിടന്നുറങ്ങിയ യുവതിക്ക് നേരെ ആസിഡാക്രമണം. തിരുവനന്തപുരം മംഗലപുരത്താണ് സംഭവം. പുലര്‍ച്ചെ മൂന്ന് മണിക്ക് ജനല്‍ ഗ്ലാസ് പൊട്ടിച്ച്‌ അക്രമി വീട്ടില്‍ കിടന്നുറങ്ങിയ യുവതിയുടെ മുഖത്തേക്ക് ആസിഡ് ഒഴിക്കുകയായിരുന്നു. സംഭവത്തില്‍ യുവതിയുടെ മുന്‍ ഭര്‍ത്താവ് വിനീഷിനെ പൊലീസ് അറസ്റ്റ് ചെയ്തു. നേരത്തെ യുവതിയുടെ പരാതിയില്‍ വിനീഷിനെ അറസ്റ്റ് ചെയ്തിരുന്നു. ആക്രമണത്തില്‍ ഗുരുതരമായി പരിക്കേറ്റ യുവതിയെ മെഡിക്കല്‍ കോളേജ് ആശുപത്രിയിലേക്ക് മാറ്റിയിരിക്കുകയാണ്.*

🅾️ *രാജ്യത്ത് ലോക്ക്ഡൗണ്‍ തുടരുന്ന സാഹചര്യത്തില്‍ വിദ്യാലയങ്ങള്‍ അടഞ്ഞുകിടക്കുന്ന സാഹചര്യത്തില്‍ വിദ്യാര്‍ഥികള്‍ക്കായി പ്രാദേശിക ചാനലുകളിലൂടെ വെര്‍ച്വല്‍ ക്ലാസ്സുകള്‍ നടത്താനൊരുങ്ങി ദൂരദര്‍ശനും ഓള്‍ ഇന്ത്യ റേഡിയോയും.*
*ലോക്ക്ഡൗണിനെത്തുടര്‍ന്ന് രാജ്യത്തെ എല്ലാ സ്‌കൂളുകളും വിദ്യാഭ്യാസ് സ്ഥാപനങ്ങളും അടഞ്ഞു കിടക്കുകയാണ്. പ്രൈമറി, അപ്പര്‍ പ്രൈമറി, ഹൈസ്‌കൂള്‍ തല വിദ്യാര്‍ഥികള്‍ക്ക് കരിക്കുലം അടിസ്ഥാനപ്പെടുത്തിയാണ് ക്ലാസ്സുകള്‍ തയ്യാറാക്കിയത്. 10,12 ക്ലാസ്സുകളിലെ വിദ്യാര്‍ഥികളെ വാര്‍ഷിക പരീക്ഷയ്ക്കും വിവിധ പ്രവേശന പരീക്ഷകള്‍ക്കും സജ്ജരാക്കാനുള്ള ക്ലാസ്സുകളും ഇതുവഴി നടത്തും. ബന്ധപ്പെട്ട വിഷയത്തില്‍ വിദഗ്ധര്‍ നടത്തുന്ന ക്വിസ്സ്, പഠന സെഷനുകളും ഇത്തരത്തില്‍ നടത്തുമെന്ന് ദൂരദര്‍ശനും എഐആറും അറിയിച്ചു.*

🅾️ *തിരുവനന്തപുരം ജില്ലക്കാര്‍ക്ക് ആശ്വസിക്കാം കേരള തലസ്ഥാനത്ത് കൊവിഡ് ഹോട്ട്സ്പോട്ടുകളില്ലെന്ന് മന്ത്രി കടകംപള്ളി സുരേന്ദ്രന്‍ അറിയിച്ചു. തിരുവനന്തപുരത്ത് കൊവിഡ് ചികിത്സയില്‍ ഉള്ള രണ്ടുപേരുടെ നിലയിലും മികച്ച പുരോഗതിയുണ്ടെന്നും അദ്ദേഹം പറഞ്ഞു. കെ എം ഷാജി എംഎല്‍എക്കെതിരായ കേസ് രാഷ്ട്രീയപ്രേരിതമല്ല. സാധാരണ നിലയിലുള്ള കാര്യം മാത്രമാണത്. വിവാദങ്ങളുടെ തുടര്‍ച്ചയായി ഇതിനെ കാണേണ്ടതില്ല. നിലവില്‍ ഉയരുന്ന വിവാദങ്ങളുടെ ഭാഗമായി ഇതിനെ മാറ്റാനുള്ള ശ്രമം നടക്കുന്നുണ്ടെന്നും മന്ത്രി അറിയിച്ചു.*

🅾️ *അര്‍ധ അതിവേഗ റെയില്‍പ്പാതയ്ക്ക് കൊച്ചിയില്‍ പുതുതായി ഒരു സ്റ്റേഷന്‍കൂടി. വിമാനത്താവള യാത്രികര്‍ക്ക് ഏറെ ഗുണകരമായി ഇത് മാറും. മറ്റേത് ജില്ലകളില്‍ നിന്നുള്ള വിമാന യാത്രക്കാര്‍ക്ക് നെടുമ്പാശേരിയില്‍ അതിവേഗം എത്താനും തിരിച്ച്‌ വേഗത്തില്‍ വീട്ടിലെത്താനും ഇതിലൂടെ കഴിയും. കഴിഞ്ഞദിവസം അംഗീകരിച്ച വിശദമായ പദ്ധതിരേഖയിലാണ് എറണാകുളം ജില്ലയില്‍ കാക്കനാടിനെക്കൂടാതെ നെടുമ്പാശേരി വിമാനത്താവളത്തോടുചേര്‍ന്ന് മറ്റൊരു സ്റ്റേഷന്‍കൂടി അനുവദിച്ചത്. മലബാറില്‍ നിന്നടക്കം കേരളത്തില്‍ എവിടെ നിന്നും അര്‍ധ അതിവേഗതീവണ്ടിയില്‍ രണ്ടുമണിക്കൂറിനകം സംസ്ഥാനത്ത് ഏറ്റവും കൂടുതല്‍ വിമാനസര്‍വീസുള്ള നെടുമ്പാശേരി വിമാനത്താവളത്തിലെത്താനാവും.കോഴിക്കോട് നഗരത്തില്‍നിന്ന് കരിപ്പൂരില്‍ ബസ് മാര്‍ഗമെത്താന്‍ ഒരു മണിക്കൂറിലേറെ വേണം. കണ്ണൂര്‍ നഗരത്തില്‍നിന്ന് കണ്ണൂര്‍ വിമാനത്താവളത്തിലെത്താനും ഒരു മണിക്കൂറെങ്കിലും വേണം. നെടുമ്പാശേരിയില്‍ പുതിയ സ്റ്റോപ്പ് അനുവദിച്ചതോടെ നെടുമ്പാശേരിയില്‍ സാധ്യത കൂടും. കേരള റെയില്‍ ഡെവലപ്‌മെന്റ് കോര്‍പ്പറേഷന്‍ (കെ റെയില്‍) പദ്ധതി അവതരിപ്പിക്കുമ്പോൾ നെടുമ്പാശേരിയില്‍ സ്റ്റേഷന്‍ ഉണ്ടായിരുന്നില്ല. എന്നാല്‍ പിന്നീട് സാധ്യത തിരിച്ചറിഞ്ഞ് ഇത് കൂടി ഉള്‍പ്പെടുത്തുകയായിരുന്നു. തിരുവനന്തപുരം മുതല്‍ തിരൂര്‍വരെ ഇപ്പോഴത്തെ റെയില്‍പാതയില്‍നിന്ന് മാറിയും തുടര്‍ന്ന് കാസര്‍കോടുവരെ ഇപ്പോഴത്തെ പാതയ്ക്ക് സമാന്തരവുമായിട്ടാണ് പാത നിര്‍മ്മിക്കുന്നത്. 530.6 കിലോമീറ്റര്‍ നാലുമണിക്കൂര്‍ കൊണ്ട് പിന്നിടാനാകുമെന്നാണ് കെ റെയിലിന്റെ അവകാശവാദം.*
*ഈ വര്‍ഷം പണിതുടങ്ങി അഞ്ചുവര്‍ഷം കൊണ്ട് പൂര്‍ത്തിയാക്കാനാണ് ലക്ഷ്യമിടുന്നത്. എന്നാല്‍, ഇതിന് കേന്ദ്രസര്‍ക്കാരിന്റെയും നീതി ആയോഗിന്റെയും അനുമതി ലഭിക്കേണ്ടതുണ്ട്. സംസ്ഥാനത്തിന്റെ സ്വപ്നപദ്ധതിയായ അര്‍ധ അതിവേഗ റെയില്‍പാതയായ സില്‍വര്‍ ലൈനിന്റെ വിശദമായ പദ്ധതി റിപ്പോര്‍ട്ട് (ഡിപിആര്‍) കേരള റെയില്‍ ഡെവലപ്‌മെന്റ് കോര്‍പറേഷന്‍ (കെ -റെയില്‍) ബോര്‍ഡ് യോഗം അംഗീകരിച്ചിരുന്നു. സാധ്യതാ പഠനറിപ്പോര്‍ട്ടിലെ അലൈന്മെന്റില്‍ നേരിയ മാറ്റങ്ങളുണ്ട്. തിരുവനന്തപുരം മുതല്‍ തിരൂര്‍ വരെ ഇപ്പോഴത്തെ റെയില്‍പാതയില്‍ നിന്ന് മാറിയും തുടര്‍ന്ന് കാസര്‍കോടുവരെ ഇപ്പോഴത്തെ പാതയ്ക്ക് സമാന്തരവുമായിട്ടാണ് സില്‍വര്‍ ലൈന്‍ നിര്‍മ്മിക്കുക.*
*ഡിപിആര്‍ പ്രകാരം പുതുക്കിയ പദ്ധതിച്ചെലവ് 63,941 കോടി രൂപയാണ്. സാധ്യതാ പഠന റിപ്പോര്‍ട്ടിലുണ്ടായിരുന്നതിനേക്കാള്‍ 2000 കോടി രൂപ കുറവാണിത്. ഡിപിആര്‍ സംസ്ഥാന സര്‍ക്കാരിനും റെയില്‍വേ മന്ത്രാലയത്തിനും സമര്‍പ്പിക്കും. പദ്ധതിക്ക് നിതി ആയോഗ്, കേന്ദ്ര മന്ത്രിസഭ എന്നിവയുടെ അനുമതി വാങ്ങണം. രണ്ട് പുതിയ റെയില്‍വേ ലൈനുകള്‍ ചേര്‍ത്ത് ഹരിത ഇടനാഴിയായി നിര്‍മ്മിക്കുന്ന പാതയിലൂടെ മണിക്കൂറില്‍ 200 കിലോമീറ്റര്‍ വേഗത്തില്‍ ട്രെയിനുകള്‍ക്ക് സഞ്ചരിക്കാം. പൈതൃക സ്ഥാപനങ്ങളെയും ആരാധനാലയങ്ങളെയും ഒഴിവാക്കാന്‍ അലൈന്മെന്റില്‍ 10 മുതല്‍ 50 മീറ്റര്‍വരെ മാറ്റം വരുത്തി. തിരുവനന്തപുരത്തുനിന്ന് 11 ജില്ലയിലൂടെ 530.6 കിലോമീറ്റര്‍ നാലു മണിക്കൂര്‍കൊണ്ട് പിന്നിട്ട് കാസര്‍കോട്ടെത്തും.*
*പാരീസിലെ സിസ്ട്ര ജിസി-യാണ് കെ- റെയിലിനുവേണ്ടി ഡിപിആര്‍ തയ്യാറാക്കിയത്. സംസ്ഥാന സര്‍ക്കാരും ഇന്ത്യന്‍ റെയില്‍വേയും ചേര്‍ന്ന് രൂപം നല്‍കിയതാണ് കെ -റെയില്‍. എയര്‍ക്രാഫ്റ്റ് ഉപയോഗിച്ചുള്ള ലൈഡാര്‍ സര്‍വേ, പലതരത്തിലുള്ള മലിനീകരണത്തിന്റെ തോത് അടിസ്ഥാനപ്പെടുത്തിയുള്ള പരിസ്ഥിതി ആഘാത പഠനം, ശാസ്ത്രീയമായ മണ്ണു പഠനം, രാത്രിയാത്ര, വിനോദസഞ്ചാരം തുടങ്ങിയവ ഉള്‍പ്പെടുത്തിയുള്ള ഗതാഗത സര്‍വേ എന്നിവയ്ക്കുശേഷമാണ് ഡിപിആര്‍ തയ്യാറാക്കിയത്. സംസ്ഥാനത്തിന്റെ മൊത്തത്തിലുള്ള വളര്‍ച്ചയെ ത്വരിതപ്പെടുത്തുന്ന തരത്തിലായിരിക്കും പദ്ധതി നടപ്പാക്കുന്നതെന്ന് കെ -റെയില്‍ എംഡി വി അജിത് കുമാര്‍ പറഞ്ഞു*

