ലോക്ക്ഡൗണ്‍ സമയത്ത് റദ്ദാക്കിയ ടിക്കറ്റുകള്‍ റീഫണ്ട് ചെയ്യണം
ലോക്ഡൗണ്‍ കാരണം റദ്ദാക്കപ്പെട്ട ടിക്കറ്റുകളുടെ മുഴുവന്‍ തുക വിമാന കമ്ബനികള്‍ തിരികെ നല്‍കണമെന്ന് സുപ്രീംകോടതി. മൂന്നാഴ്ചക്കകം റീഫണ്ട് തുക നല്‍കാനാണ് സുപ്രീംകോടതിയുടെ ഉത്തരവ്.മാര്‍ച്ച്‌ 25 മുതല്‍ മെയ് 24 വരെ ബുക്ക് ചെയ്ത ടിക്കറ്റുകളുടെ റീഫണ്ടാണ് മൂന്നാഴ്ചക്കുള്ളില്‍ നല്‍കാന്‍ നിര്‍ദേശിച്ചത്. ആഭ്യന്തര, അന്താരാഷ്ട്ര വിമാന സര്‍വീസുകളില്‍ ടിക്കറ്റ് ബുക്ക് ചെയ്തവര്‍ക്ക് റീഫണ്ട് ലഭിക്കും. പ്രത്യേക ചാര്‍ജുകളൊന്നും ഈടാക്കാതെ മുഴുവന്‍ തുകയും തിരിച്ച്‌ നല്‍കണമെന്നാണ് ഉത്തരവ്. ഏജന്‍റുമാര്‍ക്കാണ് റീഫണ്ട് നല്‍കുന്നതെങ്കില്‍ അവര്‍ തുക എത്രയും പെട്ടെന്ന് ഉപയോക്താക്കള്‍ക്ക് നല്‍കണമെന്നും ഉത്തരവുണ്ട്.അതേസമയം ഇന്ത്യന്‍ വിമാനക്കമ്ബനികളായ ഇന്‍ഡിഗോയും, സ്‌പൈസ് ജെറ്റ് ലിമിറ്റഡും, വിസ്താര ഉള്‍പ്പെടെയുള്ള കമ്ബനികള്‍ ലോക്ക്ഡൗണ്‍ മൂലമുള്ള വരുമാനനഷ്ടം നേരിടാന്‍ സര്‍ക്കാരില്‍ നിന്ന് വലിയ തുകകള്‍ പലിശരഹിത വായ്പയായി തേടിയിട്ടുണ്ട്.