ദേശീയദിനത്തിെന്‍റ ഭാഗമായി സുല്‍ത്താന്‍ ഹൈതം ബിന്‍ താരീഖ് രാജ്യത്തെ അഭിസംബോധന ചെയ്തു
ജനങ്ങളുടെ സുരക്ഷ ഉറപ്പുവരുത്തുന്നതിനാണ് സര്‍ക്കാര്‍ മുന്‍ഗണന നല്‍കുന്നതെന്നും അതിെന്‍റ ഭാഗമായാണ് അമ്ബതാം ദേശീയദിനാഘോഷം പരിമിതപ്പെടുത്തിയതെന്നും സുല്‍ത്താന്‍ പറഞ്ഞു.സുല്‍ത്താന്‍ ഖാബൂസ് ബിന്‍ സഇൗദിെന്‍റ അറിവും നിപുണതയും വിശ്വസ്തരായ ജനങ്ങളുടെ ത്യാഗമനോഭാവവുംകൊണ്ടാണ് ഒമാന്‍ മുന്‍കാലങ്ങളിലെ വെല്ലുവിളികള്‍ മറികടന്നത്. ഒമാന്‍ എന്നത് നമുക്കും ഭാവി തലമുറക്കും അഭിമാനവും പ്രൗഢിയും നല്‍കുന്ന ഒന്നായി തുടരുകതന്നെ ചെയ്യും.ഒമാെന്‍റ എല്ലാ ഭാഗങ്ങളിലും ഒാരോ കുടുംബത്തിനും ഒാരോ വ്യക്തികള്‍ക്കും വികസനത്തിെന്‍റ ഗുണഫലങ്ങള്‍ എത്തിക്കുകയെന്നതാണ് ലക്ഷ്യമെന്ന് സുല്‍ത്താന്‍ തെന്‍റ പ്രസംഗത്തില്‍ പറഞ്ഞു.ഇതുവരെ തുടര്‍ന്നുവന്ന തത്ത്വങ്ങളും മൂല്യങ്ങളുംതന്നെയാകും രാജ്യത്തിെന്‍റ ഭാവികാലത്തിനും അടിസ്ഥാനമാവുക. ദേശീയ താല്‍പര്യങ്ങള്‍ സംരക്ഷിച്ചുള്ള പ്രവര്‍ത്തനങ്ങളുമായാണ് സര്‍ക്കാര്‍ മുന്നോട്ടുപോവുക. ഒമാന്‍ വിഷന്‍ 2040 അടിസ്ഥാനമാക്കിയുള്ള ഭാവി വികസന സ്വപ്നങ്ങളുടെ പ്രധാന അടിസ്ഥാനം ഇതാണെന്നും സുല്‍ത്താന്‍ ഹൈതം പറഞ്ഞു.എല്ലാവരുടെയും ഉത്തരവാദിത്തമുള്ള പ്രവര്‍ത്തനത്തിലൂടെ മാത്രമേ ഇൗ സ്വപ്നം വിജയത്തിലെത്തൂ. രാജ്യത്തെ പൗരന്മാര്‍ ഒഴിവുകഴിവുകളില്ലാതെ തങ്ങളുടെ ഉത്തരവാദിത്തങ്ങളും കഴിവുകളും ഇൗ ദിശയില്‍ വിനിയോഗിക്കേണ്ടതുണ്ട്.ഒമാന്‍ വിഷന്‍ 2040െന്‍റ ഭാഗമായാണ് രാജ്യത്തെ ഭരണതലത്തിലും മന്ത്രിസഭ കൗണ്‍സിലിലും മാറ്റങ്ങള്‍ വരുത്തിയത്. സര്‍ക്കാറിെന്‍റ പ്രകടനവും മത്സരക്ഷമതയും വര്‍ധിപ്പിക്കുകയെന്നതാണ് ഭരണതലത്തിലെ ഇൗ മാറ്റത്തിെന്‍റ പ്രധാന ലക്ഷ്യം. ഭരണതലത്തിന് ഒപ്പം കണക്കുപരിശോധനയുമായി ബന്ധപ്പെട്ട നടപടികളും നവീകരിക്കുന്നതിനുള്ള നടപടികള്‍ നടന്നുവരുകയാണ്. അധികാര വികേന്ദ്രീകരണത്തിനും ഒാരോ ഗവര്‍ണറേറ്റുകളുടെയും പ്രത്യേകമുള്ള വികസനം ഉറപ്പുവരുത്തുന്നതിനുമുള്ള നിയമപരമായ ചട്ടക്കൂട് പൂര്‍ത്തിയായിവരുകയാണ്.
എണ്ണവിലയിടിവിന് ഒപ്പം കോവിഡ് മൂലവുമുള്ള പ്രതിസന്ധികളെ നേരിടാനും വിവിധ പദ്ധതികള്‍ ആവിഷ്കരിച്ച്‌ നടപ്പാക്കിവരുന്നുണ്ട്. രാജ്യത്തെ വിവിധ മേഖലകളില്‍ ഇവയുടെ ആഘാതം ബാധിക്കാതിരിക്കാനാണ് ശ്രമം നടത്തുന്നത്.ആരോഗ്യം, സാമൂഹിക, സാമ്ബത്തിക മേഖലകള്‍ക്കാണ് സര്‍ക്കാര്‍ മുന്‍ഗണന നല്‍കുകയെന്നും സുല്‍ത്താന്‍ പറഞ്ഞു. വിദ്യാഭ്യാസ മേഖലക്കുള്ള പിന്തുണയും മുന്‍ഗണനാ അടിസ്ഥാനത്തില്‍തന്നെ നടപ്പാക്കും. പ്രതിസന്ധികളും വെല്ലുവിളികളും ഒാരോ രാജ്യത്തിനും തങ്ങളുടെ കഴിവുകള്‍ കൂടുതല്‍ പ്രകടമാക്കാനുള്ള അവസരങ്ങളാണ് തുറന്നുതരുന്നത്. നിലവിലെ കോവിഡ് പ്രതിസന്ധി നൂതന ആശയങ്ങളിലൂന്നിയ സംവിധാനങ്ങള്‍ ഒരുക്കുന്നതിനുള്ള വലിയ അവസരമാണ് രാജ്യത്തെ സ്വദേശി ജനതക്ക് നല്‍കുന്നത്. ഡിജിറ്റല്‍ തലത്തില്‍ മുെമ്ബങ്ങുമില്ലാത്ത വിധത്തിലുള്ള വളര്‍ച്ച അവര്‍ കൈവരിച്ചുകഴിഞ്ഞതായും സുല്‍ത്താന്‍ പറഞ്ഞു.ചെലവുചുരുക്കലുമായി ബന്ധപ്പെട്ട് സര്‍ക്കാര്‍ കൈക്കൊണ്ട നടപടികേളാട് ജനങ്ങള്‍ അനുകൂലമായാണ് പ്രതികരിച്ചത്. സമ്ബദ്ഘടനക്ക് ഏറെ വെല്ലുവിളികളുണ്ടെങ്കിലും ധനസന്തുലനം ഉറപ്പാക്കുന്നതിനായി നടപ്പാക്കുന്ന പദ്ധതി സമ്ബദ്ഘടനയെ സുരക്ഷിത തീരത്ത് എത്തിക്കും.അടുത്ത അഞ്ചുവര്‍ഷത്തിനുള്ളില്‍ സമ്ബദ്ഘടന വികസനത്തിെന്‍റ പാതയിലേക്ക് തിരികെയെത്തുമെന്നും സുല്‍ത്താന്‍ പറഞ്ഞു.