🅾️ *കക്കൂസ് നിര്‍മ്മിക്കാനായി വീടിന് സമീപം എടുത്ത കുഴി ഉപയോഗ ശൂന്യമായപ്പോള്‍ മാലിന്യം കത്തിക്കുന്ന ഇടമാക്കി. മൂടാതെ കിടന്ന കുഴിയില്‍ നിന്നും നഷ്ടമായത് ജീവത്തിന്റെ വലിയ സമ്പാദ്യത്തെ. കാസര്‍കോട് നെല്ലിക്കട്ട ബിലാല്‍ നഗറിലെ എ.പി.താജുദ്ദീന്‍ നിസാമിയുടെയും തായിബയുടെയും മകള്‍ ഫാത്തിമ (7) ആണ് കഴിഞ്ഞ ദിവസം മാലിന്യക്കുഴിയില്‍ തീയിട്ടപ്പോള്‍ തീയിലേക്ക് വീണ് മരിച്ചത്. ബുധനാഴ്ച വൈകിക്കോടെയായിരുന്നു സംഭവം. മാലിന്യം തള്ളാന്‍ നിര്‍മ്മിച്ച കുഴി മൂടിയിരുന്നില്ല. ഇതില്‍ നിറയെ കാട് വളര്‍ന്നു കിടക്കുകയായിരുന്നു. വീടിന് മുറ്റത്ത് കളിച്ചുകൊണ്ടിരിക്കുമ്പോഴാണ്‌ ഈ കാടിനു തീയിടാനാണു സഹോദരങ്ങളായ മുഹമ്മദ് ഹഷീറിനും(13), അബ്ദുല്ല(9)യ്ക്കുമൊപ്പം ഫാത്തിമയും കുഴിയിലിറങ്ങിയത്.പത്തടി താഴ്ചയുള്ള കുഴിയിലിറങ്ങിയ കുട്ടികള്‍ കാടിനു തീയിട്ടതാണെന്നാണു സൂചന. മുറ്റത്തു കളിച്ചുകൊണ്ടിരിക്കെ കുഴിയില്‍ പലക ചാരി വച്ചിരുന്നു. അതിലൂടെയാകാം കുട്ടികള്‍ ഇറങ്ങിയതെന്നു കരുതപ്പെടുന്നത്. തീ പടര്‍ന്നപ്പോള്‍ കുട്ടികള്‍ക്കു മുകളിലേക്കു കയറാന്‍ സാധിച്ചില്ല. കുട്ടികളുടെ നിലവിളി കേട്ടെത്തിയ ഉമ്മയും മറ്റു സഹോദരങ്ങളും ചേര്‍ന്നു വെള്ളമൊഴിച്ചു തീ കെടുത്തിയ ശേഷം 3 കുട്ടികളെയും പുറത്തെടുത്ത് ആശുപത്രിയിലെത്തിച്ചു ഗുരുതരമായി പൊള്ളലേറ്റ ഹഷീറും അബ്ദുല്ലയും കോഴിക്കോട് സ്വകാര്യാശുപത്രിയില്‍ ചികിത്സയിലാണ്.*

🅾️ *പ്രവാസികളെ നാട്ടിലെത്തിക്കില്ല എന്ന് കേന്ദ്ര വിദേശകാര്യസഹമന്ത്രി വി.മുരളീധരന്‍ പ്രസ്താവിച്ചതായി വ്യാജവാര്‍ത്ത കൊടുത്തുവെന്ന് ആരോപിച്ച്‌ ഏഷ്യാനെറ്റ് ന്യൂസിനെതിരെ പരാതി. കോവിഡ് പ്രതിസന്ധി കാലത്ത് ഏഷ്യാനെറ്റ് ന്യൂസ് വ്യാജ വാര്‍ത്ത കൊടുത്തുവെന്നാണ് ഇന്‍ഫൊര്‍മേഷന്‍ ആന്‍ഡ് ബ്രോഡ്കാസ്റ്റിങ് മന്ത്രാലയത്തിനും ആഭ്യന്തര മന്ത്രാലയത്തിനും നല്‍കിയ പരാതിയില്‍ പറയുന്നത്. പ്രവാസികളെ നാട്ടിലെത്തിക്കില്ല എന്ന് താന്‍ പറഞ്ഞിട്ടില്ലെന്നും താന്‍ ക്വാറന്റീന്‍ കേന്ദ്രങ്ങള്‍ ഉറപ്പാക്കാതെ പ്രവാസികളെ നാട്ടില്‍ എത്തിക്കാന്‍ ആവില്ലെന്നാണ് പറഞ്ഞതെന്നും വി.മുരളീധരന്‍ വ്യക്തമാക്കിയിരുന്നു. ‘ഏഷ്യാനെറ്റ് ന്യൂസിന്റെ കണ്ടെത്തല്‍ പ്രവാസികളെ നാട്ടിലെത്തിക്കില്ല എന്ന് ഞാന്‍ പറഞ്ഞെന്നാണ്..ഞാന്‍ എഴുതാത്ത കാര്യം ബ്രേക്കിങ് ന്യൂസ് ആക്കി തെറ്റിദ്ധരിപ്പിക്കുന്നതാണോ നിങ്ങള്‍ പഠിച്ച മാധ്യമ ധര്‍മ്മം?- മുരളീധരന്‍ ട്വീറ്റ് ചെയ്തു.*

🅾️ *തിരുവനന്തപുരം കല്ലമ്പലം സ്വദേശി ശ്രീകുമാറിന്റെ ഹൃദയം ഇനി അതിരമ്ബുഴ തെള്ളകം കൊറ്റിയാത്ത് കെസി ജോസിന് പുതുജീവനേകും. ലോക്ക് ഡൗണില്‍ കഴിഞ്ഞ് ജനങ്ങള്‍ കൊറോണയില്‍ നിന്നും അതീജിവിക്കാന്‍ ശ്രമിക്കുമ്ബോള്‍ കേരളം മറ്റൊരു ഹൃദയമാറ്റ ശസ്ത്രക്രിയയ്ക്കുകൂടി സാക്ഷ്യം വഹിച്ചിരിക്കുകയാണ്. ഇനിയും ജീവിക്കണമെങ്കില്‍ ഹൃദയം മാറ്റിവെയ്ക്കുക എന്നല്ലാതെ വേറെ വഴിയൊന്നുമില്ലെന്ന് ഡോക്ടര്‍മാര്‍ പറഞ്ഞതോടെ മൃതസഞ്ജീവനി പദ്ധതിയില്‍ പേരും രജിസ്റ്റര്‍ ചെയ്ത് മറ്റൊരു ഹൃദയത്തിനായി കാത്തിരിക്കുകയായിരുന്നു തടിപ്പണിക്കാരനായ ജോസ്. ഒരുവര്‍ഷം മുമ്പാണ്‌ ഹൃദയാഘാതത്തെത്തുടര്‍ന്ന് ജോസ് കോട്ടയം മെഡിക്കല്‍ കോളേജില്‍ ചികിത്സ തേടിയത്.കല്ലമ്പലം സ്വദേശിയായ ശ്രീകുമാറിന്റെ ഹൃദയമായിരുന്നു ജോസിനു വേണ്ടി തുടിച്ചത്.കല്ലമ്പലത്തിനടുത്ത് ബൈക്കപകടത്തില്‍ പരിക്കേറ്റ് കിംസ് ആശുപത്രിയില്‍ ചികിത്സയിലായിരുന്ന ശ്രീകുമാറിന് മസ്തിഷ്‌ക മരണം സംഭവിക്കുകയായിരുന്നു. അവയവദാനത്തിന് ഭാര്യ ബേബി ബിന്ദുവും മകന്‍ സ്വാതിനും സമ്മതം നല്കിയതിനെത്തുടര്‍ന്നാണ് ജോസിന്റെ ഹൃദയ ശസ്ത്രക്രിയയ്ക്കായി വഴിതുറന്നത്.കോട്ടയം മെഡിക്കല്‍ കോളേജിലെ ആറാമത്തെ ഹൃദയ മാറ്റ ശസ്ത്രക്രിയയായിരുന്നു ഇത്.*

