ഡല്‍ഹിയില്‍ 18ന് സ്‌കൂളുകള്‍ തുറക്കും
കൊവിഡ് വ്യാപനത്തിനും ലോക്ക് ഡൗണിനും ശേഷം പത്ത് മാസം കഴിഞ്ഞാണ് സ്‌കൂളുകള്‍ വീണ്ടും തുറക്കുന്നത്. പത്ത്, പ്ലസ്ടു ക്ലാസുകളാണ് ആദ്യം തുറക്കുക. രക്ഷിതാക്കളുടെ അനുമതിയോടെ കുട്ടികള്‍ക്ക് സ്‌കൂളിലേക്ക് വരാം. സിബിഎസ്‌ഇ പരീക്ഷാ തിയതികള്‍ പ്രഖ്യാപിച്ച സാഹചര്യത്തിലാണ് ക്ലാസുകള്‍ പുനരാരംഭിക്കുന്നത്.ഹാജര്‍ നിര്‍ബന്ധമല്ലെന്നും എന്നാല്‍ സ്‌കൂളില്‍ എത്തുന്ന വിദ്യാര്‍ത്ഥികളുടെ വിവരം സൂക്ഷിക്കണമെന്നും സര്‍ക്കാര്‍ പറഞ്ഞു. സാമൂഹിക അകലം പാലിക്കണമെന്നും മാസ്ക് ധരിക്കണമെന്നും ശുചിത്വം പാലിക്കണമെന്നും മുന്നറിയിപ്പ് നല്‍കി. സിബിഎസ്‌ഇ പരീക്ഷകള്‍ മെയ് നാലിനാണ് തുടങ്ങുകയെന്നും വിവരം. ഷെഡ്യൂള്‍ പ്രഖ്യാപിച്ചിട്ടില്ല. പ്ലസ് ടു പ്രീ ബോര്‍ഡ് പരീക്ഷ മാര്‍ച്ച്‌ മൂന്ന് മുതല്‍ ഏപ്രില്‍ 15 വരെ നടക്കും. ഏപ്രില്‍ ഒന്ന് മുതല്‍ ഏപ്രില്‍ 15 വരെയാണ് പത്താം ക്ലാസുകാരുടെ പ്രീ ബോര്‍ഡ് പരീക്ഷ.