വോട്ടു ചെയ്യാനാകാതെ വി എസ്, ആന്റണി, ഗൗരിയമ്മ, ആര്‍ ബാലകൃഷ്ണ പിള്ള ,ആരിഫ് മുഹമ്മദ് ഖാന് തലസ്ഥാനത്തു വോട്ടില്ല
വി എസ് അച്യുതാനന്ദന്, എ.കെ ആന്റണി, കെ.ആര്‍ ഗൗരിയമ്മ, ആര്‍ ബാലകൃഷ്ണ പിള്ള എന്നിവര്‍ ഇതില്‍ പെടുന്നു. 1951 മുതല്‍ എല്ലാ തിരഞ്ഞെടുപ്പിലും വോട്ടു ചെയ്ത വി എസ്. അച്യുതാനന്ദന് ഇത്തവണ ആനാരോഗ്യം മൂലം അതു സാധിച്ചില്ല. തിരുവനന്തപുരത്തു നിന്ന് ആലപ്പുഴയിലേക്കു യാത്ര ചെയ്യാനാകാത്തതിനാല്‍ തപാല്‍ വോട്ടിന് അപേക്ഷിച്ചിരുന്നു. എന്നാല്‍, അതിനു നിയമമില്ലെന്ന് അധികൃതര്‍ വ്യക്തമാക്കി.എ.കെ ആന്റണിയും ഇത്തവണ വോട്ട് ചെയ്യാന്‍ കേരളത്തിലെത്തിയില്ല. കോവിഡ് മുക്തനായ അദ്ദേഹം ഡല്‍ഹിയിലെ വസതിയില്‍ വിശ്രമത്തിലാണ്. കേരള കോണ്‍ഗ്രസ് (ബി) ചെയര്‍മാന്‍ ആര്‍ ബാലകൃഷ്ണപിള്ള വോട്ടു ചെയ്തില്ല. പിള്ളയെ കഴിഞ്ഞ ദിവസം സന്ദര്‍ശിച്ച പാര്‍ട്ടിപ്രവര്‍ത്തകനു കോവിഡ് സ്ഥിരീകരിച്ചതോടെ ക്വാറന്റീനിലായെന്നാണു വിശദീകരണം. ഗവര്‍ണര്‍ ആരിഫ് മുഹമ്മദ് ഖാന് തലസ്ഥാനത്തു വോട്ടില്ലായിരുന്നു. ആരോഗ്യപ്രശ്‌നങ്ങള്‍ മൂലം വിശ്രമത്തിലായതിനാല്‍ കവി സുഗതകുമാരി വോട്ടു ചെയ്തില്ല.കഴിഞ്ഞ ലോക്‌സഭാ തിരഞ്ഞെടുപ്പില്‍ മുടവന്മുകള്‍ ഗവ. എല്‍പി സ്‌കൂളില്‍ വോട്ടു ചെയ്ത നടന്‍ മോഹന്‍ലാല്‍ എത്തിയില്ല. പത്മശ്രീ ജേതാവ് ലക്ഷ്മിക്കുട്ടിയമ്മ നിലവിലെ രാഷ്ട്രീയ സാഹചര്യങ്ങളോടുള്ള വിയോജിപ്പു മൂലം വോട്ടു ചെയ്തില്ല.മാര്‍ത്തോമ്മാ സഭാ അധ്യക്ഷന്‍ ഡോ. തിയഡോഷ്യസ് മാര്‍ത്തോമ്മാ മെത്രാപ്പൊലീത്ത വോട്ടു ചെയ്തില്ല. വോട്ടര്‍പട്ടികയില്‍ പേരു ചേര്‍ത്തിരുന്നില്ല. ഡോ. ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പൊലീത്ത പ്രായാധിക്യത്തെത്തുടര്‍ന്നു വോട്ടു ചെയ്യാനെത്തിയില്ല. പട്ടികയില്‍ പേരില്ലാത്തതിനാല്‍ ഓര്‍ത്തഡോക്‌സ് സഭ അടൂര്‍കടമ്ബനാട് ഭദ്രാസനാധിപന്‍ ഡോ. സഖറിയാസ് മാര്‍ അപ്രേമിനു വോട്ടു രേഖപ്പെടുത്താനായില്ല.