🅾️ *ലോ​ക്ക്ഡൗ​ണി​ല്‍ ഇ​ള​വു​ക​ള്‍ വ​ന്നാ​ലും സ്വ​കാ​ര്യ ബ​സു​ക​ള്‍ സം​സ്ഥാ​ന​ത്ത് സ​ര്‍​വീ​സ് ന​ട​ത്തി​ല്ല. നി​യ​ന്ത്ര​ണ​ങ്ങ​ളോ​ടെ സ​ര്‍​വീ​സ് ന​ട​ത്താ​നാ​കി​ല്ലെ​ന്ന് സ്വ​കാ​ര്യ ബ​സ് ഉ​ട​മ​ക​ള്‍ അ​റി​യി​ച്ചു.. യാ​ത്ര​ക്കാ​രെ ക​യ​റ്റു​ന്ന​തി​ലെ നി​യ​ന്ത്ര​ണം വ​ന്‍ സാമ്പത്തിക ന​ഷ്ട​മു​ണ്ടാ​ക്കും. സ​ര്‍​വീ​സ് ന​ട​ത്ത​ണ​മെ​ങ്കി​ല്‍ സ​ര്‍​ക്കാ​ര്‍ സ​ഹാ​യം ല​ഭി​ക്ക​ണം. തൊ​ഴി​ലാ​ളി​ക​ളു​ടെ കൂ​ലി സ​ര്‍​ക്കാ​ര്‍ കൊ​ടു​ക്ക​ണ​മെ​ന്നും ബ​സ് ഉ​ട​മ​ക​ള്‍ പ​റ​ഞ്ഞു. കോ​ട്ട​യ​വും ഇ​ടു​ക്കി​യും ഉ​ള്‍​പ്പെ​ടു​ന്ന ഗ്രീ​ന്‍​സോ​ണി​ല്‍ സ്വ​കാ​ര്യ​വാ​ഹ​ന​ങ്ങ​ള്‍​ക്കും ന​ഗ​ര​പ്ര​ദേ​ശ​ങ്ങ​ളി​ലെ ബ​സു​ക​ള്‍​ക്കും നി​യ​ന്ത്ര​ണ​ങ്ങ​ളോ​ടെ അ​നു​മ​തി ന​ല്‍​കാ​മെ​ന്ന് ക​ഴി​ഞ്ഞ ദി​വ​സം സ​ര്‍​ക്കാ​ര്‍ അ​റി​യി​ച്ചി​രു​ന്നു.*

🅾️ *കോവിഡിനിഡയിലും സംസ്ഥാനത്ത് പൊതുമരാമത്ത് പ്രവൃത്തികള്‍ ഉടന്‍ പൂര്‍ണമായി പുനരാരംഭിക്കുമെന്ന് മന്ത്രി ജി.സുധാകരന്‍. വൈറ്റില മേല്‍പാലത്തിന്റെ ജോലികള്‍ പുനരാരംഭിക്കും. ജിയോളജി വകുപ്പിന്റെ അനുമതി ഉടന്‍ ലഭ്യമാകുമെന്നും മന്ത്രി പറഞ്ഞു. നിര്‍മ്മാണ സാമഗ്രികള്‍ എത്തിക്കാന്‍ കഴിയാത്തത് കാരണം പാലത്തിന്റെ നിര്‍മാണം പ്രതിസന്ധിയിലായിരുന്നു. നിര്‍മ്മാണ പ്രവര്‍ത്തനങ്ങള്‍ക്കായുള്ള മാര്‍ഗനിര്‍ദേശങ്ങള്‍ കൊണ്ടുവരുമെന്നും അത് പാലിക്കുന്നുവെന്ന് ഉറപ്പുവരുത്തുമെന്നും മന്ത്രി പറഞ്ഞു.*

🅾️ *കോട്ടയം കുമാരനെല്ലൂര്‍ മങ്ങാട്ട്‌ഇല്ലത്ത് ഇരവി നാരായണഭട്ടതിരി അന്തരിച്ചു. മൂപ്പുമുറ കാരണവര്‍ സ്ഥാനമനുസരിച്ച്‌ കഴിഞ്ഞ 21 വര്‍ഷമായി ആറന്മുള പാര്‍ത്ഥസാരഥി ക്ഷേത്രത്തിലെ തിരുവോണസദ്യക്കുള്ള വിഭവസമര്‍പ്പണം നടത്തിയിരുന്നത് നാരായണ ഭട്ടതിരിയാണ്. തിരുവോണത്തോണിയില്‍ ഓണവിഭവങ്ങള്‍ കാട്ടൂരില്‍ നിന്നും ആറന്മുള ക്ഷേത്രത്തില്‍ എത്തിച്ചിരുന്നത്. സംസ്‌കാരം ഇന്ന് 11 മണിക്ക് വീട്ടു വളപ്പില്‍. പാര്‍ഥസാരഥി ഭഗവാന്റെ അഭീഷ്ടാനുസരണം ആയിരുന്നുആറന്മുള ദേശവഴിയില്‍പ്പെട്ട കാട്ടൂരില്‍ താമസക്കാരായിരുന്ന മങ്ങാട്ടു ഭട്ടതിരി കുടുംബം നൂറ്റാണ്ടുകള്‍ക്ക് മുന്‍പ് കുമാരനല്ലൂരില്‍ കുടിയേറിയതെന്നാണ് വിശ്വാസം.*

🅾️ *ഹൈക്കോടതിയിലും സുപ്രീംകോടതിയിലും സംസ്‌ഥാന സര്‍ക്കാരിനുവേണ്ടി ഹാജരായതിനു ഇടതു സര്‍ക്കാര്‍ അധികാരത്തില്‍ വന്നതിനുശേഷം വിവിധ അഭിഭാഷകര്‍ക്കായി നല്‍കിയത്‌ പത്തുകോടി രൂപ.സുപ്രീംകോടതിയില്‍ ഹാജരായതിനു ഏറ്റവും കൂടുതല്‍ തുക സംസ്‌ഥാനം നല്‍കിയത്‌ അഡ്വ. ജയദീപ്‌ ഗുപ്‌തയ്‌ക്കാണ്‌, 2,58,74,823 രൂപ. അഡ്വ. വി. ഗിരിയാണു രണ്ടാം സ്‌ഥാനത്തുള്ളത്‌. കൈപ്പറ്റിയത്‌ 2,42,35,000 രൂപ. അഡ്വ. മുകുള്‍ റോത്തഗിക്ക്‌ നല്‍കിയത്‌ 1.04. കോടി. ഹൈക്കോടതിയില്‍ ഹാജരാകാന്‍ അഡ്വ. രഞ്‌ജിത്‌ കുമാറിന്‌ നല്‍കിയത്‌ 1.45 കോടി. ഇദ്ദേഹത്തിനു സുപ്രീംകോടതിയില്‍ ഹാജരാകാന്‍ 63.8 ലക്ഷവും നല്‍കി. ഹൈക്കോടതിയില്‍ ഹാജരായതിനു വിജയ്‌ ഹന്‍സാരിയയ്‌ക്ക്‌ 12.2 ലക്ഷവും നല്‍കി. സംസ്‌ഥാനത്തിനുവേണ്ടി സുപ്രീംകോടതിയില്‍ ഹാജരായ അഭിഭാഷകരുടെ പേരും നല്‍കിയ തുകയും (ലക്ഷത്തില്‍) ബ്രാക്കറ്റില്‍.കെ.കെ. വേണുഗോപാല്‍ (51.3), ആര്‍. ബസന്ത്‌(11.01), കെ. രാധാകൃഷ്‌ണന്‍(6.05), സി.എസ്‌. രാജന്‍(1.65), പി.വി. സുരേന്ദ്രനാഥ്‌(8.25), പരംജിത്‌ സിംഗ്‌ പട്വാലിയ(10.5), കെ.എന്‍. ബാലഗോപാല്‍(50.6), സി. ഹരിശങ്കര്‍(2.2), പല്ലവ്‌ ശിശോധിയ (46.2), ഹരിന്‍ പി. റാവല്‍(35.2), പി.എസ്‌. നരസിംഹ (33), പിങ്കി ആനന്ദ്‌ (3.3), കെ.വി. വിശ്വനാഥന്‍ (37.7), തോമസ്‌ പി. ജോസഫ്‌ (3), ചന്ദര്‍ ഉദഗ്‌സിങ്‌ (13), വിജയ്‌ ഹന്‍സാരിയ (8.8), കെ.ടി.എസ്‌. തുള്‍സി (5.5 ലക്ഷം). മേല്‍പ്പറഞ്ഞ എല്ലാ അഭിഭാഷകരും സര്‍ക്കാര്‍ പാനലിലുള്ളവരാണ്‌.*

🅾️ *മുഖ്യമന്ത്രിയുടെ കോവിഡ്‌ ദുരിതാശ്വാസ നിധിയിലേക്ക്‌ 20 ദിനം കൊണ്ട്‌ എത്തിയത്‌ 141 കോടി രൂപ . മുക്കാൽ പങ്കും കോർപ്പറേറ്റ്‌ സംഭാവനയാണ്‌. . എന്നാൽ. 350 കോടി രൂപ ഇത്‌ വരെ കോവിഡ്‌ പ്രവർത്തനങ്ങൾക്കായി ചിലവഴിച്ചു*

*🇮🇳 ദേശീയം 🇮🇳*
————————->>>>>>>

🅾️ *രാജ്യത്ത് ലോക്ക്ഡൗണിന്റെ ഭാഗമായി നിര്‍ത്തിവെച്ച ദേശീയ പാതകളിലെ ടോള്‍ പിരിവ് ഏപ്രില്‍ 20 മുതല്‍ പുനരാരംഭിക്കാന്‍ ദേശീയ പാത അതോറിറ്റിയുടെ തീരുമാനം. ലോക്ഡൗണ്‍ മേയ് മൂന്നുവരെ നടപ്പാക്കുന്നുണ്ടെങ്കിലും തിങ്കളാഴ്ച മുതല്‍ ടോള്‍ പിരിവ് വീണ്ടും തുടങ്ങാനുള്ള നടപടികള്‍ സ്വീകരിച്ചു തുടങ്ങിയതാണ് വിവരം. ദേശീയ പാത അതോറിറ്റി നേരിടുന്ന സാമ്പത്തിക പ്രതിസന്ധി മറികടക്കാനാണ് ടോള്‍ പിരിവ് പുനരാരംഭിക്കുന്നതെന്നാണ് വിവരം. രാജ്യത്ത് കോവിഡ് വ്യാപനം തടയുന്നതിന്റെ ഭാഗമായാണ് ദേശീയപാതകളിലെ ടോള്‍ പിരിവ് നിര്‍ത്തിവെച്ചത്.*

🅾️ *കേന്ദ്ര ആരോഗ്യ മന്ത്രാലയത്തിന്റെ പുതിയ കണക്ക് പ്രകാരം രാജ്യത്ത് 13,835 പേര്‍ക്കാണ് ഇതുവരെ കൊവിഡ് 19 സ്ഥിരീകരിച്ചിട്ടുള്ളത്. കഴിഞ്ഞ 24 മണിക്കൂറിനുള്ളില്‍ 32 പേരാണ് കൊവിഡ് ബാധിച്ച്‌ മരിച്ചത്. ഇതോടെ, കൊവിഡ് ബാധിച്ച്‌ മരിച്ചവരുടെ എണ്ണം 452 ആയി ഉയര്‍ന്നു. 24 മണിക്കൂറിനുള്ളില്‍ 1076 പേരാണ് രാജ്യത്ത് പുതുതായി കൊവിഡ് ബാധിച്ചത്. നിലവില്‍ 11,616 പേരാണ് ചികിത്സയില്‍ ഉള്ളത്. രോഗം ഏറ്റവും കൂടുതല്‍ ബാധിച്ച മഹാരാഷ്ട്രയില്‍ രോഗികളുടെ എണ്ണം 3205 ആയി. 194 പേര്‍ മരിച്ചു. ഡല്‍ഹിയില്‍ 1640 ആണ് രോഗം ബാധിച്ചവരുടെ എണ്ണം. മധ്യപ്രദേശില്‍ 1308, തമിഴ്‌നാട്ടില്‍ 1267, രാജസ്ഥാനില്‍ 1131, എന്നിങ്ങനെയാണ് ഉത്തരേന്ത്യന്‍ സംസ്ഥാനങ്ങളിലെ കണക്ക്.*

🅾️ *മുംബൈ പശ്ചിമ നാവിക കമാന്‍ഡിലെ ഐഎന്‍എസ് ആംഗ്‌റെയിലെ 15 ഉദ്യോഗസ്ഥര്‍ക്ക് കൊവിഡ് 19 സ്ഥിരീകരിച്ചു. രോഗ ബാധിതരെ മുംബൈയിലെ നേവല്‍ ആശുപത്രിയിലെ ഐസോലേഷനിലേയ്ക്ക് മാറ്റി. ഇതാദ്യമായാണ് നാവികസേനയില്‍ കൊവിഡ് സ്ഥിരീകരിക്കുന്നത്.*

🅾️ *ലോക്ക്ഡൗണിനിടയില്‍ പൊലീസ് വാനില്‍ ആശുപത്രിയിലേക്ക് പോകുന്നതിന് ഇടയില്‍ പ്രസവിച്ച്‌ യുവതി.*
*ഡല്‍ഹി സ്വദേശിയായ മിനി കുമാറാണ് പൊലീസ് വാനില്‍ പ്രസവിച്ചത്.* *സഹോദരിക്കും ഭര്‍ത്താവിനുമൊപ്പം ആശുപത്രിയിലേക്ക് പോകാനായി തിരിച്ച മിനിക്ക് വേദന അധികമായിട്ടും ആംബുലന്‍സ് എത്തിയില്ല. ഇതോടെയാണ് മിനിയുടെ ഭര്‍ത്താവിന്റെ സഹോദരി പൊലീസ് സഹോയം തേടിയത്. എന്നാല്‍ ആ സമയത്ത് മറ്റ് സംവിധാനങ്ങള്‍ കാത്ത് നില്‍ക്കാന്‍ പറ്റാത്ത സമയമായിരുന്നതിനാലാണ് യുവതിയെ പൊലീസ് വാഹനത്തില്‍ കയറ്റി ഓഫീസിലേക്ക് തിരിച്ചതെന്നാണ് ഡിസിപി പുരോഹിത് വിശദമാക്കുന്നത്. ഇവര്‍ക്കൊപ്പം ഒരു വനിതാ പൊലീസ് ഉദ്യോഗസ്ഥയെയും കൂട്ടിയാണ് ആശുപത്രിയിലേക്ക് അയച്ചത്.പശ്ചിമ ഡല്‍ഹിയില്‍ നിന്ന് ആശുപത്രിയിലേക്ക് പൊലീസ് വാനില്‍ പുറപ്പെട്ട യുവതി ഏകദേശം ഒരുകിലോമീറ്റര്‍ പിന്നിട്ടതോടെ പൊലീസ് വാനില്‍ പ്രസവിക്കുകയായിരുന്നു. യുവതിയുടെ സഹോദരിയും ഒപ്പമുണ്ടായിരുന്ന കോണ്‍സ്റ്റബിളും ചേര്‍ന്ന് കുട്ടിയെ പുറത്തെടുത്തു. വ്യാഴാഴ്ച രാത്രി 9.30ഓടെയാണ് മിനി ആണ്‍കുഞ്ഞിന് ജന്മം കൊടുക്കുന്നത്. ഇതിന് പിന്നാലെ ആശുപത്രിയില്‍ നിന്ന് പൊലീസുകാര്‍ മറ്റൊരു വാഹനത്തില്‍ ആരോഗ്യ പ്രവര്‍ത്തകരെ ഇവരുടെ അടുത്തേക്ക് എത്തിക്കുകയും ചെയ്തു. പ്രഥമ ശ്രുശ്രൂഷകള്‍ക്ക് ശേഷം യുവതിയെ ആശുപത്രിയിലേക്ക് മാറ്റി.*

🅾️ *രാജസ്ഥാനില്‍ പട്രോളിങ്ങ് നടത്തുകയായിരുന്ന പൊലീസുകാരെ നാട്ടുകാര്‍ മര്‍ദ്ദിച്ചു. ആക്രമണത്തില്‍ മൂന്ന് പൊലീസുകാര്‍ക്ക് പരിക്കേറ്റു. സംഭവത്തെ രാജസ്ഥാന്‍ ഉപമുഖ്യമന്ത്രി സച്ചിന്‍ പൈലറ്റ് അപലപിച്ചു. രാജസ്ഥാനിലെ ടോങ്കില്‍ രാവിലെ പത്ത് മണിയോടെയാണ് സംഭവം. കര്‍ഫ്യൂ പ്രഖ്യാപിച്ചിട്ടുള്ള ടോങ്കില്‍ പട്രോളിങ്ങ് നടത്തുകയായിരുന്നു പൊലീസ്.*

🅾️ *കൊവിഡ് നിയന്ത്രണ വിധേയമാക്കുന്നതില്‍ കേരളത്തിന്റെ മാതൃക അനുകരണീയമെന്ന് കേന്ദ്ര ആരോഗ്യമന്ത്രാലയം ജോയിന്റ് സെക്രട്ടറി ലാവ് അഗര്‍വാള്‍. കേരളം നടപ്പിലാക്കിയ മാതൃക ഉത്തമ ഉദാഹരണമാണെന്ന് അദ്ദേഹം വ്യക്തമാക്കി.*

🅾️ *ഇന്ത്യയിലെ വാഹന നിരയെ ബിഎസ്-6 നിലവാരത്തിലേക്ക് മാറ്റുന്നതിന്റെ ഭാഗമായി ഹോണ്ടയുടെ പ്രീമിയം സെഡാന്‍ മോഡലായ ജാസിന്റെ മുഖം മിനുക്കിയ പതിപ്പും നിരത്തുകളിലെത്താനൊരുങ്ങുന്നു. ഇപ്പോഴിതാ ഹോണ്ട ജാസിന്റെ വരവറിയിക്കുന്ന ടീസര്‍ ഔദ്യോഗിക വെബ്‌സൈറ്റിലൂടെ നിര്‍മാതാക്കള്‍ പുറത്തുവിട്ടിരിക്കുകയാണ്. ലോക്ക്ഡൗണ്‍ കഴിഞ്ഞാലുടന്‍ ഈ വാഹനം ഷോറൂമുകളില്‍ എത്തിത്തുടങ്ങുമെന്നാണ് സൂചന.*

🅾️ *കൊവിഡ് 19 വ്യാപനം തടയുന്നതിന്റെ ഭാഗമായി പാന്‍, പുകയില, കൈനി, ഗുഡ്ക്ക തുടങ്ങിയവ ചവച്ച്‌ പൊതുസ്ഥലങ്ങളില്‍ തുപ്പുന്നവരെ കണ്ടെത്തി പിഴ ഈടാക്കാനൊരുങ്ങി ഡല്‍ഹി കോര്‍പ്പറേഷന്‍. പിടകൂടുന്നവരില്‍ നിന്ന് 2000 രൂപവരെ പിഴ ഈടാക്കാനാണ് കോര്‍പ്പറേഷന്റെ തീരുമാനം. കോര്‍പ്പറേഷനിലെ എക്‌സിക്യുട്ടീവ് വിങ് ആണ് പിഴ പത്ത് മടങ്ങായി വര്‍ധിപ്പിക്കാന്‍ നിര്‍ദ്ദേശിച്ചതെന്ന് സ്റ്റാന്‍ഡിങ് കമ്മിറ്റി ചെയര്‍മാന്‍ ഭൂപേന്ദ്ര ഗുപ്ത അറിയിച്ചു. ചില കേസുകളില്‍ പൊതുസ്ഥലങ്ങളില്‍ തുപ്പുന്നവരില്‍നിന്ന് പിഴ ഈടാക്കുക മാത്രമല്ല അവര്‍ക്കെതിരെ പൊലീസ് കേസ് രജിസ്റ്റര്‍ ചെയ്യുമെന്നും അദ്ദേഹം കൂട്ടിച്ചേര്‍ത്തു. അതേസമയം, കഴിഞ്ഞ ദിവസം പൊതുസ്ഥലത്ത് തുപ്പിയ രണ്ട് പേരെ രാജസ്ഥാനില്‍ അറസ്റ്റ് ചെയ്തിരുന്നു.*

🅾️ *കര്‍ണാടകയിലെ കൊവിഡ് 19 ഹോട്ട്‌സ്‌പോട്ടായ കല്‍ബുറഗിയില്‍ ലോക്ക്ഡൗണ്‍ ലംഘിച്ച്‌ രഥോത്സവം നടത്തിയ സംഭവത്തില്‍ രണ്ട് ഉദ്യോഗസ്ഥര്‍ക്ക് സസ്‌പെന്‍ഷന്‍. സെക്ടറല്‍ മജിസ്‌ട്രേറ്റിനും ക്ഷേത്രത്തിന് സമീപമുള്ള വാഡി പൊലീസ് സ്റ്റേഷനിലെ സബ്‌ഇന്‍സ്‌പെക്ടറിനും എതിരെയാണ് സസ്‌പെന്‍ഷന്‍ നടപടി. വിലക്കുകള്‍ ലംഘിച്ച്‌ ആളുകള്‍ ഒന്നിച്ച്‌ കൂടുന്നത് തടയാന്‍ പരാജയപ്പെട്ടതിനെ തുടര്‍ന്നാണ് നടപടി. ഇന്നലെ രാവിലെ 6.30യോടെയാണ് ഉത്സവം നടത്തിയത്. ഉത്സവം നടത്തിപ്പുമായി ബന്ധപ്പെട്ട് ശിക്ഷാ നിയമം 143, 188, 269, 149 എന്നിവ അനുസരിച്ച്‌ ഉത്സവത്തില്‍ പങ്കെടുത്ത കണ്ടാലറിയാവുന്ന 20 പേര്‍ക്കെതിരെ കേസെടുത്തിരുന്നു. രണ്ട് ദിവസം മുന്‍പ് പൊലീസ് ഉദ്യോഗസ്ഥരുമായി നടന്ന യോഗത്തില്‍ ഉത്സവം നടത്തുന്നില്ലെന്നും ചടങ്ങുകള്‍ മാത്രമാണ് നടക്കുകയെന്നുമായിരുന്നു ക്ഷേത്ര അധികാരികള്‍ വ്യക്തമാക്കിയിരുന്നു*

🅾️ *രാജ്യത്ത് ലോക്ക്ഡൗണ്‍ തുടരുന്ന സാഹചര്യത്തില്‍ വിദ്യാലയങ്ങള്‍ അടഞ്ഞുകിടക്കുന്ന സാഹചര്യത്തില്‍ വിദ്യാര്‍ഥികള്‍ക്കായി പ്രാദേശിക ചാനലുകളിലൂടെ വെര്‍ച്വല്‍ ക്ലാസ്സുകള്‍ നടത്താനൊരുങ്ങി ദൂരദര്‍ശനും ഓള്‍ ഇന്ത്യ റേഡിയോയും.*
*ലോക്ക്ഡൗണിനെത്തുടര്‍ന്ന് രാജ്യത്തെ എല്ലാ സ്‌കൂളുകളും വിദ്യാഭ്യാസ് സ്ഥാപനങ്ങളും അടഞ്ഞു കിടക്കുകയാണ്. പ്രൈമറി, അപ്പര്‍ പ്രൈമറി, ഹൈസ്‌കൂള്‍ തല വിദ്യാര്‍ഥികള്‍ക്ക് കരിക്കുലം അടിസ്ഥാനപ്പെടുത്തിയാണ് ക്ലാസ്സുകള്‍ തയ്യാറാക്കിയത്. 10,12 ക്ലാസ്സുകളിലെ വിദ്യാര്‍ഥികളെ വാര്‍ഷിക പരീക്ഷയ്ക്കും വിവിധ പ്രവേശന പരീക്ഷകള്‍ക്കും സജ്ജരാക്കാനുള്ള ക്ലാസ്സുകളും ഇതുവഴി നടത്തും. ബന്ധപ്പെട്ട വിഷയത്തില്‍ വിദഗ്ധര്‍ നടത്തുന്ന ക്വിസ്സ്, പഠന സെഷനുകളും ഇത്തരത്തില്‍ നടത്തുമെന്ന് ദൂരദര്‍ശനും എഐആറും അറിയിച്ചു.*

🅾️ *ലോക്ക് ഡൗണ്‍ മുലം തകിടം മറിഞ്ഞ വിമാനയാത്രയുടെ ടിക്കറ്റ് തുക തിരികെ നല്‍കുന്നതില്‍ ആശങ്ക. ലോക്ഡൗണ്‍ ആരംഭിച്ച മാര്‍ച്ച്‌ 25 മുതല്‍ ടിക്കറ്റ് ബുക്ക് ചെയ്തവര്‍ക്കു മുഴുവന്‍ തുകയും തിരികെ നല്‍കാന്‍ വിമാനകമ്പനികള്‍ക്കു നിര്‍ദ്ദേശം നല്‍കിയ കേന്ദ്ര വ്യോമയാന മന്ത്രാലയം അതിനു മുന്‍പുള്ള ബുക്കിങ്ങിന്റെ കാര്യത്തില്‍ മൗനം പാലിച്ചതാണ് ആശയക്കുഴപ്പം സൃഷ്ടിച്ചിരിക്കുന്നത്. ഇത് മുന്‍കൂട്ടി ബുക്കിങ് ചെയ്ത് കാത്തിരുന്ന യാക്രികരെയാണ് പ്രതിസന്ധിയിലാക്കായിരിക്കുന്നത്. മാര്‍ച്ച്‌ 25 മുതല്‍ മെയ്‌ 3 വരെ ലോക്ഡൗണ്‍ കാലയളവിലെ ആഭ്യന്തര, വിദേശ യാത്രകള്‍ക്കാണ് റീഫണ്ട് ലഭിക്കുക. എന്നാല്‍, ഈ ദിവസങ്ങളിലെ യാത്രയ്ക്കായി ഒട്ടേറെപ്പേര്‍ ബുക്ക് ചെയ്തത് മാര്‍ച്ച്‌ 25നു മുന്‍പാണെന്നതിനാല്‍, റീഫണ്ട് നിര്‍ദ്ദേശം ഗുണം ചെയ്യില്ലെന്ന ആക്ഷേപം ശക്തമാണ്.*

🅾️ *രാജ്യത്ത് ലോക്ക് ഡൗണ്‍ നാലാഴ്ച പിന്നിടുമ്പോഴും പിടിച്ചുകെട്ടാനാകാതെ കോവിഡ് കോസുകള്‍. വെള്ളിയാഴ്ച 38 മരണങ്ങള്‍ കൂടി റിപ്പോര്‍ട്ട് ചെയ്തതോടെ ഇന്ത്യയില്‍ കോവിഡ് മരണം 482 ആയി. 14,352 കോവിഡ് കേസുകളാണ് ഇതുവരെ റിപ്പോര്‍ട്ട് ചെയ്തത്. 11,825 പേരാണു ചികിത്സയിലുള്ളത്. മഹാരാഷ്ട്രയിലാണ് കൂടുതല്‍ കോവിഡ് മരണമുണ്ടായത്, 194. രാജ്യത്ത് ഏറ്റവുമധികം കോവിഡ് കേസുകള്‍ റിപ്പോര്‍ട്ട് ചെയ്തതും ഇവിടെയാണ്. 3236 പേര്‍ക്ക് രോഗം സ്ഥീരികരിച്ചു.ഇന്ത്യയില്‍ കോവിഡ്-19 മരണസംഖ്യ 452 ആയി. രാജ്യത്തെ മൊത്തം കൊറോണ കേസുകളുടെ എണ്ണം 13,835 ആയി. 11,616 ആക്റ്റീവ് കേസുകളാണ് രാജ്യത്തുള്ളത്. 1766 പേര്‍ക്ക് രോഗം ഭേദമായി.*

🅾️ *മുംബൈ: ധാരാവിയില്‍ കൊവിഡ് 19 വൈറസ് ബാധിതരുടെ എണ്ണം നൂറ് കടന്നു. കഴിഞ്ഞ ദിവസം പുതുതായി പതിനഞ്ച് പേര്‍ക്കാണ് വൈറസ് ബാധ സ്ഥിരീകരിച്ചത്. ഇതോടെ വൈറസ് ബാധിതരുടെ എണ്ണം 101 ആയി ഉയര്‍ന്നു. ഇതുവരെ പത്ത് പേരാണ് ഇവിടെ വൈറസ് ബാധമൂലം മരിച്ചത്. അതേസമയം എട്ട് ലക്ഷത്തിലധികം പേര്‍ തിങ്ങിപ്പാര്‍ക്കുന്ന ഇവിടെ സാമൂഹിക അകലം പാലിക്കുക എന്നത് വളരെ ബുദ്ധിമുട്ടാണെന്നാണ് അധികൃതര്‍ വ്യക്തമാക്കുന്നത്.* *ചേരിയില്‍ വൈറസ് ബാധിതരുടെ എണ്ണം വര്‍ധിക്കുന്നതില്‍ ആരോഗ്യ പ്രവര്‍ത്തകരും ആശങ്കയിലാണ്.* *നിലവില്‍ ധാരാവി ഹോട്ട് സ്‌പോട്ടായി പ്രഖ്യാപിച്ചിരിക്കുകയാണ്.*

🅾️ *പതിനഞ്ച് വര്‍ഷം എംപിയായ മണ്ഡലമായിരുന്ന അമേഠിയിലേക്ക് കൊറോണ പ്രതിസന്ധി കാലത്ത് അഞ്ച് ട്രക്ക് നിറയെ അരിയും സാധനങ്ങളും എത്തിച്ചു നല്‍കി മുന്‍കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. അമേഠിയിലെ ജനങ്ങള്‍ ലോക്ക് ഡൗണ്‍ കാലത്ത് ബുദ്ധിമുട്ട് അനുഭവിക്കുന്നില്ലെന്ന് ഉറപ്പാക്കണമെന്ന് രാഹുല്‍ പറഞ്ഞതായി പാര്‍ട്ടി ജില്ലാ അധ്യക്ഷന്‍ അനില്‍ സിംഗ് പറഞ്ഞു.മുമ്പും രാഹുല്‍ ഒരുകാലത്ത് തന്റെ മണ്ഡലമായിരുന്ന അമേഠിയിലേക്ക് അവശ്യസാധനങ്ങള്‍ എത്തിച്ചുനല്‍കിയിരുന്നു. ലോക്ക് ഡൗണ്‍ പ്രഖ്യാപിച്ചസമയത്ത് ഒരു ട്രക്ക് നിറയെ പയര്‍വര്‍ഗങ്ങള്‍, ഭക്ഷ്യ എണ്ണ, സുഗന്ധവ്യഞ്ജനങ്ങള്‍ എന്നിവ രാഹുല്‍ നേരത്തേ എത്തിച്ചു തന്നതായ് അനില്‍ സിംഗ് വ്യക്തമാക്കി.*

🅾️ *ഉ​ത്ത​ര്‍​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ​തി​രേ വി​മ​ര്‍​ശ​ന​വു​മാ​യി ബി​ഹാ​ര്‍ മു​ഖ്യ​മ​ന്ത്രി നി​തീ​ഷ് കു​മാ​ര്‍ രം​ഗ​ത്ത്. രാ​ജ​സ്ഥാ​നി​ലെ കോ​ട്ട​യി​ല്‍ കു​ടു​ങ്ങി​യ യു​പി​യി​ലെ വി​ദ്യാ​ര്‍​ഥി​ക​ളെ നാ​ട്ടി​ലെ​ത്തി​ക്കാ​ന്‍ ബ​സ് അ​യ​ച്ച​തി​ന് എ​തി​രേ​യാ​ണ് നി​തീ​ഷ് കു​മാ​റി​ന്‍റെ വി​മ​ര്‍​ശ​നം. യോ​ഗി ആ​ദി​ത്യ​നാ​ഥി​ന്‍റെ ന​ട​പ​ടി ദേ​ശീ​യ ലോ​ക്ക്ഡൗ​ണി​ന് എ​തി​രാ​ണെ​ന്ന് നി​തീ​ഷ് കു​മാ​ര്‍ പ​റ​ഞ്ഞു. ഇ​ക്കാ​ര്യ​ത്തി​ല്‍ കേ​ന്ദ്ര സ​ര്‍​ക്കാ​ര്‍ ഇ​ട​പെ​ട​ണ​മെ​ന്ന് ആ​വ​ശ്യ​പ്പെ​ട്ട് കേ​ന്ദ്ര ആ​ഭ്യ​ന്ത​ര​മ​ന്ത്രാ​ല​യ​ത്തി​ന് നി​തീ​ഷ് കു​മാ​ര്‍ ക​ത്ത​യ​യ്ക്കു​ക​യും ചെ​യ്തു.ലോ​ക്ക്ഡൗ​ണി​നെ തു​ട​ര്‍​ന്ന് കോ​ട്ട​യി​ല്‍ കു​ടു​ങ്ങി​പ്പോ​യ വി​ദ്യാ​ര്‍​ഥി​ക​ളെ തി​രി​കെ എ​ത്തി​ക്കാ​ന്‍ ഉ​ത്ത​ര്‍​പ്ര​ദേ​ശ് സ​ര്‍​ക്കാ​ര്‍ മു​ന്നൂ​റോ​ളം ബ​സു​ക​ളാ​ണ് അ​യ​ക്കു​ന്ന​ത്. വി​വി​ധ മ​ത്സ​ര​പ്പ​രീ​ക്ഷ​ക​ള്‍​ക്കു ത​യാ​റെ​ടു​ക്കു​ന്ന വി​ദ്യാ​ര്‍​ഥി​ക​ളാ​ണ് കോ​ച്ചിം​ഗ് ഹ​ബ്ബാ​യ കോ​ട്ട​യി​ല്‍ കു​ടു​ങ്ങി​ക്കി​ട​ക്കു​ന്ന​ത്.*

🅾️ *മ​ഹാ​രാ​ഷ്ട്ര​യി​ല്‍‌ 49 വ​യ​സു​കാ​രി​യെ കൗ​മാ​ര​ക്കാ​ര​നാ​യ മ​ക​ന്‍ തീ​കൊ​ളു​ത്തി കൊ​ന്നു. ഒ​സ്മാ​ന​ബാ​ദ് ജി​ല്ല​യി​ലെ തേ​ര്‍ പ​ട്ട​ണ​ത്തി​ല്‍ ബു​ധ​നാ​ഴ്ച​യാ​ണ് സം​ഭ​വം. പ​ണം ആ​വ​ശ്യ​പ്പെ​ട്ട​പ്പോ​ള്‍ ന​ല്‍​കാ​ത്ത​താ​ണ് കൊ​ല​പാ​ത​ക​ത്തി​നു​ള്ള പ്ര​കോ​പ​നം എ​ന്നാ​ണ് പോ​ലീ​സ് പ​റ​യു​ന്ന​ത്. വീ​ട്ടി​ലെ​ത്തി​യ 17 വ​യ​സു​കാ​ര​ന്‍ അ​മ്മ​യോ​ട് പ​ണം ആ​വ​ശ്യ​പ്പെ​ട്ടി​രു​ന്നു. എ​ന്നാ​ല്‍ പ​ണം ന​ല്‍​കാ​ന്‍ അ​മ്മ വി​സ​മ്മ​തി​ച്ച​തോ​ടെ തീ​കൊ​ളു​ത്തു​ക​യാ​യി​രു​ന്നു. ഗു​രു​ത​ര​മാ​യി പൊ​ള്ളേ​ലേ​റ്റ സ്ത്രീയെ അ​ടു​ത്തു​ള്ള ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചി​രു​ന്നു. വ്യാ​ഴാ​ഴ്ച മ​ര​ണം സം​ഭ​വി​ച്ചു.കേ​സി​ല്‍ പ്രാ​യ​പൂ​ര്‍​ത്തി​യാ​കാ​ത്ത പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി​യ ശേ​ഷം ജു​വ​നൈ​ല്‍ ഹോ​മി​ലേ​ക്ക് അ​യ​ച്ച​താ​യി പോ​ലീ​സ് പ​റ​ഞ്ഞു.*

🅾️ *സര്‍ക്കാര്‍ മാര്‍ഗനിര്‍ദേശങ്ങള്‍ ലംഘിച്ച്‌​ മതസമ്മേളനം നടത്തിയെന്ന കേസില്‍ ഡല്‍ഹി പൊലീസുമായി സഹകരിക്കാന്‍ തയാറെന്ന്​​ തബ്​ലീഗ്​ ജമാഅത്ത്​ നേതാവ്​ മൗലാന മുഹമ്മദ് സഅദ് കാന്ധലവി. മര്‍കസ്​ നിസാമുദ്ദീനില്‍ നടന്ന തബ്​ലീഗ്​ സ​മ്മേളനത്തില്‍ പ​ങ്കെടുത്തവര്‍ക്ക്​ കോവിഡ്​ ബാധിക്കുകയും ചിലര്‍ മരണപ്പെടുകയും ചെയ്​ത സംഭവത്തില്‍ മൗലാന മുഹമ്മദ് സഅദ് കാന്ധലവിക്കെതിരെ മനപൂര്‍വ്വമല്ലാത്ത നരഹത്യക്ക്​​ കേസെടുത്തിരുന്നു. പൊലീസ്​ അന്വേഷണത്തോട്​ സഹകരിക്കുമെന്ന്​ അറിയിച്ച്‌​ മൗലാനാ സഅദ്​ ക്രൈംബ്രാഞ്ചിന്​ കത്ത്​ നല്‍കി.*

🅾️ *പു​ണെ​യി​ല്‍​നി​ന്ന്​ 350 കി​ലോ​മീ​റ്റ​ര്‍ ന​ട​ന്ന്​ 21കാ​ര​ന്‍ ജ​ന്മ​നാ​ടാ​യ പ​ര്‍​ഭ​ണി​യി​ല്‍ എ​ത്തി​യ​ത്​ കോ​വി​ഡു​മാ​യി. പു​ണെ​യി​ല്‍ ഉ​പ​ജീ​വ​ന​ത്തി​നി​ടെ ലോ​ക്​​ഡൗ​ണി​ല്‍ കു​ടു​ങ്ങി​യ യു​വാ​വ്​ ര​ണ്ടും ക​ല്‍​പി​ച്ച്‌​ ന​ട​ന്ന്​ നാ​ട​ണ​യു​ക​യാ​യി​രു​ന്നു. രോ​ഗ​ല​ക്ഷ​ണ​ങ്ങ​ള്‍ പ്ര​ക​ട​മാ​വു​ക​യും തു​ട​ര്‍​ന്ന്​ ആ​ശു​പ​ത്രി​യി​ലു​മാ​യി. വ്യാ​ഴാ​ഴ്​​ച​യാ​ണ്​ കോ​വി​ഡ്​ സ്​​ഥി​രീ​ക​രി​ച്ച​ത്. ഇ​തോ​ടെ യു​വാ​വു​മാ​യി അ​ടു​ത്ത​ ബ​ന്ധം പു​ല​ര്‍​ത്തി​യ​വ​രെ നി​രീ​ക്ഷ​ണ​ത്തി​ലാ​ക്കി. മ​ഹാ​രാ​ഷ്​​ട്ര​യി​ലെ കോ​വി​ഡ്​ മു​ക്​​ത​മാ​യ 20 ജി​ല്ല​ക​ളി​ല്‍ ഒ​ന്നാ​യി​രു​ന്ന ഇ​തു​വ​രെ പ​ര്‍​ഭ​ണി.*

*🌎 അന്താരാഷ്ട്രീയം 🌍*
————————>>>>>>>>>>

🅾️ *കൊവിഡ് 19 പ്രതിസന്ധിയില്‍പ്പെട്ട് കഷടത്തിലായ കര്‍ഷകര്‍ക്ക് വമ്പൻ പ്രഖ്യാപനങ്ങളുമായി അമേരിക്കന്‍ പ്രസിഡന്റ് ഡോണള്‍ഡ് ട്രംപ്. 19 ബില്ല്യണ്‍ ഡോളറിന്റെ ധനസഹായമാണ് ട്രംപ് പ്രഖ്യാപിച്ചത്. കര്‍ഷകര്‍ക്ക് നേരിട്ടാണ് പണം നല്‍കുക. പല നഗരങ്ങളും ലോക്ക്ഡൗണായതിനെ തുടര്‍ന്ന് കര്‍ഷകര്‍ക്ക് വന്‍ നഷ്ടമുണ്ടായതായി കാര്‍ഷിക സെക്രട്ടറി സോണി പെര്‍ഡ്യു വ്യക്തമാക്കി. റസ്റ്ററന്റുകളും വിദ്യാഭ്യാസ സ്ഥാപനങ്ങളും അടഞ്ഞു കിടന്നതോടെ കാര്‍ഷികോല്‍പ്പന്നങ്ങള്‍ കെട്ടിക്കിടന്നു. നിരവധി കര്‍ഷകര്‍ വിള നശിപ്പിക്കുന്ന അവസ്ഥയുണ്ടായി. പാല്‍ ഉല്‍പാദനവും തിരിച്ചടി നേരിട്ടു. കര്‍ഷകരില്‍ നിന്ന് പാല്‍ വാങ്ങി ഫുഡ് ബാങ്കിന് നല്‍കുമെന്നും സെക്രട്ടറി അറിയിച്ചു.നേരത്തെ കാര്‍ഷിക വിപണിയെ കരകയറ്റാനായി രണ്ട് ലക്ഷം കോടിക്ക് മുകളിലുള്ള രക്ഷാ പാക്കേജ് അമേരിക്ക പ്രഖ്യാപിച്ചിരുന്നു. അതിന് പുറമെയാണ് കര്‍ഷകര്‍ക്ക് നേരിട്ട് പണം നല്‍കുന്ന പദ്ധതിയും പ്രഖ്യാപിച്ചിരിക്കുന്നത്.*

🅾️ *കോവിഡ് ബ്രിട്ടണിലും പിടിമുറുക്കുന്ന സാഹചര്യത്തില്‍ ബ്രിട്ടണില്‍ മൂന്നാഴ്ചകൂടി ലോക്ക്ഡൗണ്‍ നീട്ടി. ബ്രിട്ടണില്‍ സ്ഥിതി കൂടുതല്‍ ഗുരുതരമായി തുടരുകയാണെന്നാണ് പുറത്തുവരുന്ന റിപ്പോര്‍ട്ട്. കഴിഞ്ഞ 24 മണിക്കൂറിനിടെ 861 പോണ് രാജ്യത്ത് മരിച്ചത്. ഇതുവരെ 13,729 പേരാണ് മരിച്ചത്. ഇതിന്റെ അടിസ്ഥാനത്തിലാണ് ലോക്ക്ഡൗണ്‍ നീട്ടിയത്. ഒരുലക്ഷം പേര്‍ക്കാണ് ബ്രിട്ടണില്‍ രോഗം ബാധിച്ചിട്ടുള്ളത്. രോഗവ്യാപനം പിടിച്ചുനിര്‍ത്താന്‍ ഇതുവരെയുള്ള നടപടിക്രമങ്ങള്‍ക്കൊണ്ട് സാധിച്ചിട്ടില്ല.*

🅾️ *അമേരിക്കയില്‍ 32186 പേര്‍ കൊവിഡ് ബാധിച്ച്‌ മരിച്ചു. വൈറസ് ബാധിതരുടെ എണ്ണം 6,54301 ആയി. ഇതിനിടയില്‍ ചില അമേരിക്കന്‍ സ്റ്റേറ്റുകളില്‍ നിയന്ത്രണങ്ങള്‍ ഒഴിവാക്കാനുള്ള നീക്കത്തിലാണ് പ്രസിഡന്റ് ഡൊണാള്‍ഡ് ട്രംപ്. അമേരിക്കയെ വീണ്ടും തുറക്കുകയെന്നതാണ് നമ്മുടെ യുദ്ധത്തില്‍ അടുത്തതായി മുന്നിലുള്ളതെന്ന് ട്രംപ് മാധ്യമങ്ങളോട് പറഞ്ഞു. ഒപ്പം രാജ്യമൊട്ടാകെയുള്ള ലോക്ഡൗണ്‍ ശാശ്വതമായ പരിഹാരമല്ലെന്നും ട്രംപ് പറഞ്ഞു. അമേരിക്കയില്‍ തൊഴിലില്ലായ്മ അതിരൂക്ഷമായി തുടരുകയാണ്. കഴിഞ്ഞ ദിവസം വന്ന റിപ്പോര്‍ട്ട് പ്രകാരം കഴിഞ്ഞ ആഴ്ച 50 ലക്ഷത്തിലേറെ (5.2 മില്യണ്‍) പേരാണ് തൊഴിലില്ലായ്മാ ആനുകൂല്യങ്ങള്‍ക്കായി അപേക്ഷ നല്‍കിയത്. ഇക്കഴിഞ്ഞ നാലാഴ്ചകളിലെ കണക്കുകള്‍ കൂടി എടുക്കുമ്പോൾ 2 കോടിയിലധികം പേരാണ് (22 മില്യണ്‍) അമേരിക്കയില്‍ ആകെ തൊഴിലില്ലായ്മ വേതനങ്ങള്‍ക്കായി അപേക്ഷ നല്‍കിയിരിക്കുന്നത്.*

🅾️ *കോവിഡ്​ ബാധിതരെ ചികിത്സിക്കാന്‍ ആവശ്യമായ സുരക്ഷാ ഉപകരണങ്ങളില്ലാതെ വലഞ്ഞ്​ ബ്രിട്ടന്‍. സര്‍ജിക്കല്‍ ഗൗണ്‍​ മാത്രമണിഞ്ഞ്​ രോഗികളെ പരിചരിക്കേണ്ട അവസ്ഥയാണ്​ ഡോക്​ടര്‍മാര്‍ക്കുള്ളതെന്ന്​ ‘ദ ഗാര്‍ഡിയന്‍’ റിപ്പോര്‍ട്ട്​ ചെയ്യുന്നു. മുഴുനീള സംരക്ഷണ വസ്ത്രങ്ങള്‍ ഇല്ലാതെ വൈറസ്​ ബാധിതരെ ചികിത്സിക്കാന്‍ ബ്രിട്ടീഷ് ആരോഗ്യപ്രവര്‍ത്തകര്‍ക്ക്​ നിര്‍ദ്ദേശം നല്‍കിയതായാണ്​ റിപ്പോര്‍ട്ട്​. ഇംഗ്ലണ്ടിലെ ആശുപത്രികളില്‍ മണിക്കൂറുകള്‍ക്കുള്ളില്‍ മെഡിക്കല്‍ സപ്ലൈ തീര്‍ന്നുപോകുന്നു എന്നതിനാല്‍, രാജ്യത്തെ പൊതുജനാരോഗ്യ മാര്‍ഗനിര്‍ദ്ദേശങ്ങളില്‍ മാറ്റം വരുത്തിയതായി ഗാര്‍ഡിയന്‍ റിപ്പോര്‍ട്ട് ചെയ്തു. വെള്ളം കടക്കാത്ത തരത്തിലുള്ള മുഴുനീള സര്‍ജിക്കല്‍ ഗൗണുകള്‍ ധരിച്ചും കോവിഡ്​ രോഗികളെ പരിചരിക്കാമെന്നതാണ്​​ പുതിയ നിര്‍ദേശം.*

🅾️ *കൊറോണ വൈറസിനെതിരായ പോരാട്ടത്തിനായി പാകിസ്​താന്​ 8.4 ദശലക്ഷം ഡോളര്‍ സഹായം പ്രഖ്യാപിച്ച്‌​ അമേരിക്ക. പാകിസ്​താനിലെ അമേരിക്കന്‍ അംബാസഡര്‍ പോള്‍ ജോണ്‍സാണ് ഇക്കാര്യം അറിയിച്ചത്. അമേരിക്ക എട്ട്​ ദശലക്ഷം ഡോളറിലധികം സംഭാവന നല്‍കികൊണ്ട്​ രാജ്യവ്യാപകമായി കോവിഡ്​ വൈറസ് വ്യാപിക്കുന്നത് തടയുന്നതിനും ദുരിതബാധിതരായ ആളുകളെ പരിചരിക്കുന്നതിനും പാകിസ്​താന്‍ സര്‍ക്കാരുമായി സഹകരിക്കുന്നുവെന്ന്​ പോള്‍ ജോണ്‍സ്​ വിഡിയോ സന്ദേശത്തിലൂടെ അറിയിച്ചു. പാകിസ്​താന്‍ അധികൃതര്‍ മുന്‍‌ഗണനാ ആവശ്യങ്ങള്‍ക്കായി ഈ സംഭാവന ചെലവഴിക്കുമെന്നും അത്​ പൂര്‍ണമായും നല്‍കുന്നത്​ അമേരിക്കന്‍ ജനതയാണെന്നും അദ്ദേഹം കൂട്ടിച്ചേര്‍ത്തു.*

*⚽ കായികം, സിനിമ 🎥*
————————->>>>>>>>>

🅾️ *സൗരവ് ഗാംഗുലിയോ എം എസ് ധോണിയും വിരാട് കോലിയോ അല്ല ഇന്ത്യന്‍ ക്രിക്കറ്റിലെ ഏറ്റവും മികച്ച നായകന്‍ ആരെന്ന് വെളിപ്പെടുത്തി എസ് ശ്രീശാന്ത്. കപില്‍ ദേവാണ് ഇന്ത്യ കണ്ട എക്കാലത്തെയും മികച്ച നായകനെന്ന് ശ്രീശാന്ത് പറഞ്ഞു. 2011ലെ ഏകദിന ലോകകപ്പ് ഫൈനലില്‍ ബൌളിംഗിനിടെ സമ്മര്‍ദ്ദത്തിലായ തനിക്ക് ധൈര്യം തന്നത് സച്ചിന്‍ ടെന്‍ഡുല്‍ക്കറും യുവരാജ് സിംഗുമാണെന്നും ശ്രീശാന്ത് വെളിപ്പെടുത്തി.2007ലെ ടി20 ലോകകപ്പിലും 2011ലെ ഏകദിന ലോകകപ്പിലും പങ്കാളിയാണെങ്കിലും 2011ലെ ലോകകപ്പ് വിജയമാണ് ഏറ്റവും പ്രിയപ്പെട്ടതെന്ന് ശ്രീശാന്ത് പറഞ്ഞു. സച്ചിനായി ലോകകപ്പെടുക്കണം എന്ന ഒറ്റ ലക്ഷ്യമായിരുന്നു ടീം അംഗങ്ങള്‍ക്കെല്ലാം.ഐപിഎല്ലില്‍ കളിക്കാന്‍ അവസരം ലഭിക്കുകയാണെങ്കില്‍ മുംബൈ ഇന്ത്യന്‍സിനായി കളിക്കാനാണ് ആഗ്രഹമെന്നും ശ്രീശാന്ത് വ്യക്തമാക്കി. ശ്രീശാന്ത് ലോക്ഡൗണ്‍ കാലം കുടുംബത്തോടൊപ്പം ചെലവഴിക്കുന്ന താരത്തിന്റെ ഇപ്പോഴത്തെ ശ്രദ്ധമുഴുവന്‍ ഫിറ്റ്‌നെസിലാണ്. ഇന്ത്യക്കായി ഏറ്റവും കൂടുതല്‍ രാജ്യാന്തര മത്സരങ്ങള്‍ കളിച്ച മലയാളി ക്രിക്കറ്റ് താരമാണ് ശ്രീശാന്ത്. 27 ടെസ്റ്റിലും 53 ഏകദിനത്തിലും 10 ടി20 മത്സരത്തിലും ശ്രീശാന്ത് ഇന്ത്യക്കായി പന്തെറിഞ്ഞു. 2013ല്‍ ഐപിഎല്‍ ഒത്തുകളി വിവാദത്തെത്തുടര്‍ന്ന് ക്രിക്കറ്റില്‍ നിന്ന് ആജീവനാന്ത വിലക്ക് നേരിട്ട ശ്രീശാന്തിന്റെ വിലക്ക് പിന്നീട് ബിസിസിഐ ഓംബുഡ്‌സ്മാന്‍ ഏഴ് വര്‍ഷമായി കുറച്ചിരുന്നു.*

🅾️ *പൈറേറ്റ്‌സ് ഓഫ് ദ് കരീബിയന്‍ എന്ന ഒറ്റ സിനിമയിലൂടെ ലോകത്താകമാനം ആരാധകരെ നേടിയെടുത്ത താരമാണ് നടനാണ് ജോണി ഡെപ്പ്. ഒത്തിരി കാലമായി ആരാധകരുടെ ആവശ്യം പൂര്‍ത്തികരിച്ചിരിക്കുകയാണ് താരം. വ്യാഴാഴ്ചയാണ് ജോണി ഡെപ്പ് ഇന്‍സ്റ്റാഗ്രാം തുടങ്ങിയത്. മുന്നില്‍ കുറച്ചു മെഴുകുതിരികള്‍ കത്തിച്ചുവെച്ചുകൊണ്ട് ഒരു തടികൊണ്ടുണ്ടാക്കിയ ബെഞ്ചില്‍ ഇരിക്കുന്ന ഫോട്ടോയാണ് ജോണി ആദ്യമായി ഇന്‍സ്റ്റാഗ്രാമില്‍ പങ്കുവെച്ചിരിക്കുന്നത്. നിങ്ങള്‍ക്കു വേണ്ടി ഒരു സംഭവത്തിന്റെ ചിത്രീകരണത്തിലാണ് എന്നാണ് ഈ ഫോട്ടോയ്ക്ക് ജോണി കൊടുത്ത അടിക്കുറിപ്പ്. കുറച്ചു സമയങ്ങള്‍ക്ക് ശേഷം അതേ സ്ഥലത്ത് നിന്നു തന്നെ ചിത്രീകരിച്ച ഒരു വീഡിയോയും അദ്ദേഹം പങ്കുവെച്ചു.*

🅾️ *നെറ്റ്ഫ്ളിക്സില്‍ സംപ്രേഷണം ചെയ്യുന്ന സ്പാനിഷ് ടി.വി. സീരിസായ മണി ഹീസ്റ്റിലാണ് ഇപ്പോള്‍ സിനിമാ താരങ്ങള്‍ ഉള്‍പ്പെടെ എല്ലാവരും. ഇപ്പോഴിതാ മണി ഹീസ്റ്റിലെ പ്രൊഫസറായ സെര്‍ജിയോ മാര്‍ക്വിനയുടെ ലുക്കിലുള്ള ചിത്രത്തിന്റെ പോസ്റ്റര്‍ പങ്കുവെച്ചിരിക്കുകയാണ് നടന്‍ ജയസൂര്യ. അതില്‍ പ്രൊഫസറുടെ വേഷത്തില്‍ ജയസൂര്യയുടെ മുഖമാണ് കാണുന്നത്. കൃത്യമായി ചേരുന്നുണ്ടെന്നാണ് പലരും കമന്റ് ചെയ്യുന്നത്.’എന്റെ സ്വപ്നം ഭാഗികമായി തന്റെ വരയിലൂടെ സാക്ഷാത്കരിച്ച്‌ താമിര്‍’ എന്നാണ് ജയസൂര്യ ചിത്രത്തിന് കൊടുത്തിരിക്കുന്ന അടിക്കുറിപ്പ്.*

🅾️ *കോവിഡ് എന്ന മഹാമാരിക്ക് എതിരെ ലോകം മുഴുവന്‍ പോരാടുകയാണ്. രോഗപ്രതിരോധത്തിനുള്ള മാര്‍ഗ നിര്‍ദേശങ്ങള്‍ ദിവസവും നമ്മള്‍ കാണുകയും കേള്‍ക്കുകയും ചെയ്യുന്നുണ്ട്. ഇപ്പോള്‍ കോവിഡ് പ്രതിരോധത്തിന് ഒരു ജോര്‍ജ്കുട്ടി മോഡല്‍ നിര്‍ദേശവുമായി രംഗത്ത് എത്തിയിരിക്കുകയാണ് ശരത്ത് ശശി എന്ന യുവാവ്. ഫേസ്ബുക്കിലെ സിനിമ പേജിലാണ് രസകരമായ കുറിപ്പ് പങ്കുവെച്ചിരിക്കുന്നത്.*

*കോവിഡ് പ്രതിരോധം ജോര്‍ജ്കുട്ടി മോഡല്‍*

*1. അരുതാത്തത് ഒന്ന് നമ്മുടെ രാജ്യത്ത് സംഭവിച്ചു കഴിഞ്ഞു. നമ്മുടെ മുന്നില്‍ രണ്ട് മാര്‍ഗങ്ങളേ ഉള്ളൂ. ശക്തമായി പ്രതിരോധിക്കുക, അല്ലെങ്കില്‍ നിരുപാധികം കീഴടങ്ങുക. നമ്മള്‍ മനസാക്ഷിക്ക് മുന്നില്‍ തെറ്റൊന്നും ചെയ്തിട്ടില്ലാത്തത് കൊണ്ട് അങ്ങനെ വെറുതെ കീഴടങ്ങാന്‍ പാടില്ല. ഒറ്റക്കെട്ടായി പ്രതിരോധിക്കുക.*

*2. അനാവശ്യമായ ആഡംബരങ്ങള്‍ ഒഴിവാക്കി ചെലവ് ചുരുക്കി ജീവിക്കുക.*

*3. ഹാന്‍ഡ് വാഷിങിന്റെ ആവശ്യകതയും, സോഷ്യല്‍ ഡിസ്റ്റന്‍സിങും വീണ്ടും വീണ്ടും പറഞ്ഞു ആളുകളില്‍ അടിച്ചേല്പിക്കുക.*

*4. ഭയവും ടെന്‍ഷനും നമ്മളെ കുഴപ്പത്തില്‍ ചാടിക്കും. അത് ഒഴിവാക്കുക.*

*5. ആള്‍ക്കൂട്ടം ഉണ്ടാകുന്ന ധ്യാനം പോലെയുള്ള പരിപാടികള്‍ക്ക് പങ്കെടുക്കുന്നത് ഒഴിവാക്കി, ധ്യാനത്തിന്റെ സിഡി വാങ്ങി കാര്യങ്ങള്‍ കണ്ടു മനസിലാക്കുക.*

*6. വിഷുവും, ഈസ്റ്ററും, റംസാനും എല്ലാം റീക്രിയേറ്റു ചെയ്യുക. പ്രശ്‌നങ്ങള്‍ എല്ലാം ഒഴിവായ ശേഷം വേറൊരു ദിവസം ആഘോഷിക്കുക.*

*7. കൊറോണ വൈറസ് പോയിട്ടില്ല. വീണ്ടും വന്നേക്കും. ആ വരവ് എത്ര താമസിപ്പിക്കാന്‍ കഴിയുന്നോ, അത്രയും നല്ലത്.*

*8. കൊറോണ, മുഖത്തു തൊടാന്‍ നമ്മളെ പ്രലോഭിപ്പിക്കും, പുറത്തിറങ്ങി കറങ്ങി നടക്കാന്‍ കൊതി തോന്നിപ്പിക്കും. കാരണം കൊറോണയുടെ കയ്യില്‍ ഉള്ള ഒരേ ഒരു മാര്‍ഗം നമ്മളെ സമ്ബര്‍ക്കത്തില്‍ കൊണ്ടുവരിക എന്നുള്ളതാണ്.*

*10. തിയേറ്ററില്‍ പോകേണ്ട അത്യാവശ്യം വന്നാല്‍ ആള്‍ക്കൂട്ടം ഇല്ലാത്ത പ്രൊജക്ടര്‍ റൂമില്‍ ഇരുന്നു സിനിമ കാണുക.*

*11. പുറത്ത് ഇറങ്ങിയുള്ള വിനോദങ്ങള്‍ ഒഴിവാക്കി, കഴിയുന്നത്ര നേരം ടിവി കാഴ്ച പോലുള്ള വിനോദങ്ങളില്‍ ഏര്‍പ്പെടുക.*

*12. ഷോപ്പിങും, ഔട്ടിങ്ങും ആറു മാസത്തില്‍ ഒരിക്കലായി ചുരുക്കുക.*

*13. മഹീന്ദ്ര ജീപ്പ് പോലെയുള്ള തുറന്ന എസി ഇല്ലാത്ത വാഹനങ്ങള്‍ അത്യാവശ്യ യാത്രകള്‍ക്ക് ഉപയോഗിക്കുക.*

*14. സാധനം വാങ്ങുന്ന ബില്ലുകളും, ടിക്കറ്റുകളും സൂക്ഷിച്ചു വെയ്ക്കുക. ആവശ്യം വന്നാല്‍ ഭാവിയില്‍ നമ്മള്‍ എവിടെയൊക്കെ പോയി എന്ന് ട്രേസ് ചെയ്യാന്‍ ഉപകരിക്കും.*

*15. നമ്മുടെ ജീവിതത്തിലേക്ക് ക്ഷണിക്കപ്പെടാതെ വന്ന, നമ്മുടെ ജീവിതം ശിഥിലമാക്കാന്‍ ശേഷിയുള്ള അതിഥിയെ ഇനിയൊരിക്കലും മടങ്ങി വരില്ല എന്ന ഉറപ്പോടെ മടക്കി അയയ്ക്കുക..